ನನಗೆ 'ರೀಬ್ರ್ಯಾಂಡಿಂಗ್' ಅಗತ್ಯವಿಲ್ಲ, ಅಧಿಕಾರ ಕೇವಲ ಕೆಲವರ ಆಸ್ತಿಯಲ್ಲ: ಡಿ.ಕೆ.ಶಿವಕುಮಾರ್

ಬೆಂಗಳೂರು: ಶಿರಾ ಹಾಗೂ ರಾಜರಾಜೇಶ್ವರಿ ನಗರ ಉಪಚುನಾವಣೆಯಲ್ಲಿ ಬಿಜೆಪಿಗೆ ದೊಡ್ಡ ಗೆಲುವು ಸಿಕ್ಕಲಿದೆ ಎನ್ನುವ ಎಕ್ಸಿಟ್ ಪೋಲ್ಸ್ ಮುನ್ಸೂಚನೆ ನೀಡಿದ್ದರೂ ಸಹ ಕೆಪಿಸಿಸಿ ರಾಜ್ಯಾಧ್ಯಕ್ಷ ಡಿಕೆ ಶಿವಕುಮಾರ್ ಮಾತ್ರ ಬೇರೆಯದೇ ಮಾತುಗಳನ್ನಾಡಿದ್ದಾರೆ. "ಎಕ್ಸಿಟ್ ಪೋಲ್ ಸಮೀಕ್ಷೆಗಳು ಅವರ ಅಂದಾಜಿನ ಆಧಾರದ ಮೇಲೆ ಫಲಿತಾಂಶವನ್ನು ಊಹಿಸಿವೆ,ಜನರು ನಮ್ಮನ್ನು ಆಶೀರ್ವದಿಸಿದ್ದಾರೆ ಎಂಬ ವಿಶ್ವಾಸ ನಮಗಿದೆ ”ಎಂದು ಶಿವಕುಮಾರ್ ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ತಿಳಿಸಿದರು.

ಎರಡು ಸ್ಥಾನಗಳು ಸರ್ಕಾರಕ್ಕೆ ಅಥವಾ ಪ್ರತಿಪಕ್ಷಗಳಿಗೆ ಅಲ್ಪ ಸ್ವಲ್ಪ ವ್ಯತ್ಯಾಸವನ್ನುಂಟುಮಾಡುತ್ತವೆ, ಆದರೆ ಕೆಪಿಸಿಸಿ ಮುಖ್ಯಸ್ಥರಾಗಿ ಅವರ ಚೊಚ್ಚಲ ಚುನಾವಣೆ ಹೋರಾಟವಿದಾಗಿದೆ. ಆದ್ದರಿಂದ ಇದು ಶಿವಕುಮಾರ್ ಅವರಿಗೆ ಮುಖ್ಯವಾಗಿದೆ. ಅದರಲ್ಲೂ ವಿಶೇಷವಾಗಿ ಶಿರಾ ಮತ್ತು ಆರ್.ಆರ್.ನಗರ ಎರಡೂ ಒಕ್ಕಲಿಗ ಪ್ರಾಬಲ್ಯದ ಸ್ಥಾನಗಳಾಗಿವೆ. ಚುನಾವಣೆಯ ಕೆಲ ದಿನಗಳ ಮುನ್ನ ಸಿಬಿಐ ಅವರ ಆಸ್ತಿಗಳ ಮೇಲೆ ನಡೆಸಿದ ದಾಳಿಯು ಒಕ್ಕಲಿಗ ನಾಯಕನಿಗೆ ತಮ್ಮ ಶಾಸಕರು ಬಿಜೆಪಿಗೆ ಸೇರಿದ್ದಕ್ಕಿಂತಲೂ ಮುಖ್ಯವಾಗಿದೆ, 

ಕಾಂಗ್ರೆಸ್ ನ ಅನೇಕ ಸ್ಥಳೀಯ ಮತ್ತು ತಳಮಟ್ಟದ ನಾಯಕರು ಪಕ್ಷ ತೊರೆದಿದ್ದಾರೆ. “ಈ ನಾಯಕರಿಗೆ ಸಂಪೂರ್ಣ ಜವಾಬ್ದಾರಿಯನ್ನು ನೀಡುವ ಮೂಲಕ ನಾನು ದೊಡ್ಡ ಪ್ರಮಾದ ಮಾಡಿದ್ದೇನೆ. ಭವಿಷ್ಯದಲ್ಲಿ ಇಂತಹಾ ತಪ್ಪಾಗುವುದಿಲ್ಲ. "ಶಿವಕುಮಾರ್ ಹೇಳಿದರು. ಹೊಸ ನಾಯಕತ್ವವನ್ನು ಬೆಳೆಸುವುದು, ಕೇಡರ್ ಚಾಲನೆಯನ್ನು ನಿಲ್ಲಿಸುವುದು ಹೊರತಾಗಿ ಮುಂದಿನ ಮಾರ್ಗವಾಗಿದೆ ಎಂದು ಕಾಂಗ್ರೆಸ್ ನಂಬುತ್ತದೆ. ಪಕ್ಷದ ಹುದ್ದೆಗಳು ಮತ್ತು ವಿಧಾನಸಭೆ ಟಿಕೆಟ್‌ಗಳ ಆಕಾಂಕ್ಷಿಗಳಾದ ಕಾಂಗ್ರೆಸ್ ಕಾರ್ಯಕರ್ತರನ್ನು ತಾಲೂಕು ಅಗ್ರಿಕಲ್ಚರಲ್ ಪ್ರೊಡ್ಯೂಸ್ ಕೋ-ಆಪರೇಟಿವ್ ಮಾರ್ಕೆಟಿಂಗ್ ಸೊಸೈಟಿ ಚುನಾವಣೆಗಳು ಸೇರಿದಂತೆ ತಳಮಟ್ಟದ ಚುನಾವಣೆಗಳಲ್ಲಿ ಕೆಲಸ ಮಾಡಲು ನಿಯೋಜಿಸಲಾಗಿದೆ.ಈ ಮತದಾನಕ್ಕಾಗಿ ಶಿವಕುಮಾರ್ ಅವರೇ ಕನಕಪುರದಲ್ಲಿದ್ದರು.

ಶಿವಕುಮಾರ್ ‘ಜನಪ್ರಿಯ ನಾಯಕ’ ಸ್ಥಾನದಿಂದ ಜಾತಿ ಅಲೆಗಳ ಮೀರಿ ರಿ ‘ಸಾಮೂಹಿಕ ನಾಯಕ’ ಎಂದು ಬದಲಾಗುವ ಪ್ರಜ್ಞಾಪೂರ್ವಕ ಪ್ರಯತ್ನ ಮಾಡಬೇಕಿದೆ ಎಂದು ಅವರ ಸುತ್ತಲಿನ ಮಂದಿ ಒತ್ತಾಯಿಸಿದ್ದಾರೆ.  ಅಲ್ಲದೆ ಅವರಿಗೆ ಇದನ್ನು ಮಾಡಲು ಸಹಕಾರಿಯಾದ ಕಾರ್ಯಕರ್ತರ ತಂಡವೂ ಇದೆ. ಆದರೆ ಹೊರಗಿನ ಸಹಾಯವೂ ಸಿಕ್ಕಲಿದೆ. . “ನನಗೆ‘ ರೀಬ್ರ್ಯಾಂಡಿಂಗ್ ’ಅಗತ್ಯವಿಲ್ಲ. ನಾನು ನನ್ನ ಅನುಭವವನ್ನು ಅವಲಂಬಿಸಿದ್ದೇನೆ, ಆದರೆ ಯಾವುದೇ ಸಲಹೆಗಳನ್ನು ತಿರಸ್ಕರಿಸುವುದಿಲ್ಲ. ಅವರ (ಖಾಸಗಿ ಸಲಹೆಗಾರರ)ತಂತ್ರಜ್ಞಾನ ಮತ್ತು ಕಾರ್ಯತಂತ್ರಕ್ಕೆ ನಾನು ಮುಕ್ತನಾಗಿದ್ದೇನೆ. ವಿಭಿನ್ನ ಜನರು ತಮ್ಮ ಮನಸ್ಸನ್ನು ಒಂದಾಗಿಸುವುದರಿಂದ ಒಳ್ಳೆ ವಿಚಾರಗಳು ಹೊರಬಂದರೆ ನನಗೆ ಖುಷಿ.ದರೆ ಈ ಗುಂಪುಗಳು ನನಗೆ ಇಲ್ಲಿಯವರೆಗೆ ಯಾವ ವಿಚಾರವನ್ನೂ ಮನವರಿಕೆ ಮಾಡಿಲ್ಲ"ಅವರು ಹೇಳಿದರು.

ಉಪಚುನಾವಣೆಯಲ್ಲಿ ಎರಡೂ ಸ್ಥಾನಗಳನ್ನು ಕಳೆದುಕೊಂಡರೆ ಶಿವಕುಮಾರ್ ಗೆ ಮುಖಭಂಗವಾಗಲಿದೆ, ಪಕ್ಷದ ಮುಖಂಡರು ಜವಾಬ್ದಾರಿಯನ್ನು ಹಂಚಿಕೊಳ್ಳಲು ಉತ್ಸುಕರಾಗಿದ್ದಾರೆ. "ಫಲಿತಾಂಶ ಏನೇ ಇರಲಿ, ಇಡೀ ತಂಡ ಒಟ್ಟಾಗಿ ಕೆಲಸ ಮಾಡಿದ್ದಕ್ಕೆ ನನಗೆ ಸಂತೋಷವಾಗಿದೆ" ಎಂದು ಅವರು ಹೇಳಿದರು, ರಾಜರಾಜೇಶ್ವರಿ ನಗರದಲ್ಲಿ ಕುಸುಮಾ ಅವರನ್ನು ಕಣಕ್ಕಿಳಿಸುವಲ್ಲಿ ಅವರ ರಾಜಕೀಯ ಅನುಭವ ಕೆಲಸಮಾಡಿದೆಎಂದು ಅವರು ಹೇಳಿದರು. “ನಾವು ಕುಸುಮಾ ಅವರೊಂದಿಗೆ ಪ್ರಚಾರ ಮಾಡಲು ಪ್ರಾರಂಭಿಸಿದಾಗ, ಯಾವುದೇ ಬೆಂಬಲವಿರಲಿಲ್ಲ. ಆದರೆ ಈಗ ಎಕ್ಸಿಟ್ ಪೋಲ್ ಗಳು ಸಹ ಆಕೆಗೆ ಶೇಕಡಾ 30 ರಷ್ಟು ಮತ ಹಂಚಿಕೆ ಆಗಿರುವುದಾಗಿ ಊಹಿಸಿದೆ. ರಾಜಕೀಯ ಅನುಭವವಿಲ್ಲದ ಹೊಸ ಮುಖಕ್ಕೆ ಅದು ದೊಡ್ಡವಿಜಯ. . ನಾವು ಇನ್ನಷ್ಟು ಹೊಸ ಮುಖಗಳನ್ನು ನೋಡುತ್ತೇವೆ, ”ಎಂದು ಅವರು ಹೇಳಿದರು.