ಪೋಷಕರ ಮನೆಯಲ್ಲಿ ವಾಸಿಸುವ ಕಾನೂನಾತ್ಮಕ ಹಕ್ಕು ಮಗನಿಗೆ ಇಲ್ಲ: ದೆಹಲಿ ಹೈಕೋರ್ಟ್
ತನ್ನ ವೈವಾಹಿಕ ಸ್ಥಾನಮಾನವನ್ನು ಪರಿಗಣಿಸದ ಪುತ್ರನಿಗೆ ಸ್ವಯಾರ್ಜಿತ ಪೋಷಕರ ಮನೆಯಲ್ಲಿ ವಾಸಿಸುವ ಕಾನೂನಾತ್ಮಕ ಹಕ್ಕು ಇಲ್ಲ....
Published On :
ನವದೆಹಲಿ: ತನ್ನ ವೈವಾಹಿಕ ಸ್ಥಾನಮಾನವನ್ನು ಪರಿಗಣಿಸದ ಪುತ್ರನಿಗೆ ಸ್ವಯಾರ್ಜಿತ ಪೋಷಕರ ಮನೆಯಲ್ಲಿ ವಾಸಿಸುವ ಕಾನೂನಾತ್ಮಕ ಹಕ್ಕು ಇಲ್ಲ. ಕೇವಲ ಅವರ ಅನುಕಂಪದ ಮೇಲೆ ವಾಸಿಸಬಹುದಾಗಿದೆ ಎಂದು ಮಂಗಳವಾರ ದೆಹಲಿ ಹೈಕೋರ್ಟ್ ಹೇಳಿದೆ.
ಸೌಹಾರ್ದ ಸಂಬಂಧ ಹೊಂದಿರುವವರೆಗೆ ಮಾತ್ರ ಪೋಷಕರ ಸ್ವಯಾರ್ಜಿತ ಮನೆಯಲ್ಲಿ ಮಗ ವಾಸಿಸಬಹುದಾಗಿದೆ. ಹಾಗಂತ ಜೀವನಪೂರ್ತಿ ಅವರಿಗೆ ಹೊರೆಯಾಗಬಾರದು ಎಂದು ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ.
ಮಗ ಮತ್ತ ಸೊಸೆಗೆ ಪೋಷಕರ ಮನೆ ಖಾಲಿ ಮಾಡುವಂತೆ ವಿಚಾರಣಾ ನ್ಯಾಯಾಲಯ ನೀಡಿದ್ದ ಆದೇಶ ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಮೇಲ್ಮನವಿ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಪ್ರತಿಭಾ ರಾಣಿ ಅವರು, ಆ ಮನೆ ಪೋಷಕರ ಸ್ವಯಾರ್ಜಿತ ಆಸ್ತಿಯಾಗಿದ್ದರೆ, ವಿವಾಹಿತ ಅಥವಾ ಅವಿವಾಹಿತ ಮಗ ಕೇವಲ ಅನುಕಂಪದ ಮೇಲೆ ಮಾತ್ರ ಅವರೊಂದಿಗೆ ವಾಸಿಸಬಹುದು. ಅದೂ ಪೋಷಕರ ಒಪ್ಪಿಗೆ ಇದ್ದರೆ ಮಾತ್ರ ಎಂದು ಹೇಳಿದ್ದಾರೆ.
ಪೋಷಕರಿಬ್ಬರೂ ಹಿರಿಯ ನಾಗರಿಕರಾಗಿದ್ದು, ಮಗನ ಮದುವೆಯ ನಂತರ ತಮ್ಮ ಜೀವನ ನರಕವಾಗಿದ್ದು, ಈ ಸಂಬಂಧ 2007ರಲ್ಲಿ ಪೊಲೀಸರಿಗೆ ದೂರು ನೀಡಿದ್ದೇವೆ. ಅಲ್ಲದೆ 2012ರಲ್ಲಿ ತಮ್ಮ ಸ್ವಯಾರ್ಜಿತ ಆಸ್ತಿಯಾದ ಮನೆಯನ್ನು ಬಿಟ್ಟು ಹೋಗುವಂತೆ ಸೂಚಿಸಿದ್ದೇವೆ. ಆದರೆ ಇದುವರೆಗೂ ಮನೆ ಖಾಲಿ ಮಾಡಿಲ್ಲ ಎಂದು ನೊಂದ ಪೋಷಕರು ಕೋರ್ಟ್ ಗೆ ತಿಳಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.