ಅಸಹಾಯಕವಾಗಿರುವ ಬಿಜೆಪಿ ಸೀಮಿತ ದಾಳಿಯ ಸಾಕ್ಷ್ಯಾಧಾರ ಬಹಿರಂಗಪಡಿಸಬೇಕಿದೆ: ಸಲ್ಮಾನ್ ಖುರ್ಷಿದ್

ಫರ್ರುಖಾಬಾದ್: ಬಿಜೆಪಿ ಪ್ರಸ್ತುತ ಅಸಹಾಯ ಸ್ಥಿತಿಯಲ್ಲಿದ್ದು, ಉಗ್ರರ ನೆಲೆಗಳ ಮೇಲೆ ಸೇನೆ ನಡೆಸಿದ ಸೀಮಿತ ದಾಳಿ ಕುರಿತ ಸಾಕ್ಷ್ಯಾಧಾರಗಳನ್ನು ಬಹಿರಂಗಪಡಿಸಲೇಬೇಕಿದೆ ಎಂದು ವಿದೇಶಾಂಗ ಸಚಿವಾಲಯದ ಮಾಜಿ ಸಚಿವ ಸಲ್ಮಾನ್ ಖುರ್ಷಿದ್ ಅವರು ಗುರುವಾರ ಹೇಳಿದ್ದಾರೆ.

ಸೀಮಿತ ದಾಳಿ ಎಂದರೆ ಅರ್ಥ ಗುರಿ ಎಂದು, ಸೀಮಿತ ದಾಳಿ ಮುನ್ನ ನಾವು ಯಾರನ್ನು ಗುರಿ ಮಾಡಿರಲಿಲ್ಲ ಎಂದು ಬಿಜೆಪಿ ಹೇಳುತ್ತಿದೆ. ಆದರೆ, ಈ ಮಾತು ನಿಜಕ್ಕೂ ಆಶ್ಚರ್ಯವನ್ನುಂಟುಮಾಡುತ್ತಿದೆ. ಜವಾಬ್ದಾರಿಯುಳ್ಳವರಾರು ಈ ರೀತಿಯ ಮಾತುಕತೆಗಳಲ್ಲಿ ತೊಡಗಿಕೊಳ್ಳಬಾರದು ಎಂದು ಹೇಳಿದ್ದಾರೆ.

ಸರ್ಕಾರದ ಮೇಲೆ ಹಾಗೂ ನಮ್ಮ ಭಾರತೀಯ ಸೇನೆಯ ಮೇಲೆ ನನಗೆ ನಂಬಿಕೆಯಿದೆ. ಸೀಮಿತ ದಾಳಿ ನಡೆಸಿದ್ದೇವೆಂದು ನಮ್ಮ ಸೇನೆ ಒಮ್ಮೆ ಹೇಳಿದರೆ ಅಷ್ಟೇ ಸಾಕು. ಸೇನೆ ಮಾತಿಗಿಂತಲೂ ನಮಗೆ ಬೇರಾವುದೇ ರೀತಿಯ ಸಾಕ್ಷ್ಯಾಧಾರಗಳು ಬೇಕಿಲ್ಲ. ಈ ಬಗ್ಗೆ ಯಾವುದೇ ರೀತಿಯ ಪ್ರಶ್ನೆಗಳನ್ನೂ ನಾವು ಎತ್ತುವುದಿಲ್ಲ. ಪ್ರತೀಯೊಂದು ವಿಚಾರವನ್ನು ಬಹಿರಂಗಪಡಿಸಬೇಕಾದ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ.