ನನ್ನ ಆರೋಗ್ಯ ಸ್ಥಿರವಾಗಿದೆ, ಕೆಲವರು ಉದ್ದೇಶಪೂರ್ವಕವಾಗಿ ವದಂತಿ ಹಬ್ಬಿಸುತ್ತಿದ್ದಾರೆ: ಪರಿಕ್ಕರ್

ಪಣಜಿ: ಆಗಸ್ಟ್ 23 ರಂದು ಉಪ ಚುನಾವಣೆ ಇರುವುದರಿಂದ ಕೆಲವು ಪಟ್ಟಭದ್ರ ಹಿತಾಸಕ್ತಿಗಳು ಉದ್ದೇಶ ಪೂರ್ವಕವಾಗಿ  ನನ್ನ ಆರೋಗ್ಯದ ಬಗ್ಗೆ ಸುಳ್ಳು ವದಂತಿಗಳನ್ನು ಹರಡುತ್ತಿದ್ದಾರೆ ಎಂದು ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಸ್ಪಷ್ಟ ಪಡಿಸಿದ್ದಾರೆ.

ಇತ್ತಿಚೆಗೆ ಅಂಜಿಯೋ ಪ್ಲಾಸ್ಟಿ ಮೂಲಕ ಸಣ್ಣ ಬ್ಲಾಕ್ ವೊಂದಕ್ಕೆ ಚಿಕಿತ್ಸೆ ಪಡೆಯಲಾಗಿತ್ತು, ನಾನು ಪ್ರತಿದಿನ ಚೆಕ್ ಅಪ್ ಗಾಗಿ ಹೋಗುತ್ತಿದ್ದೇನೆ. ಎಂಟು ಹತ್ತು ವರ್ಷಗಳ ಹಿಂದೆ ನನಗೆ ಆಂಜಿಯೋಪ್ಲಾಸ್ಟಿ ಮಾಡಲಾಗಿತ್ತು, ಅದಕ್ಕಾಗಿ ನಾನು ರೆಗ್ಯುಲರ್ ಚೆಕ್ ಅಪ್ ಗಾಗಿ ತೆರಳಿದ್ದೆ. ಸಣ್ಣದೊಂದು ಬ್ಲಾಕ್ ಇರುವುದಾಗಿ ವೈದ್ಯರು ಆಂಜಿಯೋಗ್ರಫಿ ಮಾಡಬೇಕೆಂದು ಹೇಳಿದ್ದರು. ಅದಾದ ಮೂರು ನಾಲ್ಕು ಗಂಟೆಗಳಲ್ಲಿ  ನಾನು ಆಸ್ಪತ್ರೆಯಿಂದ ಹೊರ ಬಂದೆ, ಅದೊಂದು ಸಣ್ಣ ಆರೋಗ್ಯ ಸಮಸ್ಯೆ, ಒಟ್ಟಾರೆ ನನ್ನ ಆರೋಗ್ಯ ಉತ್ತಮವಾಗಿದೆ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ನಾನು ನನ್ನ ದೇಹದ ತೂಕ ಕಡಿಮೆ ಮಾಡಿಕೊಂಡಿದ್ದೇನೆ, ನಾನು ದೆಹಲಿಯಲ್ಲಿದ್ದಾಗ 82 ಕೆಜಿಯಿದ್ದೆ. 8 ಕೆಜಿ ಅತಿಯಾದ ತೂಕವಿತ್ತು.  ಇಂದು ನಾನು 75 ಕೆಜಿ ಇದ್ದು, ನನ್ನ ಎತ್ತರಕ್ಕೆ ಸರಿಯಾದ ತೂಕ ಹೊಂದಿದ್ದೇನೆ, ಯಾರು ಈ ಬಗ್ಗೆ  ಚಿಂತೆ ಮಾಡಬಾರದು, ನನ್ನ ಆರೋಗ್ಯದ ಬಗ್ಗೆ ನಾನು ಗಮನ ವಹಿಸುತ್ತೇನೆ ಎಂದು ಹೇಳಿದ್ದಾರೆ,

ವಿದ್ಯಾರ್ಥಿಗಳೊಂದಿಗೆ ನಡೆದ ಸಂವಾದದಲ್ಲಿ ಮಾತನಾಡಿದ ಅವರು, ನಮಗೆ ಚಬ್ಬಿ ಯಾಗಿರುವ ಮಕ್ಕಳು ತುಂಬಾ ಇಷ್ಟವಾಗುತ್ತಾರೆ, ಆದರೆ ಅಂತವರು ಆರೋಗ್ಯವಾಗಿರಬೇಕು, ಕೆಲ ಮಕ್ಕಳ ಟಮೋಟೋ ರೀತಿ ಚೆನ್ನಾಗಿರುತ್ತಾರೆ, ಅದರೆ ಅವರು ಆರೋಗ್ಯ ವಂತರಾಗಿರುವುದಿಲ್ಲ ಎಂದು ಪರಿಕ್ಕರ್ ಹೇಳಿದ್ದಾರೆ.