ಮೀಮ್ ವಿವಾದದ ನಡುವೆಯೇ 'ಚಾಯ್ ವಾಲಾ' ಮೋದಿ ವಿರುದ್ಧ ಶತೃಘ್ನ ಸಿನ್ಹ ಟೀಕೆ
ಚಾಯ್ ವಾಲ ದೇಶದ ಪ್ರಧಾನಿಯಾಗಬಹುದಾದರೆ, ವಕೀಲ್ ಬಾಬು ಆರ್ಥಿಕತೆ ಬಗ್ಗೆ ಮಾತನಾಡಬಹುದಾದರೆ ನಾನೇಕೆ ಆರ್ಥಿಕತೆ ಬಗ್ಗೆ ಮಾತನಾಡಬಾರದು
Published On :
ನವದೆಹಲಿ: ಚಾಯ್ ವಾಲ ದೇಶದ ಪ್ರಧಾನಿಯಾಗಬಹುದಾದರೆ, ವಕೀಲ್ ಬಾಬು ಆರ್ಥಿಕತೆ ಬಗ್ಗೆ ಮಾತನಾಡಬಹುದಾದರೆ ನಾನೇಕೆ ಆರ್ಥಿಕತೆ ಬಗ್ಗೆ ಮಾತನಾಡಬಾರದು ಎಂದು ಹಿರಿಯ ನಟ ಹಾಗೂ ಬಿಜೆಪಿ ಸಂಸದ ಶತೃಘ್ನ ಸಿನ್ಹಾ ಪ್ರಶ್ನಿಸಿದ್ದಾರೆ. ಈ ಮೂಲಕ ಶತೃಘ್ನ ಸಿನ್ಹಾ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಮತ್ತೊಮ್ಮೆ ಟೀಕಾ ಪ್ರಹಾರ ನಡೆಸಿದ್ದಾರೆ.
ತಮ್ಮದೇ ಪಕ್ಷದವರ ವಿರುದ್ಧ ವಾಗ್ದಾಳಿ ನಡೆಸುವುದರಿಂದ ಶತೃಘ್ನ ಸಿನ್ಹಾ ಹೆಚ್ಚು ಗುರುತಿಸಿಕೊಂಡಿದ್ದು, ಆರ್ಥಿಕ ತಜ್ಞರಲ್ಲದವರು ಆರ್ಥಿಕತೆ ಬಗ್ಗೆ ಮಾತನಾಡಬಹುದಾದರೆ ತಾವೂ ಸಹ ಆರ್ಥಿಕತೆ ಬಗ್ಗೆ ಮಾತನಾಡಬಹುದು ಎಂದು ಹೇಳಿದ್ದಾರೆ.
"ವಕೀಲ್ ಬಾಬು ಆರ್ಥಿಕತೆ ಬಗ್ಗೆ ಮಾತನಾಡಬಹುದಾದರೆ, ಟಿವಿ ನಟಿ, ದೇಶದ ಮಾನವ ಸಂಪನ್ಮೂಲ ಸಚಿವೆಯಾಗಬಹುದಾದರೆ, ಚಾಯ್ ವಾಲ ದೇಶದ.... ನಾನು ಹೆಚ್ಚು ಹೇಳುವುದಿಲ್ಲ... " ಎಂದಿರುವ ಶತೃಘ್ನ ಸಿನ್ಹಾ ನಾನೇಕೆ ದೇಶದ ಆರ್ಥಿಕತೆ ಬಗ್ಗೆ ಮಾತನಾಡಬಾರದು ಎಂದು ಪ್ರಶ್ನಿಸಿದ್ದಾರೆ.
ಆರ್ಥಿಕತೆ ಬಗ್ಗೆ ಮಾತನಾಡಲು ಸಿನಿಮಾ ಹಿನ್ನೆಲೆಯುಳ್ಳ ಶತೃಘ್ನ ಸಿನ್ಹಾ ಅವರಿಗೇನು ಅರ್ಹತೆ ಇದೆ ಎಂದು ಜನರು ಕೇಳಿದ್ದಾರೆ ಎಂದು ಬಿಜೆಪಿ ಸಂಸದ ಹೇಳಿದ್ದು, ಕಳೆದ ವರ್ಷ ನಡೆದ ನೋಟು ನಿಷೇಧದಿಂದಾಗಿ ಲಕ್ಷಾಂತರ ಮಂದಿ ಉದ್ಯೋಗ ಕಳೆದುಕೊಂಡಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.