ದೋಕ್ಲಾಮ್ ಸಂಸದೀಯ ಸ್ಥಾಯಿ ಸಮಿತಿ ಸಭೆ ರದ್ದು: ಸ್ಪೀಕರ್ ವಿರುದ್ಧ ಶಶಿ ತರೂರ್ ವಾಗ್ದಾಳಿ

ನವದೆಹಲಿ: ಸಂಸದೀಯ ಸ್ಥಾಯಿ ಸಮಿತಿ ಸಭೆಯನ್ನು ರದ್ದುಗೊಳಿಸಿದ ಸ್ಪೀಕರ್  ಸುಮಿತ್ರಾ ಮಹಾಜನ್ ಅವರ ಕ್ರಮದ ವಿರುದ್ಧ  ಕಾಂಗ್ರೆಸ್ ನಾಯಕ ಶಶಿ ತರೂರ್  ವಾಗ್ದಾಳಿ ನಡೆಸಿದ್ದಾರೆ.

ಡೋಕ್ಲಾಮದಲ್ಲಿ ಚೀನಾ ಸೇನಾ ಕಟ್ಟಡ ನಿರ್ಮಾಣ ಸೇರಿದಂತೆ ಹಲವು ವಿಷಯಗಳು  ಲೋಕಸಭಾಧ್ಯಕ್ಷೆ ಸುಮಿತ್ರಾ ಮಹಾಜನ್ ಅಧ್ಯಕ್ಷತೆಯ ಸಂಸದೀಯ ಸ್ಥಾಯಿ ಸಮಿತಿ ಮುಂದಿದ್ದವು. ಆದರೆ, ವಿದೇಶಾಂಗ ವ್ಯವಹಾರ ಮೇಲಿನ ಸಂಸದೀಯ ಸ್ಥಾಯಿ ಸಮಿತಿ ಸಭೆ ರದ್ದುಗೊಳಿಸುವಂತೆ ಮಹಾಜನ್ ಶಶಿತರೂರ್ ಅವರಿಗೆ ಹೇಳಿದ್ದರು.

ಇತರ ಸಮಿತಿಗಳ ಸಭೆ ನಡೆಸುವಂತೆ ಕೆಲವರು ಸ್ಪೀಕರ್ ಮನವೊಲಿಸುವಲ್ಲಿ ಯಶಸ್ವಿಯಾದರೂ, ವಿದೇಶಾಂಗ ವ್ಯವಹಾರ ಮೇಲಿನ ಸಂಸದೀಯ  ಸ್ಥಾಯಿ ಸಮಿತಿ ಸಭೆಯನ್ನು ಮಾತ್ರ ರದ್ದುಗೊಳಿಸಿದರು. ಈ ಸಂಬಂಧ ಅವರಿಗೆ ಪತ್ರ ಬರೆದಿರುವುದಾಗಿ ಶಶಿತರೂರ್ ತಿಳಿಸಿದ್ದಾರೆ.

 ಈ ಸಮಿತಿ ಸಭೆ ನಿನ್ನೆ ನಡೆಯಬೇಕಾಗಿತ್ತು, ಮಾಜಿ ಸೇನಾ  ಮುಖ್ಯಸ್ಥರು, ಮಾಜಿ ವಿದೇಶಾಂಗ ಕಾರ್ಯದರ್ಶಿ ಮತ್ತು ಮಾಜಿ ರಾಯಬಾರಿ ಈ ಸಭೆಯಲ್ಲಿ ಪರಮಾರ್ಶೆ ನಡೆಸಲಿದ್ದಾರೆ ಎನ್ನಲಾಗಿತ್ತು,ಆದರೆ, ಬಜೆಟ್ ಚರ್ಚೆ ಮತ್ತು ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರ ಹೇಳಿಕೆ ಮತ್ತಿತರ ಕಾರಣಗಳಿಂದ ಸಭೆಯನ್ನು ರದ್ದುಗೊಳಿಸಿರುವುದಾಗಿ ಸ್ಪೀಕರ್ ಸುಮಿತ್ರಾ ಮಹಾಜನ್ ವಿವರಣೆ ನೀಡಿದ್ದಾರೆ.