ಲಖನೌ: ಭಾರತದ ಯುವಕನೊಡನೆ ಹಸೆಮಣೆ ಏರಿದ ಪಾಕ್ ಯುವತಿ, ಸಚಿವೆ ಸುಷ್ಮಾ ನೆರವಿನಿಂದ ಒಂದಾದ ಕುಟುಂಬ
ಭಾರತದ ಮೇಲೆ ಪದೇ ಪದೇ ಕಾಲು ಕೆರೆದುಕೊಂಡು ಜಗಳಕ್ಕೆ ಬರುವ ಪಾಕಿಸ್ತಾನದ ಬಣ್ಣ ಬಯಲಾಗುತ್ತಲೇ ಇದೆ.
Published On :
ಲಖನೌ: ಭಾರತದ ಮೇಲೆ ಪದೇ ಪದೇ ಕಾಲು ಕೆರೆದುಕೊಂಡು ಜಗಳಕ್ಕೆ ಬರುವ ಪಾಕಿಸ್ತಾನದ ಬಣ್ಣ ಬಯಲಾಗುತ್ತಲೇ ಇದೆ. ಆದರೆ ಇದರ ನಡುವೆಯೇ ಪಾಕಿಸ್ತಾನ ಹಾಗೂ ಭಾರತದ ನಾಗರಿಕರ ನಡುವೆ ಸುಮಧುರ ಬಾಂಧವ್ಯ ಮನೆ ಮಾಡಿದೆ ಎನ್ನುವುದಕ್ಕೆ ಈ ಘಟನೆ ಸಾಕ್ಷಿ.
ಉತ್ತರ ಪ್ರದೇಶದ ಲಖನೌ ಮೂಲದ ಯುವಕನೊಬ್ಬ ಪಾಕಿಸ್ತಾನದ ಯುವತಿಯನ್ನು ವರಿಸಿದ್ದಾನೆ. ಲಖನೌ ದಲ್ಲಿ ಇಂಜಿನಿಯರ್ ಆಗಿರುವ ನಖಿ ಅಲಿ ಖಾನ್‌ ಪಾಕಿಸ್ತಾನದ ಕರಾಚಿ ಮೂಲದ ಸಬಾಹತ್‌ ಫಾತಿಮಾಳನ್ನು ಮದುವೆಯಾಗಿದ್ದು ಇದಕ್ಕೆ ಭಾರತ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಸಹಕಾರ ನೀಡಿದ್ದಾರೆ.
ಎರಡು ವರ್ಷಗಳ ಹಿಂದೆಯೇ ಈ ಜೋಡಿ ನಿಶ್ಚಿತಾರ್ಥ ನಡೆದಿದ್ದು ಗಡಿಯಲ್ಲಿನ ಸಮಸ್ಯೆಯಿಂದಾಗಿ ಮದುವೆ ಕಾರ್ಯಕ್ರಮ ಮುಂದೂಡುತ್ತಲೇ ಬರಲಾಗುತ್ತಿತ್ತು. ಆದರೆ ಇತ್ತೀಚೆಗೆ ಇಂತಹುದೇ ಪ್ರಕರಣ ಸಂಬಂಧ ಸಚಿವೆ ಸುಷ್ಮಾ ನೆರವಾಗಿದ್ದ ವರದಿಯೊಂದು ಆಂಗ್ಲ ಪತ್ರಿಕೆಯಲ್ಲಿ ಪ್ರಕಟವಾಗಿದ್ದು ಅದನ್ನು ಕಂಡ ನಖಿ ಅಲಿ ಖಾನ್‌ ತಾನೂ ಸಾಮಾಜಿಕ ತಾಣದ ಮುಖೇನ ಸುಷ್ಮಾ ಸ್ವರಾಜ್ ಅವರ ಸಂಪರ್ಕ ಸಾಧಿಸಿದ್ದರು. ಆ ವೇಳೆ ಅವರ ಮನವಿ ಆಲಿಸಿದ್ದ ಸಚಿವೆ ಸಬಾಹತ್‌ಗೆ ಭಾರತಕ್ಕೆ ಬರಲು ವೀಸಾ ನೀಡಿದ್ದಾರೆ.
ಸುಷ್ಮಾ ಸ್ವರಾಜ್ ಅವರ ನೆರವು ಪಡೆದ ಕರಾಚಿ ವಧುವಿನ ಕುಟುಂಬ ಭಾರತಕ್ಕೆ ಆಗಮಿಸಿದ್ದು ಕಳೆದ ಶುಕ್ರವಾರ ಈ ನವಜೋಡಿ ವಿವಾಹವು ಸಂಭ್ರದಿಂದ ನಡೆಯಿತು.
"ನಮ್ಮದು ಅವಿಭಕ್ತ ಕುಟುಂಬ, ದೇಶ ವಿಭಜನೆ ಬಳಿಕ ಬೇರಾಗಿದ್ದೆವು. ಇದೀಗ ಸಚಿವೆಯ ನೆರವಿನಿಂದ ನಾವೆಲ್ಲ ಒಟ್ಟು ಸೇರಿದ್ದೇವೆ. ಸುಷ್ಮಾ ಅವರ ಸಹಾಯ ನಾವು ಎಂದಿಗೂ ಮರೆಯುವುದಿಲ್ಲ" ಎಂದು ಸಬಾಹತ್‌ ಕುಟುಂಬಸ್ಥರು ಹೇಳಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ಯುವಕSushma Swarajಸುಷ್ಮಾ ಸ್ವರಾಜ್ಲಖನೌPakistan girlLucknow boyNaqi Ali KhanSabahat Fatimaಪಾಕಿಸ್ತಾನಿ ಯುವತಿನಖಿ ಅಲಿ ಖಾನ್ಸಬಾಹತ್‌ ಫಾತಿಮಾ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.