ಒಡಿಶಾ ಸಿಎಂ ಸ್ಥಾನಕ್ಕೆ ಧರ್ಮೇಂದ್ರ ಪ್ರಧಾನ್ ಹೆಸರು ಮುಂಚೂಣಿಯಲ್ಲಿ; ರೇಸ್ ನಲ್ಲಿ ಇನ್ನೂ ಹಲವರು!

ಭುವನೇಶ್ವರ: ಒಡಿಶಾ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಗೆದ್ದಿದ್ದು, ಸಿಎಂ ಆಯ್ಕೆ ಪ್ರಕ್ರಿಯೆ ಚುರುಕುಪಡೆದುಕೊಂಡಿದೆ. ಬಿಜೆಪಿ ನಾಯಕ ಧರ್ಮೇಂದ್ರ ಪ್ರಧಾನ್ ಒಡಿಶಾ ಸಿಎಂ ರೇಸ್ ನಲ್ಲಿ ಮುಂಚೂಣಿಯಲ್ಲಿದ್ದಾರೆ.

ಬಿಜೆಪಿ ಸರ್ಕಾರ ರಚನೆಗೆ ಸಿದ್ಧಪಡಿಸಿಕೊಂಡಿದ್ದು, ಭುವನೇಶ್ವರ್ ನಲ್ಲಿರುವ ದುಬಾರಿ ಜನತಾ ಮೈದಾನದಲ್ಲಿ ಸಿಎಂ ಪದಗ್ರಹಣ ಕಾರ್ಯಕ್ರಮಕ್ಕೆ ತಯಾರಿಸಿ ನಡೆಸಿದೆ.

ಏತನ್ಮಧ್ಯೆ, ಜೂನ್ 10 ರಂದು ಒಡಿಶಾದ ನೂತನ ಸಿಎಂ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ ಎಂದು ಪ್ರಧಾನಿ ಮೋದಿ ಘೋಷಿಸಿದ್ದರೂ, ಅಂತಿಮವಾಗಿ ಯಾರು ಸಿಎಂ ಆಗಲಿದ್ದಾರೆ ಎಂಬುದರ ಕುರಿತು ಇನ್ನೂ ಸ್ಪಷ್ಟತೆ ಇಲ್ಲ. ದೆಹಲಿಯಲ್ಲಿ ಗುರುವಾರ ನಡೆಯಲಿರುವ ಪಕ್ಷದ ಸಂಸದೀಯ ಮಂಡಳಿ ಸಭೆಯತ್ತ ಎಲ್ಲರ ಕಣ್ಣು ನೆಟ್ಟಿದೆ. ಮಾಜಿ ಸಚಿವ ಹಾಗೂ ಸಂಬಲ್ಪುರದ ನೂತನ ಸಂಸದ ಧರ್ಮೇಂದ್ರ ಪ್ರಧಾನ್ ಸಿಎಂ ಸ್ಥಾನದ ರೇಸ್ ನಲ್ಲಿ ಮುಂಚೂಣಿಯಲ್ಲಿದ್ದಾರೆ.

ರಾಜ್ಯ ಬಿಜೆಪಿ ಮುಖ್ಯಸ್ಥ ಮನಮೋಹನ್ ಸಮಾಲ್ ಬಿಜೆಡಿಯೊಂದಿಗೆ ಸಂಭಾವ್ಯ ಮೈತ್ರಿಯ ವಿರುದ್ಧ ತಮ್ಮ ದೃಢ ನಿಲುವಿನಿಂದ ಬಿಜೆಪಿಗೆ ಗೇಮ್ ಚೇಂಜರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಆದರೆ ಚುನಾವಣೆಯಲ್ಲಿ ಸೋತಿರುವುದು ಅವರ ವಿರುದ್ಧ ಕೆಲಸ ಮಾಡುತ್ತಿದೆ.

ಭಾರತದ ಸಿಎಜಿ ಮತ್ತು ಒಡಿಶಾಗೆ ಸೇರಿದ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಲೆಫ್ಟಿನೆಂಟ್ ಗೌರ್ನರ್ ಆಗಿದ್ದ ಗಿರೀಶ್ ಚಂದ್ರ ಮುರ್ಮು ಅವರ ಹೆಸರೂ ಒಡಿಶಾ ಸಿಎಂ ಸ್ಥಾನಕ್ಕೆ ಕೇಳಿಬರುತ್ತಿದೆ.

ಕೆ.ವಿ.ಸಿಂಗ್ ದೇವ್: ಕೈಗಾರಿಕೆಗಳು ಮತ್ತು ನಗರಾಭಿವೃದ್ಧಿಯಂತಹ ಪ್ರಮುಖ ಖಾತೆಗಳನ್ನು ನಿರ್ವಹಿಸಿದ ಸಚಿವರಾಗಿ ಅನುಭವ ಹೊಂದಿರುವ ಆರು ಬಾರಿ ಶಾಸಕರಾಗಿರುವ ಕನಕ್ ವರ್ಧನ್ ಸಿಂಗ್ ದೇವ್ ಅವರು ಪಾಟ್ನಾ (ರಾಜರ ಆಳ್ವಿಕೆ) ಬಲಂಗೀರ್‌ನ ಹಿಂದಿನ ರಾಜಮನೆತನಕ್ಕೆ ಸೇರಿದವರು. ಹಿರಿಯ ನಾಯಕರಾಗಿ ಅವರ ಸ್ಥಾನಮಾನ ಮತ್ತು ಒಡಿಶಾದಲ್ಲಿ ಪಕ್ಷದ ಬೆಳವಣಿಗೆಗೆ ಅವರ ಕೊಡುಗೆ ಅವರನ್ನು ಉನ್ನತ ಹುದ್ದೆಗೆ ಸಮರ್ಥ ಅಭ್ಯರ್ಥಿಯನ್ನಾಗಿ ಮಾಡುತ್ತದೆ.

ಮೋಹನ್ ಮಾಝಿ: ರಾಜ್ಯದಲ್ಲಿ ಅನುಭವಿ ರಾಜಕಾರಣಿ ಮತ್ತು ಪ್ರಬಲ ಬುಡಕಟ್ಟು ಧ್ವನಿಯಾಗಿದ್ದಾರೆ, ಮೋಹನ್ ಮಾಝಿ ಅವರ ಸಾರ್ವಜನಿಕ ಸೇವೆ ಮತ್ತು ಸಂಘಟನಾ ಕೌಶಲ್ಯವು ಅವರನ್ನು ಮುಖ್ಯಮಂತ್ರಿ ಅಭ್ಯರ್ಥಿಯನ್ನಾಗಿ ಮಾಡಬಹುದು. ನಾಲ್ಕನೇ ಬಾರಿಗೆ ಅವರು ವಿಧಾನಸಭೆಗೆ ಆಯ್ಕೆಯಾಗಿದ್ದಾರೆ.

ರಬಿ ನಾರಾಯಣ ನಾಯ್ಕ್: ತಳಮಟ್ಟದ ಕ್ರಿಯಾಶೀಲತೆಯ ಹಿನ್ನೆಲೆಯೊಂದಿಗೆ, ಮತ್ತೊಬ್ಬ ಪ್ರಮುಖ ಬುಡಕಟ್ಟು ನಾಯಕ ಮತ್ತು ನಾಲ್ಕು ಬಾರಿ ಶಾಸಕರಾಗಿರುವ ರಬಿ ನಾಯ್ಕ್ ಅವರು ಬಿಜೆಪಿಯ ಒಡಿಶಾ ಘಟಕದೊಳಗೆ ಪ್ರಬಲರಾಗಿರುವುದು ಅವರನ್ನು ಮುಖ್ಯಮಂತ್ರಿ ಹುದ್ದೆಗೆ ಸಂಭಾವ್ಯ ಅಭ್ಯರ್ಥಿಯನ್ನಾಗಿ ಮಾಡಿದೆ

ಸುರಮಾ ಪಾಧಿ: ಸುರಮಾ ಪಾಧ್ಯ ಅವರ ತಳಮಟ್ಟದ ಸಂಪರ್ಕ ಮತ್ತು ಸಾಮಾಜಿಕ ಕಾರಣಗಳಿಗಾಗಿ ಪಕ್ಷ ಮಹಿಳೆಯನ್ನು ಮುಖ್ಯಮಂತ್ರಿಯನ್ನಾಗಿ ಮಾಡಲು ಹೋದರೆ ಅವರನ್ನು ಪರಿಗಣನೆಗೆ ತಳ್ಳಬಹುದು. ಎರಡು ಬಾರಿ ಶಾಸಕಿಯಾಗಿದ್ದ ಅವರು ಬಿಜೆಪಿ ಮಹಿಳಾ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷೆ ಮತ್ತು ಮಹಿಳಾ ವಿಭಾಗದ ರಾಜ್ಯ ಘಟಕದ ಅಧ್ಯಕ್ಷೆಯೂ ಆಗಿದ್ದರು.