2000 ರು. ನಕಲಿ ನೋಟ್ ಜಾಲ ಬೇಧಿಸಿದ ಹೈದರಾಬಾದ್ ಪೊಲೀಸರು, 6 ಮಂದಿ ಬಂಧನ
ಕೇಂದ್ರ ಸರ್ಕಾರ ಇತ್ತೀಚಿಗಷ್ಟೇ ಬಿಡುಗಡೆ ಮಾಡಿರುವ 2000 ರುಪಾಯಿ ನೋಟ್ ಸೇರಿದಂತೆ ಇತರೆ ಭಾರತೀಯ ನೋಟ್ ಗಳನ್ನು ಮುದ್ರಿಸಿ...
Published On :
ಹೈದರಾಬಾದ್: ಕೇಂದ್ರ ಸರ್ಕಾರ ಇತ್ತೀಚಿಗಷ್ಟೇ ಬಿಡುಗಡೆ ಮಾಡಿರುವ 2000 ರುಪಾಯಿ ನೋಟ್ ಸೇರಿದಂತೆ ಇತರೆ ಭಾರತೀಯ ನೋಟ್ ಗಳನ್ನು ಮುದ್ರಿಸಿ, ವಿತರಿಸುತ್ತಿದ್ದ ಜಾಲವನ್ನು ಹೈದರಾಬಾದ್ ಪೊಲೀಸರು ಶನಿವಾರ ಬೇಧಿಸಿದ್ದು, ಆರು ಮಂದಿಯ ಗ್ಯಾಂಗ್ ಅನ್ನು ಬಂಧಿಸಿದ್ದಾರೆ.
ಇಬ್ರಾಹಿಂಪಟ್ಟಣದಲ್ಲಿ ದಾಳಿ ನಡೆಸಿದ ವಿಶೇಷ ಕಾರ್ಯಾಚರಣೆಯ ತಂಡ ನಕಲಿ ನೋಟ್ ಜಾಲದಲ್ಲಿ ತೊಡಗಿದ್ದ ಆರು ಬಂಧಿಸಿದೆ ಮತ್ತು ಬಂಧಿರಿಂದ ನೂತನ 2000 ರುಪಾಯಿ ನೋಟ್ ಹಾಗೂ ನಿಷೇಧಿತ 500 ಹಾಗೂ 1000 ರುಪಾಯಿ ನೋಟ್ ಸೇರಿದಂತೆ ಒಟ್ಟು 2,22,310 ರುಪಾಯಿ ಮೌಲ್ಯದ ನಕಲಿ ನೋಟ್ ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ರಚಕೊಂಡ ಪೊಲೀಸ್ ಆಯುಕ್ತ ಮಹೇಶ್ ಎಂ ಭಾಗವತ್ ಅವರು ತಿಳಿಸಿದ್ದಾರೆ.
ಬಂಧಿತ ಆರೋಪಿಗಳನ್ನು ಜಮಲಪುರ್ ಸಾಯಿನಾಥ್, ಜಿ.ಅಂಜಯ್ಯ, ಎಸ್.ರಮೇಶ್, ಸಿ. ಸತ್ಯನಾರಾಯಣ, ಕೆ.ಶ್ರೀಧರಗೌಡ ಹಾಗೂ ಎ ವಿಜಯ್ ಕುಮಾರ್ ಎಂದು ಗುರುತಿಸಲಾಗಿದ್ದು, ಇತರೆ ಇಬ್ಬರು ಆರೋಪಿಗಳಾದ ಕಲ್ಯಾಣ್ ಮತ್ತು ಶ್ರೀಕಾಂತ್ ತಪ್ಪಿಸಿಕೊಂಡಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಆರೋಪಿಗಳು 500 ಹಾಗೂ 1000 ರುಪಾಯಿ ನೋಟ್ ನಿಷೇಧಿಸಿದ ನಂತರ 50 ಹಾಗೂ 100 ರುಪಾಯಿ ಸೇರಿದಂತೆ ಕಡಿಮೆ ಮೌಲ್ಯದ ನೋಟ್ ಗಳನ್ನು ಮುದ್ರಿಸಿ ಮಾರುಕಟ್ಟೆಯಲ್ಲಿ ಚಲಾವಣೆ ಮಾಡಿದ್ದಾರೆ. ಅಲ್ಲದೆ 2000 ರುಪಾಯಿ ನೋಟ್ ಅನ್ನು ಯಶಸ್ವಿಯಾಗಿ ಮುದ್ರಿಸಿದ್ದು, ಅದನ್ನೂ ಚಲಾವಣೆ ಮಾಡಲು ಯತ್ಮಿಸುತ್ತಿದ್ದರು ಎಂದು ಭಾಗವತ್ ತಿಳಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.