ಎಂಎಚ್ 370 ವಿಮಾನ ಕಣ್ಮರೆ: ಒಂದು ವಾರದಲ್ಲಿ ಶೋಧ ಕಾರ್ಯಾಚರಣೆ ಸ್ಥಗಿತ, ಮಲೇಷಿಯಾ ಸರ್ಕಾರದಿಂದ ಮಾಹಿತಿ
ಮಾರ್ಚ್ 8, 2014 ರಂದು ಕಣ್ಮರೆಯಾಗಿದ್ದ ಮಲೇಷಿಯಾ ಏರ್ ಲೈನ್ಸ್ ವಿಮಾನ ಎಂಎಚ್ 370 ವಿಮಾನ ಶೋಧ ಕಾರ್ಯ ಇನ್ನೊಂದು ವಾರದಲ್ಲಿ ಮುಗಿಯುವುದಾಗಿ ......
Published On :
ಪುಣೆ: ಮಾರ್ಚ್ 8, 2014 ರಂದು ಕಣ್ಮರೆಯಾಗಿದ್ದ ಮಲೇಷಿಯಾ ಏರ್ ಲೈನ್ಸ್ ವಿಮಾನ ಎಂಎಚ್ 370 ವಿಮಾನ ಶೋಧ ಕಾರ್ಯ ಇನ್ನೊಂದು ವಾರದಲ್ಲಿ ಮುಗಿಯುವುದಾಗಿ ಆ ದೇಶದ ಅಧಿಕಾರಿಗಳು ಪುಣೆ ನಿವಾಸಿಗಳಿಗೆ ಮಾಹಿತಿ ನೀಡಿದ್ದಾರೆ. ಕಾಣೆಯಾಗಿದ್ದ ವಿಮಾನದಲ್ಲಿ ಪುಣೆ ನಿವಾಸಿಯ ಪತ್ನಿ ಪ್ರಯಾಣಿಸಿದ್ದರು.
ಕ್ರಾಂತಿ ಶಿರ್ಸತ್ ಅವರ ಪತಿ ಪ್ರಹ್ಲಾದ್ ಶಿರ್ಸತ್ ಹೇಳಿದಂತೆ ಅವರು ವಿಮಾನ ಒಂದಲ್ಲಾ ಒಂದು ದಿನ ಪತ್ತೆಯಾಗುವುದೆಂದು ಆತ್ಮವಿಶ್ವಾಸ ಹೊಂದಿದ್ದರು.
ಕೌಲಾಲಂಪುರ್ನಿಂದ ಬೀಜಿಂಗ್ ಗೆ ತೆರಳುವ ಮಾರ್ಗದ ನಡುವೆ 239 ಜನರನ್ನು ಹೊತ್ತಿದ್ದ ವಿಮಾನ ಮಾರ್ಚ್ 8, 2014 ರಂದು ಕಣ್ಮರೆಯಾಗಿತ್ತು.
ಅಮೆರಿಕಾದ ಪರಿಶೋಧನಾ ಸಂಸ್ಥೆ ಓಷನ್ ಇನ್ಫಿನಿಟಿ ಲಿಮಿಟೆಡ್ ನೊಡನೆ ಮಲೇಷಿಯಾ ಸರ್ಕಾರ ಎಂಎಚ್ 370 ವಿಮಾನ ಶೋಧನೆಗಾಗಿ ಈ ವರ್ಷ ಜನವರಿಯಲ್ಲಿ ಒಪ್ಪಂದ ಮಾಡಿಕೊಂಡಿತ್ತು.
ವಿಮಾನ ಶೋಧ ಕಾರ್ಯ ಇನ್ನೊಂದು ವಾರದಲ್ಲಿ ಮುಗಿಯಲಿದೆ ಎಂದು ಇಂದು ಮಲೇಷಿಯಾದ ಸರ್ಕಾರದಿಂದ ನನಗೆ ಈ ಮೇಲ್ ಬಂದಿದೆ" ಎಂದು ಪ್ರಹ್ಲಾದ್ ಶಿರ್ಸತ್ ಪಿಟಿಐ ಗೆ ತಿಳಿಸಿದ್ದಾರೆ.
ಜನವರಿಯಿಂದ ನಡೆದ ಶೋಧಕಾರ್ಯ 90 ದಿನಗಳ ಕಾಲ ನಡೆದರೂ ಏನೂ ಪ್ರಯೋಜನವಾಗಲಿಲ್ಲ. ಆದರೆ ಮಲೇಷಿಯಾ ಸರ್ಕಾರದ ಕೋರಿಕೆಯ ಮೇರೆಗೆ ಅದನ್ನು ಮೇ29 ರವರೆಗೆ ವಿಸ್ತರಿಸಲಾಗಿತ್ತು ಎಂದು ಓಶ್ಘನ್ ಇನ್ಫಿನಿಟಿ ತಿಳಿಸಿದೆ.
"ಇನ್ನೊಂದ್ಯು ವಾರದಲ್ಲಿ ವಿಮಾನದ ಅವಶೇಷಗಳು ಪತ್ತೆಯಾಗುವ ವಿಶ್ವಾಸವನ್ನು ಮಲೇಷಿಯಾ ಸರ್ಕಾರ ಹೊಂದಿದೆ. ನಾಲ್ಕು ವರ್ಷಗಳ ಹಿಂದೆ ಕಾಣೆಯಾದ ವಿಮಾನಕ್ಕಾಗಿ ನಡೆದ ಶೋಧ ಕಾರ್ಯಾಚರಣೆಯಲ್ಲಿ ಇದು ಐದನೇ ಅಥವಾ ಆರನೇ ಕಾರ್ಯಾಚರಣೆಯಾಗಿದೆ.ಪ್ರತಿ ಬಾರಿ ಹೊಸ ಶೋಧ ಕಾರ್ಯ ಪ್ರಾರಂಭವಾದಾಗ ಹೊಸ ಭರವಸೆ ಮೂಡುತ್ತದೆ. ಆದರೆ ಅಂತಿಮವಾಗಿ ನಿರಾಶೆ ಅನುಭವಿಸುವಂತಾಗಿದೆ" ಶಿರ್ಸತ್ ಹೇಳಿದ್ದಾರೆ.
"ಪ್ರಸ್ತುತ ಹುಡುಕಾಟ ಕಾರ್ಯಾಚರಣೆಯು ಮೇ 29 ರಂದು ಅಂತ್ಯಗೊಳ್ಳುವ ಸಾಧ್ಯತೆಯಿದ್ದರೂ,ಇನ್ನಷ್ಟು ದಿನ ಹುಡುಕಾಟ ನಡೆಯುವುದೆಂದು ಣಾನು ಭಾವಿಸುತ್ತೇನೆ" ಅವರು ಹೇಳಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.