ಸಂಪ್ರದಾಯ ಬದಿಗೊತ್ತಿ ಹೆಣ್ಣು-ಗಂಡು ಮಕ್ಕಳಿಬ್ಬರಿಗೂ ಉಪನಯನ ಮಾಡಿಸಿದ ಪೋಷಕರು!
ನಾವೆಲ್ಲ ಲಿಂಗ ತಾರತಮ್ಯದ ಬಗ್ಗೆ ಮಾತನಾಡುತ್ತೇವೆ. ಆದರೆ ಜೀವನದಲ್ಲಿ ಅಳವಡಿಸಿಕೊಳ್ಳುವವರು ...
Published On :
ಬೆಂಗಳೂರು: ಲಿಂಗ ತಾರತಮ್ಯದ ಬಗ್ಗೆ ನಾವೆಲ್ಲಾ ಮಾತನಾಡುತ್ತೇವೆ. ಆದರೆ ವಾಸ್ತವವಾಗಿ ಜೀವನದಲ್ಲಿ ಹೆಣ್ಣು ಮತ್ತು ಗಂಡು ಮಕ್ಕಳನ್ನು ಸಮಾನವಾಗಿ ಕಾಣುವವರು ಕಡಿಮೆ ಮಂದಿ. ಬೆಂಗಳೂರಿನ ವಕೀಲೆಯೊಬ್ಬರು ಸಮಾಜದ ಎಲ್ಲಾ ಸಂಪ್ರದಾಯಗಳನ್ನು ಬದಿಗೊತ್ತಿ ತಮ್ಮ ಅವಳಿ ಮಕ್ಕಳಲ್ಲಿ ಹೆಣ್ಣು ಮತ್ತು ಗಂಡು ಮಕ್ಕಳಿಬ್ಬರಿಗೂ ಬ್ರಹ್ಮೋಪದೇಶ ಮಾಡಿಸಿದ್ದಾರೆ.
ಹಿಂದೂ ಧರ್ಮದ ಬ್ರಾಹ್ಮಣ ಪಂಗಡದಲ್ಲಿ ಗಂಡು ಮಕ್ಕಳಿಗೆ ಉಪನಯನ ಸಂಸ್ಕಾರ ಮಾಡುವ ಪದ್ಧತಿಯಿದೆ. ಅಡ್ವೊಕೇಟ್ ಕ್ಷಮ ನರಗುಂದ ಮತ್ತು ಅವರ ಪತಿ ಉದ್ಯಮಿ ವೈವಸ್ವತ ತಮ್ಮ ಅವಳಿ ಮಕ್ಕಳಾದ ಸಂವಿತಾ ಬಾನಾವತಿ ಮತ್ತು ಅಸ್ಮಿತಾ ಬಾಲಾವತಿಯವರಿಗೆ ಒಟ್ಟಿಗೆ ಬ್ರಹ್ಮೋಪದೇಶ ಮಾಡಿದ್ದಾರೆ. ಈ ಮಕ್ಕಳಿಗೆ ಇನ್ನೊಂದೆರಡು ವಾರ ಕಳೆದರೆ 8 ವರ್ಷ ತುಂಬುತ್ತದೆ.
ಹೆಣ್ಣು ಮಕ್ಕಳಿಗೆ ಸಹ ಉಪನಯನ ಮಾಡುವುದು ಹಿಂದೂ ಧರ್ಮದ ಶಾಸ್ತ್ರದಲ್ಲಿದೆ. ಆ ಬಗ್ಗೆ ನಾನು ಓದಿದ್ದೇನೆ. ನಾವು ವೇದ, ಶಾಸ್ತ್ರಗಳ ತಜ್ಞರು, ಪಂಡಿತರ ಸಲಹೆ ಪಡೆದು ನಮ್ಮ ಮಗಳಿಗೆ ಸಹ ಜನಿವಾರ ಹಾಕಲು ನಿರ್ಧರಿಸಿದೆವು. ಈ ಸಂಪ್ರದಾಯ ಪುರಾಣಗಳಲ್ಲಿತ್ತು. ಅದರ ಪ್ರಕಾರ ನಾವು ಈ ಆಚರಣೆ ಮಾಡಿದೆವು ಎನ್ನುತ್ತಾರೆ ಅಡ್ವೊಕೇಟ್ ಕ್ಷಮಾ.
ಈ ಸಂಪ್ರದಾಯ ಮಾಡಿದಾಗ ಸಹಜವಾಗಿ ಸಂಬಂಧಿಕರು ಮತ್ತು ಸ್ನೇಹಿತರಿಂದ ದಂಪತಿಗೆ ಪ್ರಶ್ನೆಗಳು ಎದುರಾಗಿದ್ದವಂತೆ. ಯಾಕಿದು, ಹೇಗೆ ಮಗಳಿಗೆ ಉಪನಯನ ಮಾಡುತ್ತೀರಿ ಎಂದು ಕೇಳಿದ್ದರಂತೆ. ಹೇಗೆ ಕಾರ್ಯಕ್ರಮ ಮಾಡುತ್ತಾರೆ ಎಂದು ಕಾರ್ಯಕ್ರಮಕ್ಕೆ ಬಂದ ಅತಿಥಿಗಳಿಗೆ ಸಹ ಕುತೂಹಲವಿತ್ತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.