ಭಾರತೀಯ ಸೇನೆಗೆ ಮತ್ತೆ ರಷ್ಯಾದ 4 ಯುದ್ಧ ನೌಕೆಗಳು ಸೇರ್ಪಡೆ!

ನವದೆಹಲಿ: ಭಾರತೀಯ ಸೇನೆಗೆ ಮತ್ತೆ 4 ರಷ್ಯಾ ಯುದ್ಧ ನೌಕೆಗಳು ಸೇರ್ಪಡೆಯಾಗಿದ್ದು, ಒಟ್ಟು 200 ಮಿಲಿಯನ್ ಮೊತ್ತದಲ್ಲಿ ಈ ಅತ್ಯಾಧುನಿಕ ಯುದ್ಧನೌಕೆಗಳನ್ನು ಖರೀದಿ ಮಾಡಲಾಗಿದೆ.

ಮೂಲಗಳ ಪ್ರಕಾರ ಮಾಸ್ಕೋ ಮತ್ತು ದೆಹಲಿ ನಡುವಿನ ಈ ಹಿಂದಿನ ಒಪ್ಪಂದ ಅಂತಿಮವಾಗಿದ್ದು, ಒಟ್ಟು 4 ಯುದ್ಧನೌಕಗೆಳ ಖರೀದಿಗೆ ಅನುಮೋದನೆ ನೀಡಲಾಗಿದೆ. ಒಟ್ಟು 200 ಮಿಲಿಯನ್ ಮೊತ್ತದ 4 ನೌಕೆಗಳನ್ನು ಖರೀದಿ ಮಾಡಲಾಗುತ್ತಿದೆ. ಪ್ರತೀಯೊಂದು ನೌಕೆಗೂ ಸುಮಾರು 50 ಮಿಲಿಯನ್ ವೆಚ್ಚವಾಗಲಿದ್ದು, ಇಂತಹ 4 ನೌಕೆಗಳನ್ನು ಭಾರತ ಖರೀದಿ ಮಾಡಲು ನಿರ್ಧರಿಸಿದೆ.  ಪ್ರಸ್ತುತ ನೌಕಾದಳದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಕ್ರಿವಾಕ್ 3 ಕ್ಲಾಸ್ ಯುದ್ಧ ನೌಕೆಯಂತಹ ನಾಲ್ಕು ಯುದ್ಧನೌಕೆಗಳನ್ನು ಭಾರತ ಖರೀದಿ ಮಾಡಿದೆ.

ಈ ಪೈಕಿ ರಷ್ಯಾದ ಕಲಿಂಗ್ರಾಡ್ ನಲ್ಲಿರುವ ಯಾಂಟರ್ ಶಿಪ್ ಯಾರ್ಡ್ 2 ಯುದ್ಧನೌಕೆಗಳು ನಿರ್ಮಾಣನವಾಗಲಿದ್ದು, ಮತ್ತೆರಡು ನೌಕೆಗಳು ಗೋವಾದ ಶಿಪ್ ಯಾರ್ಡ್ ಲಿಮಿಟೆಡ್ ನಲ್ಲಿ ನಿರ್ಮಾಣವಾಗಲಿದೆ. ಈ ಯುದ್ಧ ನೌಕೆಯ ಸಂಪೂರ್ಣ ತಂತ್ರಜ್ಞಾನ ರಷ್ಯಾದ ಯಾಂಟಪ್ ಲಿಮಿಟೆಡ್ ನದ್ದಾಗಿದೆ. 

ಭಾರತಕ್ಕೆ ಒಟ್ಟು 24 ಯುದ್ದನೌಕೆಗಳ ಅವಶ್ಯಕತೆ ಇದ್ದು ಈ ಪೈಕಿ 10 ಯುದ್ಧ ನೌಕೆಗಳು ಈಗಾಗಲೇ ಕಾರ್ಯ ನಿರ್ವಹಿಸುತ್ತಿವೆ. 2003ರ ಜೂನ್, ಏಪ್ರಿಲ್ 2014, 2012ರ ಏಪ್ರಿಲ್ ನಲ್ಲಿ ಮೂರು ನೌಕೆ ಮತ್ತು 2013ರ ಜೂನ್ ನಲ್ಲಿ ಒಂದು ನೌಕೆಯನ್ನು ಸೇನೆಗೆ  ಸೇರ್ಪಡೆ ಮಾಡಿಕೊಳ್ಳಲಾಗಿತ್ತು. ಅಂತೆಯೇ 4 ಮುಂದಿನ 2019ರ ಅಂತ್ಯದೊಳಗೆ ಭಾರತೀಯ ಸೇನೆ ಸೇರ್ಪಡೆಗೊಳ್ಳಲಿದೆ. ಆ ಮೂಲಕ ಭಾರತದ ಯುದ್ಧನೌಕೆಗಳ ಸಾಮರ್ಥ್ಯ 14ಕ್ಕೆ ಏರಿಕೆಯಾಗಲಿದೆ.

ಈ ಬಗ್ಗೆ ಮಾತನಾಡಿರುವ ನೌಕಾಧಿಕಾರಿ ಅಜಯ್ ಶುಕ್ಲಾ ಅವರು, ಭಾರತೀಯ ಸೇನೆಗೆ ಒಟ್ಟು 24 ನೌಕೆಗಳ ಅವಶ್ಯಕತೆ ಇದ್ದು, ಪ್ರಸ್ತುತ ನಮ್ಮ ಬಳಿ 10 ನೌಕೆಗಳು ಮಾತ್ರ ಇವೆ ಎಂದು ಹೇಳಿದ್ದಾರೆ.