ಕಾಂಗ್ರೆಸ್ ಬಗ್ಗೆ ನಿನ್ನ ಕುಟುಂಬಕ್ಕೆ ಸ್ವಲ್ಪವೂ ನಿಷ್ಠೆ ಇಲ್ವಾ ಶಾಸಕನಿಗೆ ಸಿಎಂ ತರಾಟೆ

ಬೆಂಗಳೂರು: ಅಧಿಕಾರ ಪಡೆಯಲು ಪಕ್ಷ ಬೇಕು, ಶಾಸಕನಾಗಲು ಪಕ್ಷ ಬೇಕು, ಬ್ಯುಸಿನೆಸ್ ಮಾಡಲು ಪಕ್ಷ ಬೇಕು, ನಿನ್ನ ಕುಟುಂಬಕ್ಕೆ ಕಾಂಗ್ರೆಸ್ ಪಕ್ಷದ ಬಗ್ಗೆ ಸ್ವಲ್ಪವು ನಿಷ್ಠೆ ಇಲ್ಲವಾ ಎಂದು ಮಂಗಳೂರು ಉತ್ತರ ಕ್ಷೇತ್ರದ ಶಾಸಕ ಮೊಹಿಯುದ್ದೀನ್ ಬಾವಾಗೆ ಯದ್ವತದ್ವಾ ಸಿಎಂ ಸಿದ್ದರಾಮಯ್ಯ ತರಾಟೆಗೆ ತೆಗೆದುಕೊಂಡಿದ್ದಾರೆ.

ವಿಧಾನಸೌಧದಲ್ಲಿ  ನಡೆದ ಕಾಂಗ್ರೆಸ್ ಪಕ್ಷದ ಶಾಸಕಾಂಗ ಸಭೆಯಲ್ಲಿ  ಮೊಹಿನುದ್ದೀನ್ ಬಾವಾ ಸಹೋದರ ಬಿಎಂ ಫಾರೂಕ್ ಜೆಡಿಎಸ್ ನಿಂದ ರಾಜ್ಯಸಭೆಗೆ ಸ್ಪರ್ಧಿಸಿರುವುದರ ಬಗ್ಗೆ ಆಕ್ರೋಶಗೊಂಡ ಸಿದ್ದರಾಮಯ್ಯ, ಶಾಸಕ ಮೊಹಿಯುದ್ದೀನ್ ಬಾವಾ ಅವರ ವಿರುದ್ಧ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ನಿನ್ನ ಬೆಂಬಲವಿಲ್ಲದೇ ನಿನ್ನ ಸಹೋದರ ಜೆಡಿಎಸ್ ನಿಂದ ಹೇಗೆ ಕಣಕ್ಕಿಳಿಯಲು ಸಾಧ್ಯ? ನೀನು ಒಂದು ಮಾತು ಹೇಳಿದ್ದರೆ...ಫಾರೂಕ್ ನಾಮಪತ್ರ ವಾಪಸ್ ಪಡೆಯುತ್ತಿದ್ದ. ಉದ್ದೇಶಪೂರ್ವಕವಾಗಿಯೇ ಜೆಡಿಎಸ್ ನಿಂದ ಕಣಕ್ಕೆ ಇಳಿಸಿದ್ದೀಯಾ? ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.