ಕಾರು ಅಪಘಾತದಲ್ಲಿ ಪತಿ ಸತ್ತ ಸುದ್ದಿಯನ್ನು ಬ್ರೇಕಿಂಗ್ ನ್ಯೂಸ್ ಆಗಿ ಓದಿದ ನಿರೂಪಕಿ!
ಸ್ವಲ್ಪವೂ ವಿಚಲಿತರಾಗದೇ ಕಾರು ಅಪಘಾತದಲ್ಲಿ ಪತಿಯ ಸಾವಿನ ಸುದ್ದಿಯನ್ನು ಬ್ರೇಕಿಂಗ್ ನ್ಯೂಸ್ ಆಗಿ ನಿರೂಪಕಿಯೊಬ್ಬರು ವಾಚಿಸಿದ್ದಾರೆ....
Published On :
ಛತ್ತೀಸ್ ಗಢ: ಸ್ವಲ್ಪವೂ ವಿಚಲಿತರಾಗದೇ ಕಾರು ಅಪಘಾತದಲ್ಲಿ ಪತಿಯ ಸಾವಿನ ಸುದ್ದಿಯನ್ನು ಬ್ರೇಕಿಂಗ್ ನ್ಯೂಸ್ ಆಗಿ ನಿರೂಪಕಿಯೊಬ್ಬರು ವಾಚಿಸಿದ್ದಾರೆ.
ಇಂದು ಬೆಳಗ್ಗೆ ಘಟನೆ ನಡೆದಿದ್ದು, ಕಾರು ಅಪಘಾತದಲ್ಲಿ ನಿರೂಪಕಿ ಸುಪ್ರೀತ್ ಕೌರ್ ಅವರ ಪತಿ ಸಾವನ್ನಪ್ಪಿದ್ದಾರೆ.
ಇಂಥದ್ದೊಂದು ಮನಕಲಕುವ ಘಟನೆ ನಡೆದದ್ದು ಛತ್ತೀಸ್‌ಗಢದಲ್ಲಿ. ಅಲ್ಲಿನ ಪ್ರಸಿದ್ಧ ಖಾಸಗಿ ಸುದ್ದಿವಾಹಿನಿ ಐಬಿಸಿ–24ರ ನಿರೂಪಕಿ ಸುಪ್ರೀತ್ ಕೌರ್ ಅವರೇ ಪತಿ ಮೃತಪಟ್ಟದ್ದನ್ನು ಬ್ರೇಕಿಂಗ್ ನ್ಯೂಸ್ ಆಗಿ ಓದಿ ಹೇಳಿದ ನತದೃಷ್ಟೆ.
ತಾನು ಕಾರ್ಯನಿರ್ವಹಿಸುವ ಸುದ್ದಿವಾಹಿನಿಯಲ್ಲಿ ಎಂದಿನಂತೆ ಶನಿವಾರ ಬಳಿಗ್ಗೆ ಸುದ್ದಿ ವಾಚಿಸುತ್ತಿದ್ದರು. ಅಷ್ಟರಲ್ಲಿ ವರದಿಗಾರರೊಬ್ಬರು ದೂರವಾಣಿ ಕರೆ ಮಾಡಿ ಕಾರು ಅಪಘಾತದ ಬ್ರೇಕಿಂಗ್ ಸುದ್ದಿ ನೀಡಿದರು. ರೆನಾಲ್ಟ್ ಡಸ್ಟರ್ ಕಾರು ಅಪಘಾತಕ್ಕೀಡಾಗಿರುವುದಾಗಿಯೂ ಅಪಘಾತದಲ್ಲಿ ಮೂವರು ಮೃತಪಟ್ಟಿರುವುದಾಗಿಯೂ ತಿಳಿಸಿದರು. ಆ ಸುದ್ದಿಯನ್ನು ನಿರೂಪಕಿ ವಾಚಿಸಿದರು.
ಅಪಘಾತದ ಸಮಯ, ಮಾರ್ಗ, ಕಾರು, ಅದರಲ್ಲಿದ್ದ ಜನರ ವಿವರ ಎಲ್ಲವನ್ನೂ ತಿಳಿದುಕೊಂಡಾಗ ಅದು ತನ್ನ ಪತಿ ಚಲಿಸುತ್ತಿರುವ ಕಾರೇ ಎಂಬುದು ಕೌರ್‌ಗೆ ಗೊತ್ತಾಗಿದೆ. ಆದರೂ ಅವರು ಧೃತಿಗೆಡದೆ ತಮ್ಮ ಕರ್ತವ್ಯ ಪೂರೈಸಿದ್ದಾರೆ. ತದನಂತರ ನ್ಯೂಸ್ ರೂಂನಿಂದ ಹೊರ ಬಂದು ಬಂದುಗಳಿಗೆ ಕಾಲ್ ಮಾಡಿ ಪತಿಯ ಬಗ್ಗೆ ವಿಚಾರಿಸಿದ್ದಾರೆ. ಆಗ ಇತರೆ ಸಹದ್ಯೋಗಿಗಳು ಆಕೆಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
28 ವರ್ಷ ವಯಸ್ಸಿನ ಕೌರ್ ಅವರು ಐಬಿಸಿ-24 ಸುದ್ದಿವಾಹಿನಿಯಲ್ಲಿ ನಿರೂಪಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದು, ಕಳೆದ ವರ್ಷ ರಾಯಪುರದ ಹರ್ಷದ್ ಕಾವಡೆ ಅವರನ್ನು ವಿವಾಹವಾಗಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.