ನಗಬೇಕು...

ಒಂದು ದೊಡ್ಡ ಜಮಖಾನೆಯ ಮೇಲೆ ಏಳು ಮಂದಿ ಸನ್ಯಾಸಿಗಳು ಕುಳಿತಿದ್ದರು. ಈ ಪೈಕಿ ಒಬ್ಬ ಸನ್ಯಾಸಿಯ ಗಮನ ಸೆಳೆದ ತರುಣನೊಬ್ಬ ಹೇಳಿದ: 'ಸ್ವಾಮಿ, ನನ್ನ ಹುಡುಗಿ ಕೈ ಕೊಟ್ಟಳು. ಈಗ ನಾನು ಏನು ಮಾಡಬೇಕು? ಹೇಳಿ...'
ಆ ಸಾಧು ತಕ್ಷಣವೇ ಹೇಳಿದ: 'ವತ್ಸಾ, ಒಂದು ಚಿಕ್ಕ ಜಮಖಾನೆ ತಂದು, ನಮ್ಮ ಜೊತೆಗೇ ಕುಳಿತುಕೊ.
---
ಬರೀ  ಗೃಹಿಣಿಯರೇ ಪ್ರವಾಸ ಹೊರಟಿದ್ದರು. ದುರಾದೃಷ್ಟವಶಾತ್ ಮಾರ್ಗಮಧ್ಯೆ ಅವರಿದ್ದ ಬಸ್ಸು ಕಂದಕಕ್ಕೆ ಉರುಳಿ ಬಿತ್ತು. ಎಲ್ಲರೂ ಸ್ಥಳದಲ್ಲೇ ಮೃತಪಟ್ಟರು. ಈ ದುರಂತದಿಂದ ದಿಗ್ಭ್ರಮೆಗೊಂಡ ಗೃಹಿಣಿಯರ ಗಂಡಂದಿರೆಲ್ಲ ಒಂದು ವಾರದವರೆಗೆ ಶೋಕ ಆಚರಿಸಿದರು. ಈ ಘಟನೆ ನಡೆದು ಒಂದೂವರೆ ತಿಂಗಳು ಕಳೆದು ಹೋದ ನಂತರವೂ ಗುಂಡ ಪ್ರತಿ ದಿನ ಸಂಜೆ ಒಂದು ಕಡೆ ಕೂತು ಗೊಳೋ ಎಂದು ಅಳುತ್ತಿದ್ದ. ಅದನ್ನು ಕಂಡ ಹಿರಿಯರೊಬ್ಬರು ಹೇಳಿದರು; ಸಮಾಧಾನ ಮಾಡಿಕೊಳ್ಳಪ್ಪಾ...
ಗುಂಡ ತಕ್ಷಣವೇ ಹೇಳಿದ: ನನ್ನ ಹೆಂಡತಿ ಟೂರ್‌ಗೆ ಹೋಗಲೇ ಇಲ್ಲ ಸ್ವಾಮೀ, ಹೇಗೆ ಸಮಾಧಾನ ಮಾಡಿಕೊಳ್ಳೋದು ಹೇಳಿ...
---
ಪೋಲಿ ಗೆಳೆಯರ ಗುಂಪು ಬಾರ್‌ಗೆ ಬಂದಿತ್ತು. ಕಿಕ್ ಏರುತ್ತಿದ್ದಂತೆಯೇ ಒಬ್ಬ ಪ್ರಶ್ನೆ ಹಾಕಿದ. ಕೋಳಿ ಮೊದಲೋ ಮೊಟ್ಟ ಮೊದಲೋ?
ಎಲ್ಲರಿಗಿಂತ ಮೊದಲೇ ಗುಂಡ ಹೀಗೆ ಉತ್ತರಿಸಿದ: ನಾವು ಯಾವುದನ್ನು ಮೊದಲು ಆರ್ಡರ್ ಮಾಡ್ತೀವೋ ಅದೇ ಮೊದಲು ಬರ್ತದೆ...
---
ಊಟ ಬಿಟ್ಟವನು, ನಿದ್ದೆ ಬಿಟ್ಟವನು ಮಾತು ಬಿಟ್ಟವನು, ಕುಳಿತಲ್ಲೇ ಕುಳಿತವನು... ಇಂಥ ಗುಣ ಹೊಂದಿದವನನ್ನು ಹಿಂದೆ ಸನ್ಯಾಸಿ ಅನ್ನುತ್ತಿದ್ದರು. ಈಗ, ಸಾಫ್ಟ್‌ವೇರ್ ಎಂಜಿನಿಯರ್ ಅನ್ನುತ್ತಾರೆ!
---
ಗರ್ಲ್ ಫ್ರೆಂಡ್‌ಗೂ, ಹೆಂಡತಿಗೂ ಇರುವ ವ್ಯತ್ಯಾಸವೇನು?
ಯಾವುದೇ ಪ್ರಶ್ನೆ ಕೇಳಿದರೂ ಗರ್ಲ್ ಫ್ರೆಂಡ್ ಉತ್ತರ ಕೊಡುತ್ತಾಳೆ. ಆದ್ರೆ ಹೆಂಡತಿ- ನೀವು ಏನೇ ಉತ್ತರ ಹೇಳಿದ್ರೂ ಅವರ ಹಿಂದೇನೇ ಒಂದು ಪ್ರಶ್ನೆ ಕೇಳ್ತಾಳೆ!