ಯೋಧರ ಕುರಿತು ಕೀಳುಮಟ್ಟದ ಹೇಳಿಕೆ: ಅಖಿಲೇಶ್ ವಿರುದ್ಧ ಬಿಜೆಪಿ ಕಿಡಿ
ಗುಜರಾತ್ ರಾಜ್ಯದ ಯೋಧರೇಕೆ ಹುತಾತ್ಮರಾಗಿಲ್ಲ ಎಂಬ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ಅವರ ಕೀಳುಮಟ್ಟದ ಹೇಳಿಕೆಗೆ ಬಿಜೆಪಿ ಗುರುವಾರ ಕಿಡಿಕಾರಿದೆ...
Published On :
ಲಖನೌ: ಗುಜರಾತ್ ರಾಜ್ಯದ ಯೋಧರೇಕೆ ಹುತಾತ್ಮರಾಗಿಲ್ಲ ಎಂಬ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ಅವರ ಕೀಳುಮಟ್ಟದ ಹೇಳಿಕೆಗೆ ಬಿಜೆಪಿ ಗುರುವಾರ ಕಿಡಿಕಾರಿದೆ.
ಈ ಕುರಿತಂತೆ ಮಾತನಾಡಿರುವ ಬಿಜೆಪಿ ನಾಯಕ ನಳಿನ್ ಕೊಹ್ಲಿಯವರು, ಅಖಿಲೇಶ್ ಅವರ ಸಣ್ಣತನದ ಹೇಳಿಕೆಯನ್ನು ನೀಡಿದ್ದು, ಇದು ನಿಜಕ್ಕೂ ದುರಾದೃಷ್ಟಕರ. ಉತ್ತರಪ್ರದೇಶ ಚುನಾವಣೆಯಲ್ಲಿ ಸೋಲು ಕಂಡ ಬಳಿಕ ಅಖಿಲೇಶ್ ಅವರು ಈಗಲೂ ಖಿನ್ನತೆ ಅಥವಾ ಆಘಾತದಲ್ಲಿಯೇ ಇದ್ದಾರೆಂದು ಎನಿಸುತ್ತಿದೆ. ದೇಶಕ್ಕಾಗಿ ಯೋಧರು ಪಡುತ್ತಿರುವ ಶ್ರಮ ಹಾಗೂ ಶೂರತೆಯನ್ನು ಧಾರ್ಮಿಕ ಸಾಲಿನಲ್ಲಿ ನಿಲ್ಲಿಸಿ ಒಡೆಯುತ್ತಿರುವುದು ನಿಜಕ್ಕೂ ಖಂಡನೀಯ ಎಂದು ಹೇಳಿದ್ದಾರೆ.
ನಿನ್ನೆಯಷ್ಟೇ ಮೋದಿಯವರನ್ನು ಟೀಕಿಸು ಭರದಲ್ಲಿ ಅಖಿಲೇಶ್ ಯಾದವ್ ಅವರು ವಿವಾದಾತ್ಮಕ ಹೇಳಿಕೆಯೊಂದನ್ನು ನೀಡಿದ್ದರು. ಉತ್ತರಪ್ರದೇಶ, ಮಧ್ಯಪ್ರದೇಶ, ದಕ್ಷಿಣ ಭಾರತ ಮತ್ತು ಭಾರತದ ಇತರೆ ರಾಜ್ಯಗಳ ಯೋಧರು ಹುತಾತ್ಮರಾಗಿದ್ದಾರೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಗುಜರಾತ್ ರಾಜ್ಯದ ಯಾವೊಬ್ಬ ಯೋಧನಾದರೂ ಹುತಾತ್ಮನಾಗಿದ್ದಾನೆಯೇ ಹೇಳಿ... ಎಂದು ಪ್ರಶ್ನಿಸಿದ್ದರು.
ಪ್ರಧಾನಮಂತ್ರಿ ನರೇಂದ್ರ ಮೋದಿಯವರನ್ನು ಟೀಕಿಸುವ ಭರದಲ್ಲಿ ಸಂತುಲನ ಕಳೆದುಕೊಂಡಂತೆ ಕಂಡು ಬಂದ ಅಖಿಲೇಶ್ ಅವರು ಮೋದಿ ಅವರ ತವರು ರಾಜ್ಯವಾದ ಗುಜರಾತ್ ಕೊಡುಗೆ ಪ್ರಶ್ನಿಸುವಾಗ ಈ ಅವಾಂತರ ಸೃಷ್ಟಿಸಿಕೊಂಡರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
bjpಬಿಜೆಪಿcontroversyವಿವಾದAkhilesh Yadavಅಖಿಲೇಶ್ ಯಾದವ್No Martyr From Gujaratಗುಜರಾತ್ ನ ಯಾವುದೇ ಯೋಧ ಹುತಾತ್ಮನಾಗಿಲ್ಲ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.