ದೆಹಲಿಯಲ್ಲಿ ರನ್ ವೇ ಬಿಟ್ಟು ಟ್ಯಾಕ್ಸಿ ವೇಗೆ ನುಗ್ಗಿದ ಇಂಡಿಗೋ ವಿಮಾನ
ವಿಶಾಖಪಟ್ಟಣಂ ಮೂಲದ ಇಂಡಿಗೋ ವಿಮಾನ ನಿಗದಿತ ರನ್ ವೇ ಬಿಟ್ಟು ಟ್ಯಾಕ್ಸಿ ವೇಗೆ ನುಗ್ಗಿದ ಘಟನೆ ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ...
Published On :
ನವದೆಹಲಿ: ವಿಶಾಖಪಟ್ಟಣಂ ಮೂಲದ ಇಂಡಿಗೋ ವಿಮಾನ ನಿಗದಿತ ರನ್ ವೇ ಬಿಟ್ಟು ಟ್ಯಾಕ್ಸಿ ವೇಗೆ ನುಗ್ಗಿದ ಘಟನೆ ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬುಧವಾರ ನಡೆದಿದ್ದು, ಅದೃಷ್ಟವಶಾತ್ ಯಾವುದೇ ಅಪಾಯ ಸಂಭವಿಸಿಲ್ಲ.
ಇಂದು ಬೆಳಗ್ಗೆ 5.40ಕ್ಕೆ ಈ ಘಟನೆ ನಡೆದಿದ್ದು, ನಾಗರಿಕ ವಿಮಾನಯಾನ ನಿರ್ದೇಶನಾಲಯ ತನಿಖೆಗೆ ಆದೇಶಿಸಿದೆ. ಈ ಘಟನೆಯಿಂದಾಗಿ ಹಲವು ವಿಮಾನಗಳ ಹಾರಾಟದಲ್ಲಿ ವ್ಯತ್ಯಯ ಉಂಟಾಗಿದ್ದು, ಕೆಲವು ವಿಮಾನಗಳ ದಿಕ್ಕನ್ನು ಬದಲಿಸಲಾಗಿದೆ.
ಟ್ಯಾಕ್ಸಿಗೆ ಅನುಮತಿ ನೀಡಲಾಗಿದ್ದ ಸಿ ಲೇನ್ ನಲ್ಲಿ ನವದೆಹಲಿ- ವಿಶಾಖಪಟ್ಟಣಂ ಇಂಡಿಗೋ ವಿಮಾನ 6ಇ 719 ಇಳಿದಿದೆ. ಈ ವಿಮಾನ ನಿಗದಿತ ರನ್ ವೇ 28ರಲ್ಲಿ ಲ್ಯಾಂಡ್ ಆಗಬೇಕಿತ್ತು. ಆದರೆ ಅಲ್ಲಿ ಈಗಾಗಲೇ ಜೆಟ್ ಏರ್ ವೇಯ್ಸ್ ವಿಮಾನ ನಿಲ್ಲಿಸಿದ್ದರಿಂದ ವಿಮಾನದ ಪೈಲೆಟ್ ಟ್ಯಾಕ್ಸಿ ವೇ ನಲ್ಲಿ ಇಳಿಸಿದ್ದಾರೆ ಎಂದು ವಿಮಾನ ನಿಲ್ದಾಣದ ಮೂಲಗಳು ತಿಳಿಸಿವೆ.
ಇನ್ನು ಘಟನೆಗೆ 'ಅಸ್ಪಷ್ಟ ಗೋಚರತೆ'ಯೇ ಕಾರಣ ಎಂದು ಇಂಡಿಗೋ ತಿಳಿಸಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.