ಕಾಂಗ್ರೆಸ್ ನಾಯಕರು ತಿಂದ ಬಿಸ್ಕತ್ತು, ಟೀಗೆ 6 ಸಾವಿರ ರೂ. ಬಿಲ್ ಪಾವತಿಸಿದ ರಾಹುಲ್ ಗಾಂಧಿ
ರಾಜ್ಯ ವಿಧಾನಸಭಾ ಚುನಾವಣೆ ನಿಮಿತ್ತ ರಾಜ್ಯ ಪ್ರವಾಸದಲ್ಲಿರುವ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಕಾಂಗ್ರೆಸ್ ನಾಯಕರು ತಿಂದ ಬಿಸ್ಕತ್ತು, ಟೀಗೆ 6 ಸಾವಿರ ಬಿಲ್ ಪಾವತಿ ಮಾಡಿದ್ದಾರೆ.
Published On :
ಕುಮಟಾ: ರಾಜ್ಯ ವಿಧಾನಸಭಾ ಚುನಾವಣೆ ನಿಮಿತ್ತ ರಾಜ್ಯ ಪ್ರವಾಸದಲ್ಲಿರುವ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಕಾಂಗ್ರೆಸ್ ನಾಯಕರು ತಿಂದ ಬಿಸ್ಕತ್ತು, ಟೀಗೆ 6 ಸಾವಿರ ಬಿಲ್ ಪಾವತಿ ಮಾಡಿದ್ದಾರೆ.
ಹೌದು... ಇಂದು ಕಾಂಗ್ರೆಸ್ ಪಕ್ಷದ ಚುನಾವಣಾ ಪ್ರಣಾಳಿಕೆ ಬಿಡುಗಡೆ ಸಂಬಂಧ ಮಂಗಳೂರಿಗೆ ತೆರಳುತ್ತಿದ್ದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ, ಸಿಎಂ ಸಿದ್ದರಾಮಯ್ಯ ಮತ್ತಿತ್ತರ ನಾಯಕರು ಕುಮಾಟ ದುಂಡಕುಳಿಯ ಡಾಬಾದಲ್ಲಿ ಟೀ ಬ್ರೇಕ್ ತೆಗೆದುಕೊಂಡರು. ಈ ವೇಳೆ ಎಲ್ಲ ನಾಯಕರೂ ಟೀ ಸೇವಿಸಿ, ಬಿಸ್ಕತ್ತು ತಿಂದರು. ಇದಕ್ಕೆ ಬರೊಬ್ಬರಿ 6 ಸಾವಿರ ರೂ. ಬಿಲ್ ಆಗಿದ್ದು, ಇದನ್ನು ಸ್ವತಃ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರೇ ಪಾವತಿ ಮಾಡಿದ್ದಾರೆ.
ಡಾಬಾಗೆ ರಾಹುಲ್ ಮತ್ತು ತಂಡ ಬೇಟಿ ನೀಡುತ್ತಿದ್ದಂತೆಯೇ ಅವರನ್ನು ಸ್ವಾಗತಿಸಿದ ಡಾಬಾ ಮಾಲೀಕ ಉದಯನಾಯಕ್ ಅವರು ಕಾಂಗ್ರೆಸ್ ನಾಯಕರಿಗೆ ವಿಶೇಷ ಚಹಾ ಮತ್ತು ಬಿಸ್ಕತ್ತು ನೀಡಿದರು. ಈ ವಿಶೇಷ ಚಹಾ ಮತ್ತು ಬಿಸ್ಕತ್ತುಗಳನ್ನು ಆ ತಂಡದೊಂದಿಗೆ ತೆರಳಿದ್ದ ಫುಡ್ ಇನ್ಸ್ ಪೆಕ್ಟರ್ ಪರಿಶೀಲಿಸಿ ಆ ಬಳಿಕವೇ ಕಾಂಗ್ರೆಸ್ ಅಧ್ಯಕ್ಷರಿಗೆ ನೀಡಿದರು ಎನ್ನಲಾಗಿದೆ.
ಬಳಿಕ ಕುಮಟಾಗೆ ತೆರಳಿದ ನಾಯಕರು ಕಾಂಗ್ರೆಸ್ ಪಕ್ಷದ ಪರ ಪ್ರಚಾರ ನಡೆಸಿ ಅಲ್ಲಿಂದ ನೇರವಾಗಿ ಮಂಗಳೂರಿಗೆ ತೆರಳಿದರು. ಮಂಗಳೂರಿನ ಟಿಎಂಪೈ ಹಾಲ್ ನಲ್ಲಿ ಕಾಂಗ್ರೆಸ್ ಪಕ್ಷ ಪ್ರಣಾಳಿಕೆ ಬಿಡುಗಡೆ ಮಾಡಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Congressಕಾಂಗ್ರೆಸ್MANGALURUಮಂಗಳೂರುPoliticsರಾಜಕೀಯRahul Gandhiರಾಹುಲ್ ಗಾಂಧಿmanifestoಪ್ರಣಾಳಿಕೆKarnataka Assembly Electionಕರ್ನಾಟಕ ವಿಧಾನಸಭೆ ಚುನಾವಣೆ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.