ನವೆಂಬರ್ 29 ರಂದು ಮಾಜಿ ಪ್ರಧಾನಿ ಎಚ್.ಡಿ. ದೇವೇಗೌಡರ ಜೀವನ ಚರಿತ್ರೆ ಬಿಡುಗಡೆ

ಬೆಂಗಳೂರು: ಮಾಜಿ ಪ್ರಧಾನ ಮಂತ್ರಿ ಹೆಚ್. ಡಿ. ದೇವೇಗೌಡರು ಒಂದು ಸಾಮಾನ್ಯ ಹಳ್ಳಿಯಿಂದ ದೇಶದ ಅತ್ಯುನ್ನತ ಸ್ಥಾನವನ್ನು ಅಲಂಕರಿಸುವ ಮಟ್ಟಕ್ಕೆ ಬೆಳೆದಿದ್ದರು. ಅವರ 6 ದಶಕಗಳ ರಾಜಕೀಯ ಜೀವನದ ಏಳುಬೀಳುಗಳನ್ನು ದಾಖಲಿಸುವ ಅವರ ಜೀವನ ಚರಿತ್ರೆ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.

ಹಿರಿಯ ಪತ್ರಕರ್ತ ಸುಗತ ಶ್ರೀನಿವಾಸ್ ಅವರು ರಚಿಸಿರುವ ದೇವೇಗೌಡರ ಜೀವನ ಚರಿತ್ರೆಯನ್ನು ಪೆಂಗ್ವಿನ್ ಪ್ರಕಾಶನ ಪ್ರಕಟಿಸುತ್ತಿದೆ. 600 ಪುಟಗಳಿರುವ ಈ ಪುಸ್ತಕದಲ್ಲಿ ದೇವೇಗೌಡರ 6 ದಶಕಗಳ ರಾಜಕೀಯ ಜೀವನವನ್ನು ಪುಸ್ತಕದಲ್ಲಿ ದಾಖಲಿಸಲಾಗಿದೆ. ಆಕ್ಸ್ ಫರ್ಡ್ ಪ್ರಾಧ್ಯಾಪಕರೂ ಈ ಗ್ರಂಥವನ್ನು ವಿಶ್ಲೇಷಿಸಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು: ಕುಮಾರಸ್ವಾಮಿ ಸಂಪಾದಕತ್ವದ 'ಜನತಾ ಪತ್ರಿಕೆ' ಲೋಕಾರ್ಪಣೆ

ಸ್ವಾತಂತ್ರ್ಯೋತ್ತರ ಭಾರತದ ರಾಜಕೀಯದ ಇತಿಹಾಸವು ಕೆ ಹಲವರಿಗೆ ಕ್ರೂರವಾಗಿದೆ. ನನಗೆ, ಎಚ್‌.ಡಿ. ದೇವೇಗೌಡರ ಜೀವನ, ರಾಜಕೀಯ ಮತ್ತು ಸಮಯವನ್ನು ಅಧ್ಯಯನ ಮಾಡುವುದು ಸಮತೋಲನವನ್ನು ಮರುಸ್ಥಾಪಿಸುವಾಗ ನನಗೆ ಅನೇಕ ಅನುಭವಗಳುಂಟಾದವು. ನಾನು ಈ ಪುಸ್ತಕವನ್ನು ಬರೆಯುವಾಗ, ದೇವೇಗೌಡರ ಜೀವನವು ಸ್ಥಳೀಯ ಮತ್ತು ಸಾರ್ವತ್ರಿಕವಾದ ಒಂದು ಆಕರ್ಷಕವಾದ ಮಿಳಿತವಾಗಿ ನನಗೆ ಕಂಡಿತು ಎಂದು ಲೇಖಕ ಸುಗತ ಶ್ರೀನಿವಾಸರಾಜು ಹೇಳಿದ್ದಾರೆ.

ಇದನ್ನೂ ಓದಿ: ಕಾರ್ಯಕರ್ತರೇ ಜೆಡಿಎಸ್ ಪಕ್ಷದ ಜೀವಾಳ; ನಾಯಕರು ನೆಪಮಾತ್ರ: ಹೆಚ್ ಡಿ ದೇವೇಗೌಡ

ದೇವೇಗೌಡರ ಜೀವನ ಚರಿತ್ರೆ ಬರೆದು ಮುಗಿಸುವಾಗ ನನಗೆ ಸಿಕ್ಕ ಅಪಾರ ಅದೃಷ್ಟಕ್ಕೆ ನಾನು ಸಂತೋಷ ಪಟ್ಟೆ, ಪುಸ್ತಕದಲ್ಲಿ ದೇವೇಗೌಡರ ಶ್ರೀಮಂತ ಸಂಸದೀಯ ದಾಖಲೆ, ಅವರ ಜೀವನದ ವಿವಿಧ ಹಂತಗಳು, ಏಳು-ಬೀಳುಗಳ ಬಗ್ಗೆ ತಿಳಿಯಲು ಹಲವು ಸಂದರ್ಶನ ಮಾಡಿದ್ದಾಗಿ ತಿಳಿಸಿದ್ದಾರೆ.