ಗುರುಗ್ರಾಮದಲ್ಲಿ ಮಾಜಾರ್ ಗೆ ಬೆಂಕಿ, ಸ್ಥಳದಲ್ಲಿದ್ದ ಹಿಂದೂ ಉಸ್ತುವಾರಿಯಿಂದ ಎಫ್ಐಆರ್

ಗುರುಗ್ರಾಮ: ಗುರುಗ್ರಾಮದಲ್ಲಿರುವ ಮಾಜಾರ್ ಒಂದಕ್ಕೆ ಸೋಮವಾರ ಬೆಳಿಗ್ಗೆ ಅನಾಮಿಕ ವ್ಯಕ್ತಿಗಳು ಬೆಂಕಿ ಹಚ್ಚಿದ್ದಾರೆ. 

ಸ್ಥಳದ ಉಸ್ತುವಾರಿಯಾಗಿದ್ದ ಘಾಸಿತೆ ರಾಮ್, ಈ ಬಗ್ಗೆ ಮಾತನಾಡಿದ್ದು,  ಖಂಡ್ಸಾ ಗ್ರಾಮದಲ್ಲಿನ ಮಾಜಾರ್ ನಲ್ಲಿ ತಾನು ಭಾನುವಾರ ರಾತ್ರಿ 8:30 ಕ್ಕೆ ಮನೆಗೆ ಹೊರಡುವಾಗ ಎಲ್ಲವೂ ಸಹಜವಾಗಿತ್ತು.  ಘಾಸಿತೆ ರಾಮ್ ಉತ್ತರ ಪ್ರದೇಶದ ಬಾರಾಬಂಕಿ ಜಿಲ್ಲೆಯ ನಿವಾಸಿಯಾಗಿದ್ದಾನೆ. 

ಮಧ್ಯರಾತ್ರಿ 1:30 ವೇಳೆಗೆ ಮಾಜಾರ್ ಬಳಿ ವಾಸಿಸುವ ವ್ಯಕ್ತಿಯೋರ್ವರು ಕರೆ ಮಾಡಿ, ಗುರುತು ಹಿಡಿಯಲಾಗದ ವ್ಯಕ್ತಿಗಳು ಮಜಾರ್ ಗೆ ಬೆಂಕಿ ಹಾಕಿದ್ದಾರೆ ಎಂಬ ಮಾಹಿತಿ ನೀಡಿದರು. ತಕ್ಷಣವೇ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಗಿ ಘಾಸಿತೆ ರಾಮ್ ತಿಳಿಸಿದ್ದಾರೆ.

ಇದನ್ನೂ ಓದಿ: ಕಲ್ಲು ತೂರಾಟಕ್ಕೆ ಬಳಕೆ ಮಾಡಿಕೊಂಡಿದ್ದ ನುಹ್ ಹೊಟೇಲ್ ನೆಲಸಮ 

ಸ್ಥಳೀಯರ ಸಹಕಾರದಿಂದ ಬೆಂಕಿಯನ್ನು ತಹಬದಿಗೆ ತರಲು ಸಾಧ್ಯವಾಯಿತು ಎಂದು ಘಾಸಿತೆ ರಾಮ್ ಮಾಹಿತಿ ನೀಡಿದ್ದಾರೆ. "ನಾನು ಅಲ್ಲಿಗೆ ಹೋಗಿ ನೋಡಿದಾಗ, ಮಜಾರ್‌ನ ಬಾಗಿಲಿನೊಳಗೆ ಇಟ್ಟಿದ್ದ ಕಾಣಿಕೆಗಳು ಸುಟ್ಟುಹೋಗಿವೆ. ಈ ಘಟನೆಯಿಂದಾಗಿ ಜನರ ನಂಬಿಕೆಗಳಿಗೆ ಘಾಸಿ ಉಂಟಾಗಿದ್ದು, ಸಮಾಜದಲ್ಲಿ ಗಲಭೆಗೆ ಕಾರಣವಾಗಬಹುದು, ಆರೋಪಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಹೇಳಿದ್ದಾರೆ. ಇದು ಪೀರ್ ಬಾಬಾರ ದಶಕಗಳ ಹಿಂದಿನ ಮಾಜರ್ ಆಗಿದ್ದು, ಗ್ರಾಮಸ್ಥರು ಇಲ್ಲಿಗೆ ಬಂದು ಪೂಜೆ ಸಲ್ಲಿಸುವ ಪದ್ಧತಿ ಹೊಂದಿದ್ದರು.