ವೀಸಾಗಾಗಿ ಲಂಚ: ಗೃಹ ಸಚಿವಾಲಯದ ಅಧಿಕಾರಿ, ಸೇರಿ ನಾಲ್ವರ ಬಂಧನ
ಪಾಕಿಸ್ತಾನಿ ವಲಸಿಗರಿಗೆ ದೀರ್ಘಾವಧಿಯ ವೀಸಾ ನೀಡುವ ಪ್ರಕ್ರಿಯೆ ಸಂಬಂಧ ಸಂಪೂರ್ಣ ಆಂತರಿಕ ತನಿಖೆ ನಡೆಸುವಂತೆ ಗೃಹ ಸಚಿವಾಲಯ ಆದೇಶಿಸಿದೆ.
Published On :
ನವದೆಹಲಿ: ಪಾಕಿಸ್ತಾನಿ ವಲಸಿಗರಿಗೆ ದೀರ್ಘಾವಧಿಯ ವೀಸಾ ನೀಡುವ ಪ್ರಕ್ರಿಯೆ ಸಂಬಂಧ ಸಂಪೂರ್ಣ ಆಂತರಿಕ ತನಿಖೆ ನಡೆಸುವಂತೆ ಗೃಹ ಸಚಿವಾಲಯ ಆದೇಶಿಸಿದೆ. ವೀಸಾ ಪಡೆಯುವದಕ್ಕಾಗಿ ಅರ್ಜಿ ಸಲ್ಲಿಸಿದ ಅರ್ಜಿದಾರರಿಂದ ಲಂಚ ಸ್ವೀಕರಿಸಿದ ಆರೋಪದ ಮೇಲೆ ಸಚಿವಾಲಯದ ಅಧಿಕಾರಿಯೊಬ್ಬರನ್ನು ಬಂಧಿಸಿದ ಹಿನ್ನೆಲೆಯಲ್ಲಿ ಈ ಆದೇಶ ನೀಡಲಾಗಿದೆ.
ಭಾರತೀಯ ಪೌರತ್ವಕ್ಕಾಗಿ ಅರ್ಜಿ ಸಲ್ಲಿಸುವ ಅಥವಾ ದೀರ್ಘಕಾಲೀನ ವೀಸಾಗಾಗಿ ಅರ್ಜಿ ಸಲ್ಲಿಸಿರುವ ಅರ್ಜಿದಾರರ ಬಾಕಿ ಪ್ರಕರಣಗಳನ್ನು ಶೀಘ್ರವಾಗಿ ಇತ್ಯರ್ಥಗೊಳಿಸಿಅಲು ಸಚಿವಾಲಯ ಆದೇಶಿಸಿದೆ.
ಪಾಕಿಸ್ತಾನಿ ವಲಸಿಗರಿಂದ ಲಂಚ ಸ್ವೀಕರಿಸಿದ ಇಲಾಖೆಯ ಅಧಿಕಾರಿಯನ್ನು ಬಂಧ್ಸಿಸಿದ್ದು ಇದೀಗ ಆಂತರಿಕ ತನಿಖೆಗೆ ಆದೇಶಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಗೃಹ ಸಚಿವಾಲಯದ ವಿದೇಶಿ ವಿಭಾಗದ ಹಿರಿಯ ಸಹಾಯಕ ಪಿ.ಕೆ. ಮಿಶ್ರಾ ಹಾಗೂ ಇತರ್ರೆ ಮೂವರನ್ನು ರಾಜಸ್ಥಾನ್ ಭ್ರಷ್ಠಾಚಾರ ನಿಗ್ರಹ ದಳ ಬಂಧಿಸಿದೆ. ಪಾಕಿಸ್ತಾನಿ ವಲಸಿಗರಿಂದ ಲಂಚ ಸ್ವೀಕರಿಸಿದ್ದ ಆರೋಪದ ಮೇಲೆ ಈ ಬಂಧನವಾಗಿದೆ.
ಸಧ್ಯ ’ವೀಶಾಗಾಗಿ ಲಂಚ’ ಪ್ರಕರಣದಲ್ಲಿ ಸಚಿವಾಲಯವು ರಾಜಸ್ಥಾನ ಪೋಲೀಸರ ವರದಿಗಾಗಿ ಕಾಯುತ್ತಿದೆ ಎಂದು ಇನ್ನೋರ್ವ ಅಧಿಕಾರಿಗಳು ಹೇಳಿದ್ದಾರೆ.
ಕಳೆದ ಹಲವಾರು ವರ್ಷಗಳಿಂದ ಈ ಪ್ರದೇಶದಲ್ಲಿ ಇಂತಹಾ ಲಂಚ ಸ್ವೀಕಾರ ಕೃತ್ಯನಡೆಯುತ್ತಲಿದೆ.ಎಂದು ರಾಜಸ್ಥಾನ ಪೋಲೀಸರು ಹೇಳಿದ್ದಾರೆ.
ಪ್ರಕರಣ ಸಂಬಂಧ ಅಶೋಕ್, ಗೋವಿಂದ ಮತ್ತು ಭಗವಾನ್ ರಾಮ್ ಎನ್ನುವ ಇತರೆ ಮೂವರು ಪಾಕಿಸ್ತಾನಿ ವಲಸಿಗರನ್ನು ಬಂಧಿಸಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Pakistani immigrantsHome Ministry officialbribe-for-visaಪಾಕಿಸ್ತಾನಿ ವಲಸಿಗರುಗೃಹ ಸಚಿವಾಲಯದ ಅಧಿಕಾರಿವೀಶಾಗಾಗಿ ಲಂಚ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.