ಗೋವಾ ಜನತೆಗೆ ಮೋಸ ಮಾಡಿದ್ದಕ್ಕೆ ಪರಿಕ್ಕರ್ ಕ್ಷಮೆಯಾಚಿಸಬೇಕು: ದಿಗ್ವಿಜಯ್ ಸಿಂಗ್

ನವದೆಹಲಿ: ಗೋವಾ ರಾಜ್ಯ ಜನತೆಗೆ ಮೋಸ ಮಾಡಿದ್ದಕ್ಕೆ ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಅವರು ಕ್ಷಮೆಯಾಚಿಸಬೇಕೆಂದು ಕಾಂಗ್ರೆಸ್ ಹಿರಿಯ ನಾಯಕ ದಿಗ್ವಿಜಯ್ ಸಿಂಗ್ ಅವರು ಶನಿವಾರ ಹೇಳಿದ್ದಾರೆ. 

ನಿನ್ನೆಯಷ್ಟೇ ಶೂನ್ಯ ಅವಧಿಯಲ್ಲಿ ರಾಜ್ಯಸಭೆಗೆ ಹಾಜರಾಗಿದ್ದ ಪರಿಕ್ಕರ್ ಅವರು, ಗೋವಾ ವಿಧಾನಸಭಾ ಚುನಾವಣೆಯಲ್ಲಿ ಹೆಚ್ಚಿನ ಸೀಟ್ ಗಳನ್ನು ಗೆದ್ದರೂ ಸರ್ಕಾರ ರಚಿಸುವಲ್ಲಿ ವಿಫಲರಾದ ಕಾಂಗ್ರೆಸ್ ಹಿರಿಯ ನಾಯಕ ದಿಗ್ವಿಜಯ್ ಸಿಂಗ್ ಅವರಿಗೆ ಧನ್ಯವಾದಗಳನ್ನು ಹೇಳಿದ್ದರು. 

ಈ ಹಿನ್ನಲೆಯಲ್ಲಿ ಪರಿಕ್ಕರ್ ವಿರುದ್ಧ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ತೀವ್ರವಾಗಿ ಕಿಡಿಕಾರಿರುವ ದಿಗ್ವಿಜಯ್ ಸಿಂಗ್ ಅವರು, ಗೋವಾ ಜನತೆಗೆ ಮೋಸ ಮಾಡಿದ್ದಕ್ಕೆ ನಿಮಗೆ ನಾಚಿಕೆಯಾಗಬೇಕು ಪರಿಕ್ಕರ್. ನಿಮಗೆ ಅಧಿಕಾರದ ಹಸಿವು ಹೆಚ್ಚಾಗಿದೆ. ಗೋವಾ ಜನತೆಗೆ ಮೋಸ ಮಾಡಿದ್ದಕ್ಕೆ ಕ್ಷಣೆಯಾಚಿಸಿ. ಪರಿಕ್ಕರ್ ನಿಜಕ್ಕೂ ಧನ್ಯವಾದ ಹೇಳಬಯಸುವುದೇ ಆದರೆ, ಕೇಂದ್ರ ಸಚಿವ ನಿತಿನ್ ಗಡ್ಕರಿಯವರಿಗೆ ಹೇಳಲಿ. ಏಕೆಂದರೆ, ಮಾರ್ಚ್ 12ರಂದು ಗೋವಾದ ಹೋಟೆಲ್ ನಲ್ಲಿ ಅಕ್ರಮಣಕಾರಿ ಮನೋಭಾವವುಳ್ಳ ಶಾಸಕರನ್ನು ಖರೀದಿ ಮಾಡಿದ್ದರು. ಹೀಗಾಗಿ ಗಡ್ಕರಿಯವರಿಗೆ ಪರಿಕ್ಕರ್ ಧನ್ಯವಾದ ಹೇಳಬೇಕು. 

ಗೋವಾ ರಾಜ್ಯಪಾಲರು . ಸರ್ಕಾರಿ ಆಯೋಗದ ಮಾರ್ಗಸೂಚಿಗಳು, ಸುಪ್ರೀಂಕೋರ್ಟ್ ಹಾಗೂ  ಸಂವಿಧಾನವನ್ನು ಉಲ್ಲಂಘನೆ ಮಾಡಿದ್ದಾರೆ. ಗೋವಾ ಜನಾದೇಶವನ್ನು ಲೂಟಿ ಮಾಡಿದ್ದಾರೆಂದು ತಿಳಿಸಿದ್ದಾರೆ.