ಸಾಮಾನ್ಯ ಮನುಷ್ಯನಿಗೆ ಅಪರಾಧಿಯನ್ನು ಕೊಲ್ಲುವ ಹಕ್ಕು ಇದೆ: ಹರ್ಯಾಣ ಡಿಜಿಪಿ

ಚಂಡಿಘಡ: ಸಾಮಾನ್ಯ ಮನುಷ್ಯನಿಗೆ ಅಪರಾಧಿಯ ಜೀವ ತೆಗೆಯುವ ಎಲ್ಲಾ ಹಕ್ಕು ಇರುತ್ತದೆ ಎಂದು ಹರಿಯಾಣ ಡಿಜಿಪಿ ಕೆಪಿ ಸಿಂಗ್ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

ಕಾನೂನು ಸುವ್ಯವಸ್ಥೆ ಬಗ್ಗೆ ಜನರಿಗೆ ಅರಿವು ಮೂಡಿಸುವ ಹೇಳಿಕೆ ನೀಡುವ ಬದಲು , ಅಪರಾಧ ಮಾಡಲು ಕುಮ್ಮಕ್ಕು ನೀಡುವ ಡಿಜಿಪಿ ಹೇಳಿಕೆಯಿಂದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದವರು ಸ್ತಂಭೀಭೂತರಾದರು.

ಒಂದು ವೇಳೆ ಯಾರಾದರೂ ನಿಮ್ಮ ಮನೆಯನ್ನು ಬೆಂಕಿಯಲ್ಲಿ ಸುಟ್ಟು, ನಿಮ್ಮನ್ನು ಕೊಲ್ಲಲು ಪ್ರಯತ್ನಿಸಿದರೇ ಅಂಥವರನ್ನು ಕೊಲ್ಲಲು ಸಾಮಾನ್ಯ ಮನುಷ್ಯರಿಗೆ ಹಕ್ಕು ಇರುತ್ತದೆ ಎಂದು ಅವರು ಪ್ರತಿಪಾದಿಸಿದ್ದಾರೆ.

ಯಾರಾದರೂ ಮಹಿಳೆಯನ್ನು ಅವಮಾನಿಸಿ ಕೊಲ್ಲಲು ಪ್ರಯತ್ನಿಸಿದರೆ, ಅಂಥವರನ್ನು ಕೊಲ್ಲಲು ಸಾಮಾನ್ಯ ಮನುಷ್ಯನಿಗೆ ಅಧಿಕಾರವಿದೆ ಎಂದು ಅವರು ತಿಳಿಸಿದ್ದಾರೆ. ಪೊಲೀಸರು ಈಗಾಗಲೇ ಅಂತ ಘಟನೆ ನಡೆಯುವ ಪ್ರದೇಶಗಳಲ್ಲಿ ಇದ್ದರೂ, ಸಾಮಾನ್ಯ ಮನುಷ್ಯನ ಪಾತ್ರ ಏನೆಂಬುದನ್ನು ಅರಿಯುವ ಅವಶ್ಯಕತೆ ಇರುತ್ತದೆ ಎಂದು ಹೇಳಿದ್ದಾರೆ.