ದಶಕಗಳ ಕನಸು ನನಸು: ಯೋಧರಿಗೆ ಅಂತೂ ಬಂತು ಗುಂಡು ನಿರೋಧಕ ಹೆಲ್ಮೆಟ್
ದೇಶಕ್ಕಾಗಿ ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು ಹೋರಾಡುವ ಭಾರತೀಯ ಸೈನಿಕರ ದಶಕಗಳ ಕನಸು ಅಂತೂ ನನಸಾಗಿದ್ದು, ಸೇನಗೆ ಗುಂಡು ನಿರೋಧಕ ಶಿರಸ್ತ್ರಾಣಗಳನ್ನು ಒದಗಿಸಲಾಗಿದೆ...
Published On :
ನವದೆಹಲಿ: ದೇಶಕ್ಕಾಗಿ ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು ಹೋರಾಡುವ ಭಾರತೀಯ ಸೈನಿಕರ ದಶಕಗಳ ಕನಸು ಅಂತೂ ನನಸಾಗಿದ್ದು, ಸೇನಗೆ ಗುಂಡು ನಿರೋಧಕ ಶಿರಸ್ತ್ರಾಣಗಳನ್ನು ಒದಗಿಸಲಾಗಿದೆ.
ಈವರೆಗೆ ಸೇರ್ಪಡೆಗೊಳ್ಳುವ ಯೋಧರಿಗೆ ಪಟಕಾ ಮಾದರಿಯ ಹೆಲ್ಮೆಟ್ ಗಳನ್ನು ನೀಡಲಾಗುತ್ತಿತ್ತು. ಇವು ಹಣೆ ಮತ್ತು ಹಿಂಭಾಗಕ್ಕೆ ಮಾತ್ರ ರಕ್ಷಣೆ ನೀಡುತ್ತಿದ್ದವು. ಮೇಲಾಗಿ 2.5 ಕೆಜಿ ತೂಕ ಹೊಂದಿದ್ದ ಇವುಗಳನ್ನು ಹಾಕಿಕೊಳ್ಳುವುದು ಯೋಧರಿಗೆ ಭಾರವಾಗಿ ಪರಿಣಮಿಸುತ್ತಿತ್ತು.
ಹೀಗಾಗಿ ಕಡಿಮೆ ತೂಕದ ಹಾಗೂ ಗುಂಡು ನಿರೋಧಕ ಶಿರಸ್ತ್ರಾಣಗಳನ್ನು ನೀಡಬೇಕೆಂದು ಯೋಧರು ಹಲವು ವರ್ಷಗಳಿಂದಲೂ ಸರ್ಕಾರದ ಮುಂದೆ ಬೇಡಿಕೆ ಇಟ್ಟಿದ್ದರು.
ಇದರಂತೆ ಯೋಧರ ದಶಕಗಳ ಕನಸು ಇದೀಗ ನಿಜವಾಗಿದ್ದು, ಕಾನ್ಪುರ ಮೂಲದ ಕಂಪನಿಯೊಂದಕ್ಕೆ ರೂ.1.6 ಲಕ್ಷ ಹೆಲ್ಮೆಟ್ ತಯಾರಿಸಲು ಈ ವರ್ಷದ ಅಂತ್ಯದಲ್ಲಿ ಗುತ್ತಿಗೆ ನೀಡಲಾಗಿತ್ತು. ಎಂಕೆಯು ಲಿಮಿಟೆಡ್ ಎಂಬ ಈ ಕಂಪನಿ ಈಗ ಹೆಲ್ಮೆಟ್ ಗಳ ಮೊದಸ ದಾಸ್ತಾನನ್ನು ಸೇನೆಗೆ ಹಸ್ತಾಂತರಿಸಿದೆ.
ತೀರಾ ಹತ್ತಿರದಿಂದ ಹಾರಿಸುವ 9ಎಂಎಂ ಗುಂಡುಗಳನ್ನು ತಾಳಿಕೊಳ್ಳುವ ಸಾಮರ್ಥ್ಯ ಈ ಶಿರಸ್ತ್ರಾಣಗಳಿವೆ ಎಂದು ವರದಿಗಳು ತಿಳಿಸಿವೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ModiIndian Armyಕೇಂದ್ರ ಸರ್ಕಾರCentre governmentಭಾರತೀಯ ಸೇನೆಮೋದಿBullet-proof helmetsಗುಂಡು ನಿರೋಧಕ ಹೆಲ್ಮೆಟ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.