ಜಾರ್ಖಂಡ್: ಮಾವೋವಾದಿಗಳ ಹಣವನ್ನು ಬ್ಯಾಂಕಿಗೆ ನೀಡಲು ಹೋಗುತ್ತಿದ್ದ ವ್ಯಕ್ತಿಯ ಬಂಧನ

ರಾಂಚಿ: ಮಾವೋವಾದಿ ಗೆರಿಲ್ಲಾಗಳಿಗೆ ಸೇರಿದ 25 ಲಕ್ಷ ರೂಪಾಯಿಗಳನ್ನು ಬ್ಯಾಂಕ್ ನಲ್ಲಿ ಠೇವಣಿ ಮಾಡಲು ಯತ್ನಿಸುತ್ತಿದ್ದ ವ್ಯಕ್ತಿಯನ್ನು ಜಾರ್ಖಂಡ್ ನ ರಾಂಚಿಯಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ರಾಂಚಿಯ ಹೊರವಲ ಬೆರೊ ಎಂಬಲ್ಲಿ ಪೆಟ್ರೋಲ್ ಬಂಕ್ ಮಾಲಿಕ ನಂದ ಕಿಶೋರ್ ಎಂಬಾತನನ್ನು ಕಳೆದ ರಾತ್ರಿ ಬಂಧಿಸಲಾಗಿದೆ. ಆತ ಹಣವನ್ನು ಬ್ಯಾಂಕ್ ನಲ್ಲಿ ಠೇವಣಿಯಿಡಲು ತೆಗೆದುಕೊಂಡು ಹೋಗುತ್ತಿದ್ದ ವೇಳೆ ಪೊಲೀಸರು ಹಿಡಿದಿದ್ದಾರೆ. ನಂತರ ಪೊಲೀಸರು ವಿಚಾರಣೆ ನಡೆಸಿದಾಗ ಆ ಹಣ ನಿಷೇಧಿತ ಮಾವೋವಾದಿ ಆರ್ಗನೈಸೇಶನ್ ಪೀಪಲ್ಸ್ ಲಿಬರೇಶನ್ ಫ್ರಂಟ್ ಆಫ್ ಇಂಡಿಯಾ(ಪಿಎಲ್ಎಫ್ಐ)ಯ ಮುಖ್ಯಸ್ಥ ದಿನೇಶ್ ಗೊಪೆಯದ್ದು ಎಂದು ತಿಳಿದುಬಂದಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಮಾರಾಟದಿಂದ ಬಂದ ಹಣವೆಂದು ಬ್ಯಾಂಕಿನಲ್ಲಿ ಠೇವಣಿಯಿಡುವಂತೆ ಕಿಶೋರ್ ಗೆ ಆತ ಸೂಚಿಸಿದ್ದ.

ಎರಡು ದಿನಗಳ ಹಿಂದೆ 500 ಮತ್ತು 1000 ಮುಖಬೆಲೆಯ ನೋಟುಗಳ ಚಲಾವಣೆಯನ್ನು ನಿಲ್ಲಿಸಿದ ನಂತರ ಮಾವೋವಾದಿ ಗೆರಿಲ್ಲಾಗಳು ತಮ್ಮ ಅಕ್ರಮ ಹಣವನ್ನು ಇದ್ದಬದ್ದ ಎಲ್ಲಾ ಸಂಪರ್ಕಗಳನ್ನು ಬಳಸಿ ಬ್ಯಾಂಕುಗಳಲ್ಲಿ ಠೇವಣಿಯಿಡಲು ಪ್ರಯತ್ನಿಸುತ್ತಿದ್ದಾರೆ.

''ನಾವು ಅಂತಹ ಅಕ್ರಮ ಹಣದ ವಹಿವಾಟುಗಳ ಬಗ್ಗೆ ಗಮನ ಹರಿಸುತ್ತಿದ್ದೇವೆ. ನಮ್ಮ ಸಂಪರ್ಕ ಜಾಲ ಇಂತಹ ಅಕ್ರಮ ಹಣ ಬ್ಯಾಂಕ್ ಗೆ ಬರುತ್ತೇವೆಯೇ ಎಂದು ಕೂಲಂಕಷವಾಗಿ ನೋಡುತ್ತೇವೆ'' ಎಂದು ಜಾರ್ಖಂಡ್ ಪೊಲೀಸ್ ವಕ್ತಾರ ಎಂ.ಎಸ್.ಬಾಟಿಯಾ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.