ಎಂಬ್ರೇಯರ್ ವಿಮಾನ ಖರೀದಿಯಲ್ಲಿ ಲಂಚ ಆರೋಪ; ತನಿಖೆ ಕುರಿತು ಪರಿಶೀಲನೆ ಎಂದ ಸಿಬಿಐ
ಬ್ರೆಜಿಲ್ ನ ಮೂರು ಎಂಬ್ರೇಯರ್ ವಿಮಾನಗಳನ್ನು ಖರೀದಿಸಲು 2008ರ ಯುಪಿಎ ಸರ್ಕಾರದ ಅವಧಿಯಲ್ಲಿ ಲಂಚ ...
Published On :
ನವದೆಹಲಿ: ಬ್ರೆಜಿಲ್ ನ ಮೂರು ಎಂಬ್ರೇಯರ್ ವಿಮಾನಗಳನ್ನು ಖರೀದಿಸಲು 2008ರ ಯುಪಿಎ ಸರ್ಕಾರದ ಅವಧಿಯಲ್ಲಿ ಲಂಚ ನೀಡಲಾಗಿತ್ತು ಎಂಬ ಆರೋಪಕ್ಕೆ ಸಂಬಂಧಪಟ್ಟಂತೆ ಸಿಬಿಐಗೆ ವಿಸ್ತಾರವಾದ ತನಿಖೆ ನಡೆಯುವಂತೆ ಕೇಂದ್ರ ಸರ್ಕಾರ ಸೂಚಿಸಿದೆ.
ವಿಮಾನದ ಒಪ್ಪಂದ ಕುರಿತು ಸಂಪೂರ್ಣ ದಾಖಲೆಗಳನ್ನು ಪರಿಶೀಲಿಸಿದ ನಂತರ ಉಲ್ಲೇಖಗಳನ್ನು ಬಳಸಿ ತನಿಖೆಗೆ ಮುಂದಾಗಲಾಗುವುದು ಎಂದು ಸಿಬಿಐ ಮೂಲಗಳು ತಿಳಿಸಿವೆ.
ಎಫ್ ಐಆರ್ ದಾಖಲಿಸಲು ಸಾಕಷ್ಟು ಪ್ರಮುಖ ಸಾಕ್ಷಿಗಳು ಇದೆ ಎಂದು ಗೊತ್ತಾದ ಮೇಲಷ್ಟೇ ತನಿಖೆ ಆರಂಭಿಸಲಾಗುವುದು, ಇಲ್ಲದಿದ್ದರೆ ದಾಖಲೆಗಳನ್ನೆಲ್ಲಾ ಸಂಗ್ರಹಿಸಿ ಕೇಸು ದಾಖಲಿಸಿಕೊಳ್ಳಲು ಪ್ರಾಥಮಿಕ ತನಿಖೆ ದಾಖಲಿಸಲಾಗುವುದು ಎಂದು ಸಿಬಿಐ ಹೇಳಿದೆ.
ಇದೊಂದು ಗಂಭೀರ ಆಪಾದನೆಯಾಗಿದ್ದು, ಸಿಬಿಐ ತನಿಖೆಗೆ ಆದೇಶಿಸಲಾಗುವುದು ಎಂದು ಸರ್ಕಾರ ಈಗಾಗಲೇ ತಿಳಿಸಿದೆ.
ಈ ಬಗ್ಗೆ ವಾರದ ಆರಂಭದಲ್ಲಿ ಹೇಳಿಕೆ ನೀಡಿದ್ದ ರಕ್ಷಣಾ ಸಚಿವ ಮನೋಹರ್ ಪರಿಕ್ಕರ್, ಇದರಲ್ಲಿ ಅಪರಾಧ ಹಿನ್ನೆಲೆಯಿದ್ದರೆ ಸಚಿವಾಲಯಕ್ಕೆ ತನಿಖೆ ನಡೆಸಲು ಸಾಧ್ಯವಿಲ್ಲದ ಕಾರಣ ಸಿಬಿಐ ತನಿಖೆ ನಡೆಸಲಿದೆ. ಕಾರ್ಯವಿಧಾನ ಸಮಸ್ಯೆಗಳು ಮಾತ್ರ ಒಳಗೊಂಡಿದ್ದರೆ ರಕ್ಷಣಾ ಸಚಿವಾಲಯ ಮಧ್ಯಂತರ ತನಿಖೆ ನಡೆಸಲಿದೆ ಎಂದು ಹೇಳಿದ್ದರು.
ಸುಮಾರು 208 ದಶಲಕ್ಷ ಡಾಲರ್ ಮೊತ್ತದ ಒಪ್ಪಂದದಲ್ಲಿ ಬ್ರೆಝಿಲ್ ನ ಘಟಕ ಲಂಚ ಸ್ವೀಕರಿಸಿದೆ ಎಂಬ ಅಮೆರಿಕದ ಕಾನೂನು ಇಲಾಖೆ ಅಧಿಕಾರಿಗಳ ಆರೋಪದಂತೆ ಡಿಆರ್ ಡಿಒ (ಭಾರತ ರಕ್ಷಣಾ ಸಂಸ್ಥೆ) ಪ್ರತ್ಯೇಕ ತನಿಖೆ ನಡೆಸುತ್ತಿದ್ದು ಅದಕ್ಕೆ ಪರ್ಯಾಯವಾಗಿ, ಅಗಸ್ಟಾವೆಸ್ಟ್ ಲಾಂಡ್ ಲಂಚ ಹಗರಣದ ತನಿಖೆ ನಡೆಸುತ್ತಿರುವ ಸಿಬಿಐ ವಿಶೇಷ ತಂಡ ಈ ಪ್ರಕರಣವನ್ನೂ ತನಿಖೆ ನಡೆಸಲಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.