ಗಿನ್ನಿಸ್ ದಾಖಲೆ ಬರೆದಿದ್ದ ಉಗುರಗಳನ್ನು 66 ವರ್ಷಗಳ ಬಳಿಕ ಕತ್ತರಿಸಿದ ಭಾರತೀಯ ಪ್ರಜೆ ಶ್ರೀಧರ್
ಅತೀ ಉದ್ದನೆಯ ಉಗುರುಗಳನ್ನು ಬೆಳೆಸಿ ಗಿನ್ನಿಸ್ ದಾಖಲೆ ಬರೆದಿದ್ದ ಭಾರತೀಯ ಮೂಲದ ಪ್ರಜೆ ಶ್ರೀಧರ್ ಚಿಲ್ಲಾಲ್ ಅವರು 66 ವರ್ಷಗಳ ಬಳಿಕ ತಮ್ಮ ಉಗುರುಗಳನ್ನು ಕತ್ತರಿಸಿದ್ದಾರೆ...
Published On :
ಪುಣೆ (ಮಹಾರಾಷ್ಟ್ರ): ಅತೀ ಉದ್ದನೆಯ ಉಗುರುಗಳನ್ನು ಬೆಳೆಸಿ ಗಿನ್ನಿಸ್ ದಾಖಲೆ ಬರೆದಿದ್ದ ಭಾರತೀಯ ಮೂಲದ ಪ್ರಜೆ ಶ್ರೀಧರ್ ಚಿಲ್ಲಾಲ್ ಅವರು 66 ವರ್ಷಗಳ ಬಳಿಕ ತಮ್ಮ ಉಗುರುಗಳನ್ನು ಕತ್ತರಿಸಿದ್ದಾರೆ.
ಮಹಾರಾಷ್ಟ್ರ ರಾಜ್ಯದ ಪುಣೆ ಮೂಲದವರಾಗಿದ್ದ ಶ್ರೀಧರ್ ಚಿಲ್ಲಾಲ್ ಅವರು ತಮ್ಮ ಉದ್ದದ ಕೈ ಉಗುರುಗಳಿಂದಲೇ ಗಿನ್ನಿಸ್ ದಾಖಲೆ ಬರೆದಿದ್ದರು.
ತಮ್ಮ ಎಡಗೈ ಬೆರಳುಗಳ ಉಗುರುಗಳನ್ನು ಐದಾರು ಅಡಿಗಳಷ್ಟು ಉದ್ದ ಬೆಳೆಸಿದ್ದ ಶ್ರೀಧರ್ ಅವರು, 2015ರಲ್ಲಿ ದಾಖಲೆ ಬರೆದಿದ್ದರು. 16ನೇ ವಯಸ್ಸಿನಲ್ಲಿ ಉಗುರು ಕತ್ತರಿಸುವುದನ್ನು ನಿಲ್ಲಿಸಿದ್ದ ಚಿಲ್ಲಾಲ್, 66 ವರ್ಷಗಳಷ್ಟು ಹಳೆಯದಾದ ಉಗುರುಗಳನ್ನು ನಿನ್ನೆ ಕತ್ತರಿಸಿದ್ದಾರೆ.
ನ್ಯೂಯಾರ್ಕ್ ಟೈಮ್ಸ್ ಸ್ಕ್ವೇರ್'ನಲ್ಲಿರುವ 'ದ ರಿಪ್ಲೀಸ್ ಬಿಲೀವ್ ಇಟ್ ಆರ್ ನಾಟ್' ಮ್ಯೂಸಿಯಮ್ ನಲ್ಲಿ ಚಿಲ್ಲಾಲ್ ಅವರು ತಮ್ಮ ಉಗುರುಗಳನ್ನು ಕತ್ತರಿಸಿಕೊಂಡರು.
ಚಿಲ್ಲಾಲ್ ಅವರ ಉಗುರುಗಳ ಒಟ್ಟು ಉದ್ದ 909.6 ಸೆಂ.ಮೀ ಗಳಷ್ಟಿದ್ದು, ಈ ಪೈಕಿ ಹೆಬ್ಬೆರಳಿನ ಉಗುರು ಅತೀ ಉದ್ದವಾಗಿದೆ. ಹೆಬ್ಬೆರಳಿನ ಉಗುರು 197.8 ಸೆಂ.ಮೀಗಳಷ್ಟಿದೆ.
ಗಿನ್ನಿಸ್ ದಾಖಲೆ ಬರೆದಿರುವ ಈ ಉಗುರುಗಳು ಮ್ಯೂಸಿಯಮ್'ನಲ್ಲಿ ಅಮರವಾಗಿರಬೇಕೆಂಬ ಉದ್ದೇಶದಿಂದ ಚಿಲ್ಲಾಲ್ ಅವರನ್ನು ಅಮೆರಿಕ ಆಹ್ವಾನಿಸಿತ್ತು. ಈ ಆಮಂತ್ರಣವನ್ನು ಸ್ವೀಕರಿಸಿದ್ದ ಚಿಲ್ಲಾಲ್ ಅವರು ಉಗುರುಗಳನ್ನು ಕತ್ತರಿಸಿ ಮ್ಯೂಸಿಯಮ್'ಗೆ ನೀಡಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
New Yorkಮಹಾರಾಷ್ಟ್ರMaharashtraಗಿನ್ನಿಸ್ ದಾಖಲೆನ್ಯೂಯಾರ್ಕ್Times Squareಟೈಮ್ಸ್ ಸ್ಕ್ವೇರ್ಉಗುರುಗಳುFingernailsShridhar Chillal. Guinness World Recordಶ್ರೀಧರ್ ಚಿಲ್ಲಾಲ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.