ಜನಸಾಮಾನ್ಯರಿಗೆ ಎಲ್​ಪಿಜಿ ಶಾಕ್​: ಮುಂದಿನ ವಾರ ಬೆಲೆ ಏರಿಕೆಯಾಗುವ ಸಾಧ್ಯತೆ

ನವದೆಹಲಿ: ಮುಂದಿನ ವಾರ ಅಡುಗೆ ಅನಿಲ (ಎಲ್​ಪಿಜಿ) ದರ ಹೆಚ್ಚಾಗಬಹುದು ಎಂದು ಮೂಲಗಳು ತಿಳಿಸಿವೆ. ದರ ಹೆಚ್ಚಳವು ಸರ್ಕಾರದ ಅನುಮತಿಯ ಮೇಲೆ ಅವಲಂಬಿತವಾಗಿರುತ್ತದೆ.

ಇದನ್ನೂ ಓದಿ: ಅ.6: ಗ್ರಾಹಕರಿಗೆ ಮತ್ತಷ್ಟು ಶಾಕ್: ಅಡುಗೆ ಅನಿಲ ಸಿಲಿಂಡರ್ ದರ 15 ರೂ. ಏರಿಕೆ; ಇಂದಿನಿಂದ ಹೊಸ ಬೆಲೆ ಜಾರಿ

ಅಂತಾರಾಷ್ಟ್ರೀಯ ದರ ಏರಿಕೆಯ ಹಿನ್ನೆಲೆ ಪ್ರತೀ ಸಿಲಿಂಡರ್ ಮೇಲಿನ ನಷ್ಟ ಹೆಚ್ಚಾಗಿದೆ. ಹಾಗಾಗಿ ಹೆಚ್ಚಳ ಮಾಡುವ ಸಾಧ್ಯತೆ ಇದೆ. ಮತ್ತೊಮ್ಮೆ ಬೆಲೆ ಏರಿಸಿದ್ರೆ, ಇದು ಐದನೇ ಬಾರಿಗೆ ಹೆಚ್ಚಳವಾಗಲಿದೆ. ಈಗಾಗಲೇ ಅ.6ರಂದು ಪ್ರತಿ ಸಿಲಿಂಡರ್​ಗೆ 15 ರೂ. ಹೆಚ್ಚಿಸಲಾಗಿದೆ. 

ಇದನ್ನೂ ಓದಿ: ವಾಣಿಜ್ಯ ಬಳಕೆ ಸಿಲಿಂಡರ್ ಬೆಲೆ 43 ರೂ. ಹೆಚ್ಚಳ

ಇದಲ್ಲದೇ ಜುಲೈನಲ್ಲಿ 14.2 ಕೆ ಜಿ ಸಿಲಿಂಡರ್​​ ದರವನ್ನು 90 ರೂ.ಗೆ ಹೆಚ್ಚಿಸಲಾಗಿದೆ. ಸರ್ಕಾರಿ ಸ್ವಾಮ್ಯದ ತೈಲ ಮಾರುಕಟ್ಟೆ ಕಂಪನಿಗಳಿಗೆ ಚಿಲ್ಲರೆ ಮಾರಾಟದ ಬೆಲೆಯನ್ನು ವೆಚ್ಚದೊಂದಿಗೆ ಹೊಂದಿಸಲು ಅನುಮತಿಸಲಾಗಿಲ್ಲ. 

ಇದನ್ನೂ ಓದಿ: ಎಲ್ ಪಿಜಿ ಸಿಲಿಂಡರ್ ಬೆಲೆ ಮತ್ತೆ 25 ರೂ. ಹೆಚ್ಚಳ: ವಿವಿಧ ಮಹಾ ನಗರಗಳಲ್ಲಿ ಬೆಲೆ ಹೀಗಿದೆ...

ಅಲ್ಲದೇ ಅಂತರವನ್ನು ಕಡಿಮೆ ಮಾಡಲು ಇದುವರೆಗೆ ಯಾವುದೇ ಸರ್ಕಾರಿ ಸಬ್ಸಿಡಿಯನ್ನು ಅನುಮೋದಿಸಲಾಗಿಲ್ಲ ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ಮೂಲಗಳಿಂದ ಮಾಹಿತಿ ದೊರೆತಿದೆ. ಎಲ್ ಪಿ ಜಿ ಜೊತೆಗೆ ಪೆಟ್ರೋಲ್ ದೀಸೆಲ್ ದರವೂ ಮತ್ತೆ ಏರಿಕೆ ಕಾಣುವ ಸೂಚನೆ ದೊರೆತಿದೆ.