ಭೀಕರ ದೃಶ್ಯ: 8ನೇ ತರಗತಿ ವಿದ್ಯಾರ್ಥಿನಿಗೆ 13 ಸೆಕೆಂಡ್ ನಲ್ಲಿ 8 ಬಾರಿ ಚಾಕು ಇರಿದ ಯುವಕ, ವಿಡಿಯೋ!

ಗೋಪಾಲ್ಗಂಜ್(ಬಿಹಾರ): ಎಂಟನೇ ತರಗತಿ ವಿದ್ಯಾರ್ಥಿನಿಗೆ ಯುವಕನೋರ್ವ ಸತತ ಎಂಟು ಭಾರಿ ಚಾಕು ಇರಿತ ನಡೆಸಿರುವ ಭೀಖರ ಘಟನೆ ಬಿಹಾರದ ಗೋಪಾಲ್ಗಂಜ್ ಜಿಲ್ಲೆಯಲ್ಲಿ ನಡೆದಿದೆ.

 ಈ ಘಟನೆ ಡಿಸೆಂಬರ್ 19 ರಂದು ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ. ವಿದ್ಯಾರ್ಥಿನಿ ಶಾಲೆಯಿಂದ ಮನೆಗೆ ತನ್ನ ಇಬ್ಬರು ಸ್ನೇಹಿತರೊಂದಿಗೆ ವಾಪಾಸ್ಸಾಗುವಾಗ ಈ ಘಟನೆ ನಡೆದಿದೆ. ಆರೋಪಿಯು ಏಕಾಏಕಿ ದಾಳಿ ಮಾಡಿ 13 ಸೆಕೆಂಡುಗಳಲ್ಲಿ 8 ಬಾರಿ ಚಾಕುವಿನಿಂದ ಇರಿದಿದ್ದಾನೆ. ಈ ಘಟನೆಯು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರಗೊಂಡಿದೆ.

ರಕ್ತದ ಮಡುವಿನಲ್ಲಿದ್ದ ವಿದ್ಯಾರ್ತಿನಿಯನ್ನ ಕೂಡಲೆ ಗೋಪಾಲ್ಗಂಜ್ ನಲ್ಲಿರುವ ಆಸ್ಪತ್ರಗೆ ದಾಖಲಿಸಲಾಗಿದೆ. ನಂತರ ಉತ್ತಮ ಚಿಕಿತ್ಸೆಗಾಗಿ ಪಟ್ನಾದ ವೈದ್ಯಕೀಯ ಕಾಲೇಜಿಗೆ ಸ್ಥಳಾಂತರಿಸಲಾಗಿದೆ. ಸಿಸಿಟಿವಿ ಆಧಾರದ ಮೇಲೆ ಆರೋಪಿಯನ್ನ ಪೊಲೀಸರು ಬಂಧಿಸಿದ್ದಾರೆ.