'ಮೂಡೀಸ್ ರೇಟಿಂಗ್ ನೀಡಿದ್ದು ಆಸ್ಟ್ರೇಲಿಯಾ ಕ್ರಿಕೆಟರ್ ಟಾಮ್ ಮೂಡಿ!' ಸಾಮಾಜಿಕ ತಾಣಗಳಲ್ಲಿ ಕೇರಳ ಸಿಪಿಎಂ ಎಡವಟ್ಟು
ಭಾರತಕ್ಕೆ ಮೂಡಿ ರೇಟಿಂಗ್ ಉನ್ನತೀಕರಣ ಮಾಡಿದ್ದು ರಾಷ್ಟ್ರವು ಜಾಗತಿಕ ಮನ್ನಣೆ ಗಳಿಸಿದೆ. ಇದರಿಂದಾಗಿ ಹಲವಾರು ಮಂದಿ ಸಂತಸಗೊಂಡಿದ್ದಾರೆ.
Published On :
ತಿರುವನಂತಪುರಂ: ಭಾರತಕ್ಕೆ ಮೂಡಿ ರೇಟಿಂಗ್ ಉನ್ನತೀಕರಣ ಮಾಡಿದ್ದು ರಾಷ್ಟ್ರವು ಜಾಗತಿಕ ಮನ್ನಣೆ ಗಳಿಸಿದೆ. ಇದರಿಂದಾಗಿ ಹಲವಾರು ಮಂದಿ ಸಂತಸಗೊಂಡಿದ್ದಾರೆ. ಆದರೆ ಕೇರಳ ಸಿಪಿಎಂ ಮುಖಂದರು ಇದನ್ನು ಸಹಿಸದೆ ಹೋಗಿದ್ದು ಅವರು ಮೂಡಿ ರೇಟಿಂಗ್ ನ್ನು ಟೀಕಿಸಲು ಹೋಗಿ ಭಾರೀ ಎಡವಟ್ಟು ಮಾಡಿಕೊಂಡಿದ್ದಾರೆ.
ಮೂಡಿ ರೇಟಿಂಗ್‌ನಲ್ಲಿ ಭಾರತಕ್ಕೆ ಉನ್ನತೀಕರಣ ದೊರಕಿರುವುದನ್ನು ತಪ್ಪಾಗಿ ಗ್ರಹಿಸಿದ ಕೇರಳ ಸಿಪಿಎಂ ಪಕ್ಷ ತನ್ನ ಫೇಸ್ ಬುಕ್ ಹಾಗೂ ಟ್ವಿಟ್ಟರ್ ಪೇಜಿನಲ್ಲಿ ಅದರ ವಿರುದ್ಧ ಟೀಕೆಗಳ ಸುರಿಮಳೆ ನಡೆಸಿದೆ. ಆದರೆ ಮೂಡೀಸ್ ಜಾಗತಿಕ ರೇಟಿಂಗ್ ಸಂಸ್ಥೆಯನ್ನು ಟೀಕಿಸಲು ಹೋದ ಸಿಪಿಎಂ ಅದರ ಬದಲಿಗೆ ಆಸ್ಟ್ರೇಲಿಯಾದ ಕ್ರಿಕೆಟಿಗ ಟಾಮ್ ಮೂಡಿ ಅವರನ್ನು ಟೀಕಿಸಿದ್ದಾರೆ!
"ಭಾರತದ ಆರ್ಥಿಕತೆಯ ಬಗೆಗೆ ತಿಳಿದುಕೊಳ್ಳದ ಮೂಡಿ ಬಾರತ್ಕ್ಕೆ ರೇಟಿಂಗ್ ನೀಡಿರುವುದು ಸರಿಯಿಲ್ಲ, ಇಂತಹಾ ರೇಟಿಂಗ್ ನೀಡಿದ ನೀನು ಕೇರಳಕ್ಕೆ ಬಂದರೆ ಸರಿಯಾಗಿ ವಿಚಾರಿಸಿಕೊಳ್ಳುತ್ತೇವೆ" ಎಂದು ಪುಂಖಾನುಪುಂಖವಾಗಿ ಕ್ರಿಕೆಟಿಗ ಮೂಡಿ ವಿರುದ್ಧ ಹರಿಹಾಯ್ದಿದ್ದಾರೆ.
ಇನ್ನೂ ಕೆಲವರು ಮೂಡಿ, "ಪ್ರಧಾನಿ ಮೋದಿಯವರಿಂದ ಲಂಚ ಪಡೆದು ಭಾರತಕ್ಕೆ ರೇಟಿಂಗ್ ನೀಡಿದ್ದಾರೆ" ಎಂದು ದೂಷಿಸಿದ್ದಾರೆ.
ಪಕ್ಷದ ಸಾಮಾಜಿಕ ಜಾಲತಾಣ ಉಸ್ತುವಾರಿ ವಹಿಸಿಕೊಂಡಿರುವ ಕೆಲವು ಯುವ ಕಾರ್ಯಕರ್ತರು ಈ ರೀತಿಯ ಎಡವಟ್ಟುಗಳನ್ನು ಮಾಡಿದ್ದು ಇದರಿಂದ ಬೇಸತ್ತ ಕೆಲವು ಮಲಯಾಳಿ ಪೇಸ್ ಬುಕ್ ಬಳಕೆದಾರರು ಕ್ರಿಕೆಟಿಗ ಟಾಮ್ ಮೂಡಿ ಅವರಲ್ಲಿ ಕ್ಷಮೆ ಕೋರಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
KeralaಕೇರಳMoody\'s Investors ServiceKerala CPMTom MoodyMoody\'s international credit ratingಕೇರಳ ಸಿಪಿಎಂಮೂಡೀಸ್ ಇನ್ವೆಸ್ಟರ್ಸ್ ಸರ್ವಿಸ್ಟಾಮ್ ಮೂಡಿಮೂಡೀಸ್ ಅಂತರರಾಷ್ಟ್ರೀಯ ಕ್ರೆ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.