ಕೋವಿಡ್-19: ಅಮೆರಿಕಾ, ಜರ್ಮನಿ, ಬ್ರಿಟನ್ ಸೇರಿ ಭಾರತದ ರೂಪಾಂತರಿ ವೈರಾಣು ಪತ್ತೆ

ನವದೆಹಲಿ: ಎರಡು ಬಾರಿ ರೂಪಾಂತರಗೊಂಡಿರುವ ಭಾರತದ ಕೊರೋನಾ ವೈರಾಣು ಅಮೆರಿಕ, ಜರ್ಮನಿ, ಬ್ರಿಟನ್, ಆಸ್ಟ್ರೇಲಿಯಾ, ಸಿಂಗಾಪೂರ್ ಗಳಲ್ಲಿ ಪತ್ತೆಯಾಗಿದೆ. 

ತಜ್ಞರ ವಿಶ್ಲೇಷಣೆಯ ಪ್ರಕಾರ 15 ಆನುವಂಶಿಕ ರೂಪಾಂತರಗಳು, 6 ಸ್ಪೈಕ್ ಪ್ರೊಟೀನ್ ರೂಪಾಂತರಿಗಳು ಪತ್ತೆಯಾಗಿವೆ ಈ ಪೈಕಿ 6 ರೂಪಾಂತರಿಗಳು ರೋಗನಿರೋಧಕ ಶಕ್ತಿಯನ್ನೂ ಮೀರಿದ್ದಾಗಿದ್ದು, ಸೋಂಕು ಸಾಮರ್ಥ್ಯವನ್ನು ಹೆಚ್ಚಿಸಿಕೊಂಡಿದೆ. 

ಡಬಲ್ ರೂಪಾಂತರಿತ (L452R + E484Q) ವೈರಾಣುಗಳನ್ನು ರೋಗ ನಿಯಂತ್ರಣಕ್ಕಾಗಿ ರಾಷ್ಟ್ರೀಯ ಕೇಂದ್ರ (ಎನ್ ಸಿಡಿಸಿ) ಮಾ.25 ರಂದು ದೃಢಪಡಿಸಿತ್ತು. ಮಹಾರಾಷ್ಟ್ರದಲ್ಲಿ ಈ ರೂಪಾಂತರಿ ವೈರಾಣು ಕಂಡುಬಂದಿದ್ದು, ಅಕ್ಟೋಬರ್ 2020 ರಿಂದಲೂ ಕಡಿಮೆ ಪ್ರಮಾಣದಲ್ಲಿ ಅಸ್ತಿತ್ವದಲ್ಲಿತ್ತು.