ವಿಜಯ್ ಗೆ ಜನರಿಗೆ ಸಹಾಯ ಮಾಡುವ ಉದ್ದೇಶ ಇಲ್ಲ; ಸಿಂಪಲ್ ಆಗಿ ಸಿಎಂ ಆಗುವ ಬಯಕೆ: ಡಿಎಂಕೆ ತಿರುಗೇಟು

ಚೆನ್ನೈ: ತಮಿಳುನಾಡು ವಿಧಾನಸಭಾ ಚುನಾವಣೆಯ ಹೊಸ್ತಿಲಲ್ಲಿ ಟಿವಿಕೆ ಸಂಸ್ಥಾಪಕ ವಿಜಯ್ ಹಾಗೂ ಆಡಳಿತಾರೂಢ ಡಿಎಂಕೆ ನಡುವಣ ವಾಗ್ದಾಳಿ ತೀವ್ರಗೊಂಡಿದೆ. ಮುಖ್ಯಮಂತ್ರಿ ರಾಜ್ಯದ 1.31 ಕೋಟಿ ಮಹಿಳೆಯರ ಖಾತೆಗಳಿಗೆ ತಲಾ 5,000 ಜಮಾ ಮಾಡಿದ್ದಾರೆ. ಇದನ್ನು ನಟ ಮತ್ತು ತಮಿಳಗಾ ವೆಟ್ರಿ ಕಳಗಂ (TVK) ಮುಖ್ಯಸ್ಥ ದಳಪತಿ ವಿಜಯ್ ಈ ಕ್ರಮವನ್ನು ಟೀಕಿಸಿದ್ದಾರೆ. ಯಾರಾದರೂ ಹಣವನ್ನು ನೀಡಿದರೆ ಅದನ್ನು ತೆಗೆದುಕೊಳ್ಳಿ, ಆದರೆ ನಿಮ್ಮ ಇಚ್ಛೆಯಂತೆ ಮತ ಹಾಕಿ ಎಂದು ಮತದಾರರಿಗೆ ಹೇಳಿದರು.

ಈ ಹೇಳಿಕೆ ವಿರುದ್ಧ ಡಿಎಂಕೆ ಶುಕ್ರವಾರ ವಾಗ್ದಾಳಿ ನಡೆಸಿದ್ದು, ವಿಜಯ್ ಸರಳವಾಗಿ ಸಿಎಂ ಆಗಲು ಬಯಸುತ್ತಿದ್ದಾರೆ ಎಂದು ಹೇಳಿದೆ.

2026 ರ ವಿಧಾನಸಭಾ ಚುನಾವಣೆಯಲ್ಲಿ ಟಿವಿಕೆ ಗೆಲವು ಸಾಧಿಸಲಿದೆ ಎಂಬ ವಿಜಯ್ ವಿಶ್ವಾಸಕ್ಕೆ ಪ್ರತಿಕ್ರಿಯಿಸಿದ ಡಿಎಂಕೆ ನಾಯಕ ಟಿಕೆಎಸ್ ಇಳಂಗೋವನ್, ಈ ಹಿಂದೆ ಹಲವಾರು ನಟರು ರಾಜಕೀಯ ಪಕ್ಷಗಳನ್ನು ಪ್ರಾರಂಭಿಸಿದ್ದಾರೆ ಮತ್ತು ಭಾರಿ ಜನರನ್ನು ಸೆಳೆದಿದ್ದಾರೆ ಆದರೆ ರಾಜಕೀಯವಾಗಿ ಉಳಿಯುವಲ್ಲಿ ವಿಫಲರಾಗಿದ್ದಾರೆ. ವಿಜಯ್ ಜನಹಿತಕ್ಕಾಗಿ ಯಾವುದೇ ಹೋರಾಟದಲ್ಲಿ ಭಾಗವಹಿಸಿಲ್ಲ, ಅವರ ಉದ್ದೇಶ ಜನರಲ್ಲ, ಅವರು ಮುಖ್ಯಮಂತ್ರಿಯಾಗುವ ಹೆಬ್ಬಯಕೆ ಹೊಂದಿದ್ದಾರೆ ಎಂದರು.

ವಿಜಯ್ ಅವರ ಟೀಕೆಗಳನ್ನು ತಳ್ಳಿಹಾಕಿದ ಇಳಂಗೋವನ್, ಮಹಿಳೆಯರಿಗೆ ಮಾಸಿಕ ನಗದು ಜಮೆ ಸೇರಿದಂತೆ ಅದರ ಕಲ್ಯಾಣ ಯೋಜನೆಗಳನ್ನು ಕಾನೂನು ಅಡೆತಡೆಗಳ ಮೂಲಕ ಬಿಜೆಪಿ ನಿಲ್ಲಿಸಲು ಪ್ರಯತ್ನಿಸಿದರೂ ನ್ಯಾಯಸಮ್ಮತವಾಗಿ ಪೂರೈಸಲಾಗುತ್ತಿದೆ. ಫಲಾನುಭವಿಗಳ ಖಾತೆಗೆ ಹಣ ಜಮೆ ಮಾಡಲಾಗಿದೆ. ಪ್ರತಿಯೊಬ್ಬರ ಖಾತೆಗಳಿಗೂ ಹಣ ಹೋಗಿದೆ.

ಇಳಂಗೋವನ್ ಅವರು ಸುಳ್ಳು ಭರವಸೆಗಳ ಆರೋಪಗಳನ್ನು ನಿರಾಕರಿಸಿದರು, ಫಲಾನುಭವಿಗಳ ಖಾತೆಗಳಿಗೆ ಹಣ ತಲುಪಿದೆ ಎಂದು ಹೇಳಿದ್ದಾರೆ. ಪ್ರತಿಯೊಂದು ಖಾತೆಗೂ ಹಣ ಹೋಗಿತ್ತು. ನಮ್ಮ ನೀತಿಯಲ್ಲಿ ಬದಲಾವಣೆ ಇಲ್ಲ. ತಿಂಗಳಿಗೆ 1,000 ರೂ.ಗಳನ್ನು ಕಳೆದ ಮೂರು ವರ್ಷಗಳಿಂದ ನೀಡುತ್ತಿದ್ದೇವೆ ಎಂದು ಅವರು ಹೇಳಿದರು.