ಭಾರತ-ಚೀನಾ-ಪಾಕ್ ಸಹಕಾರದ ಪರಿಕಲ್ಪನೆಯಿಂದ ಅಂತರ ಕಾಯ್ದುಕೊಂಡ ಚೀನಾ

ಭಾರತ-ಚೀನಾ-ಪಾಕ್ ತ್ರಿಪಕ್ಷೀಯ ಸಹಕಾರದ ಪರಿಕಲ್ಪನೆಯನ್ನು ಪ್ರಸ್ತಾಪಿಸಿದ್ದ ಚೀನಾದ ರಾಯಭಾರಿ ಕಚೇರಿ ಅಧಿಕಾರಿಯ ಹೇಳಿಕೆಯಿಂದ ಸ್ವತಃ ಚೀನಾ ಸರ್ಕಾರ ಅಂತರ ಕಾಯ್ದುಕೊಂಡಿದೆ.

Srinivas Rao BV

Published On :20 Jun 2018, 1:33 am

Add as a preferred source on Google

ಬೀಜಿಂಗ್: ಭಾರತ-ಚೀನಾ-ಪಾಕ್ ತ್ರಿಪಕ್ಷೀಯ ಸಹಕಾರದ ಪರಿಕಲ್ಪನೆಯನ್ನು ಪ್ರಸ್ತಾಪಿಸಿದ್ದ ಚೀನಾದ ರಾಯಭಾರಿ ಕಚೇರಿ ಅಧಿಕಾರಿಯ ಹೇಳಿಕೆಯಿಂದ ಸ್ವತಃ ಚೀನಾ ಸರ್ಕಾರ ಅಂತರ ಕಾಯ್ದುಕೊಂಡಿದೆ.

ಶಾಂಘೈ ಸಹಕಾರ ಒಕ್ಕೂಟದ ಅಡಿಯಲ್ಲಿ ತ್ರಿಪಕ್ಷೀಯ ಸಹಕಾರದ ಕುರಿತು ಭಾರತದಲ್ಲಿರುವ ಚೀನಾದ ರಾಯಭಾರಿ ಕಚೇರಿ ಅಧಿಕಾರಿ ಹೇಳಿಕೆ ನೀಡಿದ್ದರು. ಈ ಬಗ್ಗೆ ಚೀನಾ ಅಂತರ ಕಾಯ್ದುಕೊಂಡಿದ್ದರೂ ಭಾರತ-ಪಾಕಿಸ್ತಾನದ ನಡುವೆ ಮಾತುಕತೆಯನ್ನು ಬಲಪಡಿಸುವುದು ಮುಖ್ಯವಾಗಿದೆ, ಇದರಿಂದಾಗಿ ಉಭಯ ರಾಷ್ಟ್ರಗಳ ಹಿತಾಸಕ್ತಿಗಳೂ ಸುಧಾರಣೆಯಾಗಲಿವೆ ಎಂದು ಹೇಳಿದೆ.

ಭಾರತ-ಪಾಕಿಸ್ತಾನದ ನಡುವೆ ಶಾಂತಿ ಮೂಡಿಸಲು ಶಾಂಘೈ ಸಹಕಾರ ಒಕ್ಕೂಟದ ಅಡಿಯಲ್ಲಿ ಭಾರತ-ಚೀನಾ-ಪಾಕ್ ತ್ರಿಪಕ್ಷೀಯ ಸಹಕಾರದ ಅಗತ್ಯವಿದೆ ಎಂದು ಚೀನಾ ರಾಯಭಾರಿ ಕಚೇರಿ ಅಧಿಕಾರಿ ಜೂ.18 ರಂದು ಹೇಳಿದ್ದರು.

ಭಾರತ, ಪಾಕಿಸ್ತಾನ ಎರಡೂ ಚೀನಾದ ಮಿತ್ರ ರಾಷ್ಟ್ರಗಳು, ಮಿತ್ರರಾಷ್ಟ್ರಗಳ ನಡುವೆ ಉತ್ತಮ, ಸೌಹಾರ್ದಯುತ ವಾತಾವರಣವನ್ನುಂಟುಮಾಡಲು ಚೀನಾ ಬಯಸುತ್ತಿದೆ, ಈ ಮೂಲಕ ಪ್ರಾದೇಶಿಕವಾಗಿ ಸ್ಥಿರತೆ ಸಾಧ್ಯವಿದೆ ಎಂದು ಚೀನಾ ರಾಯಭಾರಿ ಕಚೇರಿ ಅಧಿಕಾರಿಗಳು ಹೇಳಿದ್ದರು.

Follow KannadaPrabha channel on WhatsApp

Subscribe to KannadaPrabha YouTube Channel and watch Videos

Download the KannadaPrabha News app to follow the latest news updates

Subscribe and Receive exclusive content and updates on your favorite topics

ಭಾರತ ಪಾಕಿಸ್ತಾನ ಚೀನಾ Trilateral cooperation India-China-Pak Envoy\'s idea ರಾಯಭಾರಿ ಕಚೇರಿ ಅಧಿಕಾರಿ

Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.