ಉ.ಪ್ರದೇಶಕ್ಕೆ ಮಾದರಿಯಾದ ಕರ್ನಾಟಕದ "ಕಲ್ಯಾಣಿ ಪುನರುಜ್ಜೀವನ ಜಾಗೃತಿ ಅಭಿಯಾನ"

ನವದೆಹಲಿ: ಕರ್ನಾಟಕದ ಯುವಕರ ಪಡೆಯೊಂದು ಹಮ್ಮಿಕೊಂಡಿದ್ದ ಜಾಗೃತಿ ಅಭಿಯಾನವೊಂದು ಇದೀಗ ಪ್ರಧಾನಿ ನರೇಂದ್ರ ಮೋದಿ ಅವರ ಗಮನ ಸೆಳೆದಿದ್ದು, ಸ್ವತಃ ಪ್ರಧಾನಿ ಮೋದಿ ಈ ಬಗ್ಗೆ ಟ್ವೀಟ್ ಮಾಡಿ ಶ್ಲಾಘಿಸಿದ್ದಾರೆ.

ಕರ್ನಾಟಕದ ಹಲವು ಜಿಲ್ಲೆಗಳಲ್ಲಿ ಯುವಾ ಬ್ರಿಗೇಡ್ ಸಂಘಟನೆಯ ಕಾರ್ಯಕರ್ತರು ಹಮ್ಮಿಕೊಂಡಿದ್ದ ಕಲ್ಯಾಣಿ ಪುನರುಜ್ಜೀವನ ಕಾರ್ಯಕ್ರಮದಿಂದ ಸ್ಪೂರ್ತಿ ಪಡೆದಿರುವ ಕೆಲ ಯುವಕರು ಉತ್ತರ ಪ್ರದೇಶದಲ್ಲಿ "ಮುಖ್ಯಮಂತ್ರಿ ಜಲ ಬಚಾವೋ ಅಭಿಯಾನ" ಆರಂಭಿಸಿದ್ದು, ಮಳೆಗಾಲಕ್ಕೂ ಮೊದಲೇ ಉತ್ತರ ಪ್ರದೇಶದಲ್ಲಿ ಹಾಳಾಗಿರುವ ಜಲಮೂಲಗಳನ್ನು ಪುನರುಜ್ಜೀವನ ಮಾಡಲು ಅಭಿಯಾನ ಆರಂಭಿಸಲಾಗಿದೆ.

ಈ ಕುರಿತಂತೆ ಟ್ವೀಟ್ ಮಾಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ಕರ್ನಾಟಕದಲ್ಲಿ ಆರಂಭವಾಗಿರುವ ಕಲ್ಯಾಣಿ ಯೋಜನೆ ಉತ್ತರ ಪ್ರದೇಶದಲ್ಲಿ "ಮುಖ್ಯಮಂತ್ರಿ ಜಲ ಬಚಾವೋ" ರೂಪದಲ್ಲಿ ನಡೆಯುತ್ತಿದ್ದು, ಅಮೂಲ್ಯ ನೀರಿನ ಮೂಲಗಳನ್ನು ಜೀವಂತವಾಗಿಡುವ ದಿಕ್ಕಿನತ್ತ ಸಾಗುತ್ತಿದೆ ಎಂದು ಶ್ಲಾಘಿಸಿದ್ದಾರೆ.