ಕನಸಿನಲ್ಲಿ ದೆವ್ವದ ಕಾಟ ತಪ್ಪಿಸಲು 3 ವರ್ಷದ ಮಗುವನ್ನು ಬಲಿ ನೀಡಿದ ಮಹಿಳೆ!
ತನ್ನ ಕನಸಿನಲ್ಲಿ ಬರುವ ದೆವ್ವಗಳನ್ನು ಕೊನೆಗಾಣಿಸಲು ಮಹಿಳೆಯೊಬ್ಬಳು 3 ವರ್ಷದ ಬಾಲಕಿಯನ್ನು ಬಲಿಕೊಟ್ಟ ಅಮಾನವೀಯ ಘಟನೆ ಹರಿಯಾಣದಲ್ಲಿ ನಡೆದಿದೆ.
Published On :
ಚಂಡಿಗಢ: ತನ್ನ ಕನಸಿನಲ್ಲಿ ಬರುವ ದೆವ್ವಗಳನ್ನು ಕೊನೆಗಾಣಿಸಲು ಮಹಿಳೆಯೊಬ್ಬಳು 3 ವರ್ಷದ ಬಾಲಕಿಯನ್ನು ಬಲಿಕೊಟ್ಟ ಅಮಾನವೀಯ ಘಟನೆ ಹರಿಯಾಣದಲ್ಲಿ ನಡೆದಿದೆ.
ಹರಿಯಾಣದ ಯಮುನಾನಗರ ವ್ಯಾಪ್ತಿಯಲ್ಲಿ ನಡೆದ ಘಟನೆಯಲ್ಲಿ ಬಲಿಯಾದ ಮಗು ಆರೋಪಿ ಮಹಿಳೆಯ ಸಂಬಂಧಿಗಳದಾಗಿತ್ತು ಎನ್ನಲಾಗಿದೆ.
ಮಹಿಳೆಗೆ ರಾತ್ರಿ ಕನಸಿನಲ್ಲಿ ದೆವ್ವಗಳು ಹಿಡಿದುಕೊಂಡಂತೆ ಆಗುತ್ತಿತ್ತು. ಪ್ರತಿ ಬಾರಿ ಈ ಕನಸು ಬೀಳುತ್ತಾ ಮಹಿಳೆ ಭಯ ಭೀತಳಾಗುತ್ತಿದ್ದಳು. ಅದೇ ಕನಸಿನಲ್ಲಿ ಒಮ್ಮೆ ಇಂತಹಾ ಕನಸು ಬರದೆ ಹೋಗಲು ಬಾಲಕಿಯನ್ನು ಬಲಿ ನೀಡಬೇಕೆಂದು ಸೂಚನೆಯಾಗಿತ್ತು. ಇದಕ್ಕಾಗಿ ನಾನು ಮಗುವನ್ನು ಕೊಂದದ್ದಾಗಿ ಮಹಿಳೆ ಪೋಲೀಸರೆದುರು ಒಪ್ಪಿಕೊಂಡಿದ್ದಾಳೆ.
ಶನಿವಾರ ರಾತ್ರಿ ಮಹಿಳೆಯು ಬಾಲಕಿಯನ್ನು ದೇವರ ಕೋಣೆಗೆ ಕರೆತಂದಿದ್ದಾಳೆ. ಅಲ್ಲಿ ಚಾಕುವಿನಿಂದ ಮಗುವಿನ ಕತ್ತು ಸೀಳಿದ್ದಾಳೆ. ಆಗ ನೋವಿನಿಂದ ಮಗು ಜೋರಾಗಿ ಕಿರುಚಿದೆ. ಮಗು ಕಿರುಚುವ ಶಬ್ದ ಕೇಳಿ ಅಕ್ಕ ಪಕ್ಕದ ಮನೆಯವರು ಓಡಿ ಬಂದಾಗ ಕೃತ್ಯ ಬಯಲಾಗಿದೆ.
ತಕ್ಷಣ ಗಾಯಗೊಂಡ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಆದರೂ ಚಿಕಿತ್ಸೆ ಫಲ ನೀಡದೆ ಮಗು ಮರಣಹೊಂದ್ದೆ ಎಂದು ಪೋಲೀಸರು ಹೇ:ಳಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.