ನಗಬೇಕಮ್ಮಾ ನಗಬೇಕು

ಗುಂಡಿ: ಸಾರ್... ನಿನ್ನೆ ರಾತ್ರಿ ಕಳ್ಳ ಮನೆಗೆ ಬಂದು ಎಲ್ಲ ದೋಚಿಕೊಂಡು ಹೋಗ್ಬಿಟ್ಟಾ ಸಾರ್...
ಪೋಲಿಸ್: ಆದ್ರೆ ನಿಮ್ಮ ಬಳಿ ಪಿಸ್ತೂಲ್ ಇತ್ತಲ್ಲಾ ಮೇಡಂ?
ಗುಂಡಿ: ಇತ್ತು ಸಾರ್... ಅದನ್ನು ಬಚ್ಚಿಟ್ಕೊಂಡು ಬಿಟ್ಟೆ. ಇಲ್ಲಾಂದ್ರೆ ಅದು ಕೂಡಾ ಕಳ್ಳನ ಪಾಲಾಗ್ತಿತ್ತು.
-
ಗುಂಡ ಅಡುಗೆ ಮನೆಗೆ ಹೋಗಿ ಸಕ್ಕರೆ ಡಬ್ಬವನ್ನು ಓಪನ್ ಮಾಡಿ, ನೋಡಿ ಮತ್ತೆ ಮುಚ್ಚಿದ. ಪ್ರತಿ ಒಂದು ಗಂಟೆಗೆ ಒಂದು ಬಾರಿ ಈ ರೀತಿ ಮಾಡುತ್ತಿದ್ದ. ಇದನ್ನೆಲ್ಲ ಗಮನಿಸುತ್ತಿದ್ದ ಗುಂಡನ ಮಡದಿ ಕೇಳಿದಳು; 'ರೀ ನಾನೂ ಆವಾಗಿಂದ ನೋಡ್ತಾನೆ ಇದ್ದೀನಿ, ಸಕ್ಕರೆ ಡಬ್ಬ ಓಪನ್ ಮಾಡ್ತೀರಾ, ನೋಡ್ತಿರಾ, ಮತ್ತೆ ಮುಚ್ಚುತ್ತೀರಾ. ಏನು ಮಾಡ್ತಾ ಇದ್ದೀರಾ ನೀವು?
ಗುಂಡ: ಡಾಕ್ಟರ್ ಹೇಳಿದ್ದಾರೆ ಪ್ರತಿ ಗಂಟೆಗೊಮ್ಮೆ ಶುಗರ್ ಲೆವೆಲ್ ಚೆಕ್ ಮಾಡೀಂತಾ!
-
ಆಗಾಗ ಭಿಕ್ಷುಕನೊಬ್ಬನಿಗೆ ಭಿಕ್ಷೆ ನೀಡುತ್ತಿದ್ದ ವ್ಯಕ್ತಿಗೆ ಆ ದಿನ ಒಂದು ಅಚ್ಚರಿ ಕಾದಿತ್ತು. ಭಿಕ್ಷುಕ ಎಂದಿನಂತೆ ತಾನು ಕುಳಿತಿದ್ದ ಜಾಗದಲ್ಲಿ ಒಂದು ಪಾತ್ರೆಯ ಬದಲು, ಎರಡು ಪಾತ್ರೆ ಇಟ್ಟಿದ್ದ.
ವ್ಯಕ್ತಿ: ಏನಪ್ಪಾ, ಒಂದು ಪಾತ್ರೆಯ ಬದಲು ಎರಡು ಪಾತ್ರೆ ಇಟ್ಟಿದ್ದೀಯಲ್ಲ, ಯಾಕೆ?
ಭಿಕ್ಷುಕ: ನಿಜ ಸಾರ್, ಇತ್ತೀಚೆಗೆ ಬಿಸಿನೆಸ್ ಚೆನ್ನಾಗಿದೆ. ಆದ್ದರಿಂದ ಬ್ರಾಂಚ್ ಆಫೀಸ್ ಓಪನ್ ಮಾಡಿದ್ದೀನಿ!
-
ಅಮ್ಮ: ಯಾಕೋ ಪುಟ್ಟ ಶಾಲೆಯಿಂದ ಇಷ್ಟು ಬೇಗನೆ ಬಂದಿದ್ದೀಯಾ? ಶಾಲೆ ಬೇಗನೆ ಬಿಡ್ತಾ?
ಪುಟ್ಟ: ಹೌದಮ್ಮ, ಮಿಸ್ ಒಂದು ಪ್ರಶ್ನೆ ಕೇಳಿದ್ದರು. ನಾನು ಅದಕ್ಕೆ ಉತ್ತರ ಕೊಡದಿದ್ದರಿಂದ ಕ್ಲಾಸಿನಿಂದ ಹೊರಗಟ್ಟಿದರು.
ಅಮ್ಮ: ಹೌದೇನೋ... ಯಾವ ಪ್ರಶ್ನೆ ಕೇಳಿದರು?
ಪುಟ್ಟ: ಮಿಸ್ಸು, ನನ್ನ ಮೇಲೆ ಚಾಕ್‌ಪೀಸ್ ಎಸೆದದ್ದು ಯಾರೆಂದು ಕೇಳಿದ್ರು!