ಜುಲೈ 1ರಿಂದ ಜಿಎಸ್‌ಟಿ ಜಾರಿ ಹಿನ್ನೆಲೆ 66 ಅಗತ್ಯ ವಸ್ತುಗಳ ತೆರಿಗೆ ದರ ಕಡಿತ
ಜುಲೈ 1ರಿಂದ ದೇಶಾದ್ಯಂತ ಏಕರೂಪ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ದರ ಜಾರಿಗೆ ಬರಲಿದ್ದು ಈ ಹಿನ್ನೆಲೆಯಲ್ಲಿ ನಡೆದ ಕೌನ್ಸಿಲ್ ಸಭೆಯಲ್ಲಿ ಕೇಂದ್ರ ಮತ್ತು ರಾಜ್ಯ...
Published On :
ಜುಲೈ 1ರಿಂದ ದೇಶಾದ್ಯಂತ ಏಕರೂಪ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ದರ ಜಾರಿಗೆ ಬರಲಿದ್ದು ಈ ಹಿನ್ನೆಲೆಯಲ್ಲಿ ನಡೆದ ಕೌನ್ಸಿಲ್ ಸಭೆಯಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರ ಕೆಲ ಅಗತ್ಯ 66 ವಸ್ತುಗಳ ತೆರಿಗೆ ದರವನ್ನು ಕಡಿಮೆ ಮಾಡಿದೆ.
ಉಪ್ಪಿನಕಾಯಿ ಮತ್ತು ಸಾಸಿವೆ ಸಾಸು ಸೇರಿದಂತೆ ಕೆಲವು ಅಡುಗೆ ವಸ್ತುಗಳು ಮತ್ತು ಸಿನಿಮಾ ಟಿಕೆಟ್ ದರ ಕಡಿಮೆಯಾಗಲಿದೆ. ಟಿಕೆಟ್ ದರ 100 ರುಪಾಯಿಯೊಳಗಿದ್ದರೆ ಶೇಕಡ 28ರ ಬದಲಿಗೆ ಶೇಕಡ 18ರಂದು ತೆರಿಗೆ ದರ ವಿಧಿಸಲಾಗುತ್ತದೆ. 100 ರುಪಾಯಿಗಿಂತ ಹೆಚ್ಚಿದ್ದರೆ ಎಂದಿನಂತೆ ಶೇಕಡ 28ರಷ್ಟು ತೆರಿಗೆ ಅನ್ವಯವಾಗಲಿದೆ.
ಕೆಲವು ಅಡುಗೆ ವಸ್ತುಗಳಾದ ಉಪ್ಪಿನಕಾಯಿ ಮತ್ತು ಸಾಸಿವೆ ಸಾಸು ಮೇಲಿನ ಈ ಹಿಂದಿನ ಇದ್ದ ತೆರಿಗೆ ದರ ಶೇಕಡ 18ರಷ್ಟಿದ್ದು ಇದೀಗ ಅದನ್ನು ಶೇಖಡ 12ಕ್ಕೆ ಇಳಿಸಲಾಗಿದೆ. ಇನ್ನು ಮಕ್ಕಳ ಡ್ರಾಯಿಂಗ್ ಬುಕ್ಸ್ ಮೇಲಿನ ತೆರಿಗೆ ದರವನ್ನು ಶೇಖಡ 12ಕ್ಕೆ ಇಳಿಸಲಾಗಿದೆ. ಕಂಪ್ಯೂಟರ್ ಪ್ರಿಂಟರ್ಸ್ ಮೇಲಿನ ತೆರಿಗೆ ದರವನ್ನು ಶೇಕಡ 28ರಿಂದ 18ಕ್ಕೆ ಇಳಿಸಲಾಗಿದೆ.
ವ್ಯಾಪಾರಿಗಳು, ತಯಾರಕರು ಮತ್ತು ರೆಸ್ಟೋರೆಂಟ್ ಮಾಲೀಕರು 75 ಲಕ್ಷ ರುಪಾಯಿ ವಹಿವಾಟು ನಡೆಸಿದ್ದರಂತೆ ಅಂತವರಿಗೆ ಸಂಯೋಜನೆ ಯೋಜನೆಯಡಿ ಶೇಖಡ 1,2 ಮತ್ತು 5ರಷ್ಟು ಕಡಿಮೆ ಮಾಡಲು ಜಿಎಸ್‌ಟಿ ಕೌನ್ಸಿಲ್ ನಿರ್ಧರಿಸಿದೆ.
ಮುಂದಿನ ಕೌನ್ಸಿಲ್ ಸಭೆ ಜೂನ್ 18ರಂದು ನಡೆಯಲಿದ್ದು ಅಂದು ಲಾಟರಿ ತೆರಿಗೆ ಮತ್ತು ಇ-ವೇ ಬಿಲ್ ಗಳ ಮೇಲಿನ ತೆರಿಗೆ ದರವನ್ನು ನಿರ್ಣಯಿಸಲಾಗುವುದು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.