ರಾಜ್ಯಸಭೆಯ ಮೊದಲ ಎರಡು ವಾರಗಳಲ್ಲಿ 50 ಗಂಟೆಗಳ ಪೈಕಿ 40 ಗಂಟೆಗಳ ಕಾರ್ಯಾವಧಿ ಪೋಲು

ನವದೆಹಲಿ: ರಾಜ್ಯಸಭೆಯ ಮೊದಲ ಎರಡು ವಾರಗಳಲ್ಲಿ 50 ಗಂಟೆಗಳ ಪೈಕಿ 40 ಗಂಟೆಗಳಷ್ಟು ಕಾರ್ಯಾವಧಿ ಪೋಲಾಗಿದೆ.

ಸಂಸತ್ ನ ಮುಂಗಾರು ಅಧಿವೇಶನ ನಡೆಯುತ್ತಿದ್ದು, ರಾಜ್ಯಸಭೆಯ ಕಾರ್ಯಾಲಯ ನೀಡಿರುವ ಅಧಿಕೃತ ಮಾಹಿತಿಯ ಪ್ರಕಾರ,  ಮೊದಲ ಎರಡು ವಾರಗಳಲ್ಲಿ 40-50 ಗಂಟೆಗಳಷ್ಟು ಕಾರ್ಯಾವಧಿ ಪೋಲಾಗಿದೆ.

ಹಾಲಿ ಕಲಾಪದ ಎರಡನೇ ವಾರದಲ್ಲಿ ಪ್ರತಿಭಟನೆಯ ಪರಿಣಾಮ ರಾಜ್ಯಸಭೆಯ ಉತ್ಪಾದಕತೆ ಶೇ.13.70 ರಷ್ಟಕ್ಕೆ ಕುಸಿದಿದೆ. ಮೊದಲ ವಾರದಲ್ಲಿ ಈ ಪ್ರಮಾಣ ಶೇ.32.20 ರಷ್ಟಿತ್ತು.

50 ಗಂಟೆಗಳ ಕಾರ್ಯಾವಧಿಯ ಪೈಕಿ 39 ಗಂಟೆ 52 ನಿಮಿಷಗಳು ಪ್ರತಿಭಟನೆಯಲ್ಲೇ ವ್ಯರ್ಥವಾಗಿದೆ. ನಿಗದಿಯಾಗಿದ್ದ ಸಮಯಕ್ಕಿಂತಲೂ 1 ಗಂಟೆ 12 ನಿಮಿಷಗಳಿಗಿಂತಲೂ ಹೆಚ್ಚಾಗಿ ಕಲಾಪ ನಡೆದಿದೆ. ಇದಕ್ಕೆ ಹೋಲಿಕೆ ಮಾಡಿದಲ್ಲಿ ಉತ್ಪಾದಕತೆ ಮತ್ತಷ್ಟು ಕಡಿಮೆಯಾಗುತ್ತಿತ್ತು. ಇದೇ ಮೊದಲ ಬಾರಿಗೆ ರಾಜ್ಯಸಭೆಯ ಕಾರ್ಯಾಲಯ ದಿನ ನಿತ್ಯದ ಬುಲೆಟಿನ್ ಗಳನ್ನು ಪ್ರಸಾರ ಮಾಡುತ್ತಿದ್ದು, ಮೇಲ್ಮನೆಯಲ್ಲಿ ಪ್ರಸ್ತಾಪಿಸಲಾಗದ ವಿಷಯಗಳ ಬಗ್ಗೆಯೂ ಮಾಹಿತಿ ನೀಡುತ್ತಿದೆ.