ಗಿನ್ನಿಸ್ ದಾಖಲೆ ಬರೆದಿದ್ದ ಏಷ್ಯಾದ ಅತ್ಯಂತ ಹಿರಿಯ ಆನೆ 'ದಾಕ್ಷಾಯಿಣಿ 'ಇನ್ನಿಲ್ಲ!
ಏಷ್ಯಾ ಖಂಡದ ಅತ್ಯಂತ ಹಿರಿಯ ಆನೆ ಎಂದು ಗಿನ್ನಿಸ್ ದಾಖಲೆ ಪುಸ್ತಕದಲ್ಲಿ ಹೆಸರಾಗಿದ್ದ ಆನೆ "ದಾಕ್ಷಾಯಿಣಿ" 88ನೇ ವಯಸ್ಸಿನಲ್ಲಿ ಮೃತಪಟ್ಟಿದೆ.
Published On :
ತಿರುವನಂತಪುರಂ: ಏಷ್ಯಾ ಖಂಡದ ಅತ್ಯಂತ ಹಿರಿಯ ಆನೆ ಎಂದು ಗಿನ್ನಿಸ್ ದಾಖಲೆ ಪುಸ್ತಕದಲ್ಲಿ ಹೆಸರಾಗಿದ್ದ ಆನೆ "ದಾಕ್ಷಾಯಿಣಿ" 88ನೇ ವಯಸ್ಸಿನಲ್ಲಿ ಮೃತಪಟ್ಟಿದೆ.
ಕೇರಳದ ಪಪ್ಪನಮ್ ಕೋಡೆ ಕೇಂದ್ರದಲ್ಲಿದ್ದ ಆನೆ ದಾಕ್ಷಾಯಿಣಿ 2016ರಲ್ಲಿ ಗಿನ್ನಿಸ್ ದಾಖಲೆ ಪುಸ್ತಕಕ್ಕೆ ಸೇರಿತ್ತು. ವಯೋಸಹಜ ಅನಾರೋಗ್ಯದ ಕಾರಣ ಆನೆ ಬುಧವಾರ ಕೊನೆಯುಸಿರೆಳೆದಿದೆ.
ದಾಕ್ಷಾಯಿಣಿಗೆ ಅಜ್ಜಿ’ ಎಂಬ ಬಿರುದು ಕೊಡಲಾಗಿದ್ದಷ್ಟೇ ಅಲ್ಲದೆ ಅಂಚೆ ಇಲಾಖೆ ಈ ಆನೆಯ ಚಿತ್ರವಿರುವ ಪೋಸ್ಟಲ್ ಸ್ಟ್ಯಾಂ ಪ್ ಕೂಡ ಹೊರಡಿಸಿತ್ತು.
ತಿರುವನಂತಪುರಂ ನ ಪ್ರಖ್ಯಾತ ಅನಂತಪದ್ಮನಾಭ ದೇವಾಲಯದ ಪ್ರಸಿದ್ದ ‘ಅರಟ್ಟು’ ಮೆರವಣಿಗೆಯಲ್ಲಿ ದಾಕ್ಷಾಯಿಣಿ ಭಾಗವಹಿಸುತ್ತಿತ್ತು.ಆನೆಯನ್ನು ನೋಡಿಕೊಳ್ಳುತ್ತಿದ್ದ ಚೆಂಗಲೂರ್ ಮಹಾದೇವ್ ದೇವಸ್ಥಾನದ ಅಧಿಕಾರಿಗಳು ದಾಕ್ಷ್ಯಾಯಿಣಿ ಸಾವಿಗೆ ಕಂಬನಿ ಮಿಡಿದಿದ್ದಾರೆ.
ಆನೆಗಳು ಸಾಮಾನ್ಯವಾಗಿ ಮನುಷ್ಯರಷ್ಟೇ ಆಯಸ್ಸನ್ನು ಹೊಂದಿರುತ್ತವೆ. ಕೆಲವು ಗಂಡಾನೆಗಳು 120 ವರ್ಷ ಬದುಕಿದ್ದೂ ಉಂಟು. ಆದರೆ ಸಾಕಿದ ಆನೆಯೊಂದು ಇಷ್ಟು ವರ್ಷ ಬಾಳಿದುದು ಇದೇ ಪ್ರಥಮ ದಾಖಲೆ ಆಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.