'ಅನ್ನದಾತ' ರೈತರ ಸರ್ವಾಂಗೀಣ ಅಭಿವೃದ್ದಿಗೆ ಕೇಂದ್ರ ಬದ್ಧ: ಪ್ರಧಾನಿ ಮೋದಿ

ಆಹಾರ ಸಂಸ್ಕರಣೆಯು ಪೌಷ್ಟಿಕಾಂಶ ಭದ್ರತೆಗೆ ಪರಿಹಾರವಾಗಿದ್ದು, ನಮ್ಮಲ್ಲಿರುವ ಧಾನ್ಯಗಳು ಹೆಚ್ಚು ಪೌಷ್ಟಿಕಾಂಶಗಳನ್ನು ಹೊಂದಿದೆ. ಇದು ನಮ್ಮ ರೈತರ ಆದಾಯಗಳನ್ನು ಹೆಚ್ಚಿಸಲಿದೆ. ಆಹಾರ ಸಂಸ್ಕರಣೆಯು ಭಾರತದ ಜೀವನ ವಿಧಾನವಾಗಿದ್ದು, ಧಾನ್ಯಗಳನ್ನು ಸುಲಭ ಹಾಗೂ ಗೃಹ ಆಧಾರಿತ ತಂತ್ರಗಳಿಂದ ತಯಾರು ಮಾಡಲಾಗುತ್ತಿದೆ. 

ಆರ್ಥಿಕತೆಯಲ್ಲಿ ಭಾರತ ವಿಶ್ವದಲ್ಲಿಯೇ ಪ್ರಬಲವಾಗಿ ಬೆಳೆಯುತ್ತಿರುವ ದೇಶವಾಗಿದ್ದು, ಸರಕು ಮತ್ತು ಸೇವಾ ತೆರಿಗೆಯಂತಹ ನಿರ್ಧಾರಗಳು ಬಹುಸಂಖ್ಯೆಯ ತೆರಿಗೆಗಳನ್ನು ತೊಡೆದು ಹಾಕುತ್ತಿದೆ. 

ವಿಶ್ವ ಬ್ಯಾಂಕ್ ಪ್ರಕಟಿಸಿರುವ ಈಸ್ ಆಫ್ ಡೂಯಿಂಗ್ ಬಿಸಿನೆಸ್ ಸೂಚ್ಯಂಕದಲ್ಲಿ ಭಾರತ 30ಸ್ಥಾನ ಮೇಲಕ್ಕೇರಿ 100ನೇ ಸ್ಥಾನದಲ್ಲಿ ನೆಲೆನಿಂತಿದೆ. 2016ರ ಗ್ರೀನ್'ಫೀಲ್ಡ್ ಹೂಡೆಕೆಯಲ್ಲಿ ಭಾರತ ಮೊದಲ ಸ್ಥಾನದಲ್ಲಿದೆ. ಇಲ್ಲದೆ, ಜಾಗತಿಕ ಆವಿಷ್ಕಾರಿ ಸೂಚ್ಯಂಕ, ಜಾಗತಿಕ ವ್ಯವಸ್ಥಾಪನಾ ಸೂಚ್ಯಂಕ ಹಾಗೂ ಜಾಗತಿಕ ಸ್ಪರ್ಧಾತ್ಮಕ ಸೂಚ್ಯಂಕದಲ್ಲಿಯೂ ಭಾರತ ಸಾಕಷ್ಟು ಪ್ರಗತಿಯನ್ನು ಕಾಣುತ್ತಿದೆ. ಖಾಸಗಿ ವಲಯಗಳ ಪಾಲ್ಗೊಳ್ಳುವಿಕೆ ಕೂಡ ಹೆಚ್ಚಳವಾಗಿದ್ದು, ಕರಾವಳಿ ಕೃಷಿ ಹಾಗೂ ಕಚ್ಚಾ ವಸ್ತುಗಳ ಸಂಗ್ರಹಣೆ, ಕೃಷಿ ಸಂಪರ್ಕಗಳಿಗೆ ಮತ್ತಷ್ಟು ಹೂಡಿಕೆಯ ಅಗತ್ಯವಿದೆ. ಜಾಗತಿಕ ಕೊಂಡಿಗೆ 'ವರ್ಲ್ಡ್ ಪುಡ್ ಇಂಡಿಯಾ-2017' ಉತ್ಸವ ಉತ್ತಮವಾದ ವೇದಿಕೆಯಾಗಿದೆ ಎಂದಿದ್ದಾರೆ.