Maha Kumbh 2025: ಅನಾರೋಗ್ಯದ ನಡುವೆಯೂ ಸ್ಟೀವ್ ಜಾಬ್ಸ್ ಪತ್ನಿಯಿಂದ ಅಮೃತ ಸ್ನಾನ!

ಪ್ರಯಾಗ್ ರಾಜ್: ಆಪಲ್ ನ ಸಹ ಸಂಸ್ಥಾಪಕ ಸ್ಟೀವ್ ಜಾಬ್ಸ್ ಪತ್ನಿ ಲಾರೆನ್ ಪೊವೆಲ್ ಜಾಬ್ಸ್ ಮಹಾಕುಂಭ ಮೇಳ 2025 ರಲ್ಲಿ ಭಾಗಿಯಾಗಲು ಭಾರತಕ್ಕೆ ಆಗಮಿಸಿದ್ದಾರೆ.

ಪ್ರಯಾಗ್ ರಾಜ್ ನಲ್ಲಿ ತಂಗಿರುವ ಸ್ಟೀವ್ ಜಾಬ್ಸ್ ಪತ್ನಿಗೆ 2 ನೇ ದಿನದಂದು ಅಲರ್ಜಿ ಉಂಟಾಗಿದೆ. ಈ ಅನಾರೋಗ್ಯದ ನಡುವೆಯೂ ಲಾರೆನ್ ಪೊವೆಲ್ ಜಾಬ್ಸ್ ಕುಂಭಮೇಳದಲ್ಲಿ ಗಂಗಾ ನದಿ ಸಂಗಮದಲ್ಲಿ ಪವಿತ್ರ ಸ್ನಾನ (ಅಮೃತ ಸ್ನಾನ) ಕ್ಕೆ ಹಾಜರಾಗಲಿದ್ದಾರೆ.

ANI ಜೊತೆ ಮಾತನಾಡಿರುವ ಸಂತ ಸ್ವಾಮಿ ಕೈಲಾಸಾನಂದ ಗಿರಿ, "ಅವರು ಸಂಗಮದಲ್ಲಿ ಸ್ನಾನ ಮಾಡುವ ಆಚರಣೆಯಲ್ಲಿ ಭಾಗವಹಿಸುತ್ತಾರೆ. ಅವರು ನನ್ನ 'ಶಿವಿರ್'ನಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದಾರೆ. ಅವರಿಗೆ ಸ್ವಲ್ಪ ಅಲರ್ಜಿ ಇದೆ. ಅವರು ಎಂದಿಗೂ ಜನದಟ್ಟಣೆಯ ಸ್ಥಳಕ್ಕೆ ಹೋಗಿಲ್ಲ. ಅವರು ತುಂಬಾ ಸರಳರು. ಪೂಜೆಯ ಸಮಯದಲ್ಲಿ ಅವರು ನಮ್ಮೊಂದಿಗೆ ಇದ್ದರು. ಎಂದಿಗೂ ನೋಡದವರೂ ಸಹ ನಮ್ಮ ಆಚರಣೆಗಳಲ್ಲಿ ಸೇರಲು ಬಯಸುತ್ತಾರೆ, ಇದು ನಮ್ಮ ಸನಾತನ ಧರ್ಮದ ಹಿರಿಮೆ ಎಂದು ಹೇಳಿದ್ದಾರೆ.

ಸ್ಟೀವ್ ಜಾಬ್ಸ್ ಪತ್ನಿ ಮಹಾ ಕುಂಭಮೇಳದಲ್ಲಿ ಭಾಗವಹಿಸಲು ಭಾನುವಾರ ಪ್ರಯಾಗ್ರಾಜ್‌ಗೆ ಆಗಮಿಸಿದ್ದಾರೆ. ಕೈಲಾಸಾನಂದ ಗಿರಿ ಅವರು ಸ್ಟೀವ್ ಜಾಬ್ಸ್ ಪತ್ನಿಗೆ 'ಕಮಲಾ' ಎಂದು ಹೆಸರು ನೀಡಿದ್ದಾರೆ. ಜನವರಿ 15 ರವರೆಗೆ ನಿರಂಜಿನಿ ಅಖಾರ ಶಿಬಿರದಲ್ಲಿರುವ ಕುಂಭ ಟೆಂಟ್ ನಗರದಲ್ಲಿ ಅವರು ತಂಗಿದ್ದಾರೆ. ಜನವರಿ 20 ರಂದು ನಿಯೋಜಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪ್ರಮಾಣವಚನ ಸಮಾರಂಭದಲ್ಲಿ ಭಾಗವಹಿಸಲು ಅಮೆರಿಕಕ್ಕೆ ಮರಳಲಿದ್ದಾರೆ.

ಸೋಮವಾರ ಮಹಾ ಕುಂಭಮೇಳ ಪ್ರಾರಂಭವಾದಾಗ, ಮಂಗಳವಾರ ಮಕರ ಸಂಕ್ರಾಂತಿಯ ಸಂದರ್ಭದಲ್ಲಿ ಮೊದಲ ಅಮೃತ ಸ್ನಾನ (ಪವಿತ್ರ ಸ್ನಾನ) ದಲ್ಲಿ ಭಾಗವಹಿಸಲು ಭಾರತದಾದ್ಯಂತ ಮತ್ತು ಪ್ರಪಂಚದಾದ್ಯಂತದ ಭಕ್ತರು ಪ್ರಯಾಗರಾಜ್‌ನ ತ್ರಿವೇಣಿ ಸಂಗಮಕ್ಕೆ ಆಗಮಿಸಿದ್ದರು.

ಭಾರತೀಯರು ಮತ್ತು ವಿದೇಶಿಯರಿಬ್ಬರೂ ಪವಿತ್ರ ಸಂಪ್ರದಾಯದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡರು, ವಿಶ್ವದ ಅತಿದೊಡ್ಡ ಆಧ್ಯಾತ್ಮಿಕ ಸಭೆಗೆ ಕೊಡುಗೆ ನೀಡಿದರು. ಮೇಳದ ಆಧ್ಯಾತ್ಮಿಕ ಶಕ್ತಿಯಲ್ಲಿ ವಿದೇಶಿ ಯಾತ್ರಿಕರು ಸೇರಿಕೊಂಡಾಗ ತ್ರಿವೇಣಿ ಸಂಗಮದ ಸುತ್ತಲಿನ ವಾತಾವರಣವು ಭಕ್ತಿಯಿಂದ ತುಂಬಿತ್ತು.