ಲಿಬಿಯಾ: ಮೃತಪಟ್ಟ ನರ್ಸ್, ಮಗುವಿನ ಮೃತದೇಹ ಕರೆತರುವ ಪ್ರಯತ್ನ ಮಾಡುತ್ತಿದ್ದೇವೆ: ಚಾಂಡಿ

ಕೇರಳ: ಲಿಬಿಯಾದ ಸಬ್ರಾಥ ನಗರದಲ್ಲಿ ನಡೆಸಲಾಗಿರುವ ಶೆಲ್ ದಾಳಿಯಲ್ಲಿ ಮೃತಪಟ್ಟಿರುವ ಭಾರತದ ಕೇರಳ ಮೂಲದ ನರ್ಸ್ ಹಾಗೂ ಆಕೆಯ ಮಗುವಿನ ಮೃತ ದೇಹವನ್ನು ರಾಜ್ಯಕ್ಕೆ ಕರೆತರುವ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದ್ದೇವೆಂದು ಕೇರಳ ಮುಖ್ಯಮಂತ್ರಿ ಉಮ್ಮನ್ ಚಾಂಡಿ ಅವರು ಶನಿವಾರ ಹೇಳಿದ್ದಾರೆ.

ಈ ಕುರಿತಂತೆ ಮಾತನಾಡಿರುವ ಚಾಂಡಿ ಅವರು, ಲಿಬಿಯಾದಲ್ಲಿ ನಡೆದಿರುವ ಶೆಲ್ ದಾಳಿಯಲ್ಲಿ ಮಲಯಾಳಿ ತಾಯಿ ಹಾಗೂ ಆಕೆಯ ಮಗು ಸಾವನ್ನಪ್ಪಿರುವುದಾಗಿ ತಿಳಿದುಬಂದಿದೆ. ಈಗಾಗಲೇ ಲಿಬಿಯಾದಲ್ಲಿ ನೆಲೆಸಿರುವ ಕೇರಳ ಮೂಲದವರೊಂದಿಗೆ ಮಾತುಕತೆ ನಡೆಸಲಾಗಿದೆ. ಮಾತುಕತೆ ವೇಳೆ ರಾಯಭಾರಿ ಕಚೇರಿಯಿಂದ ಸಹಾಯವನ್ನು ಬಯಸುತ್ತಿದ್ದಾರೆ. ಈಗಾಗಲೇ ಭಾರತದ ರಾಯಭಾರಿ ಕಚೇರಿ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿದ್ದು, ಮೃತಪಟ್ಟ ತಾಯಿ, ಮಗುವಿನ ಮೃತದೇಹವನ್ನು ರಾಜ್ಯಕ್ಕೆ ಕರೆತರುವ ಪ್ರಯತ್ನಗಳನ್ನು ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ.

ಇನ್ನು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಕೂಡ ಲಿಬಿಯಾದಲ್ಲಿರುವ ಕೇರಳಿಗರ ರಕ್ಷಣೆಗಾಗಿ ಏನನ್ನೂ ಬೇಕಾದರೂ ಮಾಡಲು ಸಿದ್ಧನಿದ್ದೇನೆಂದು ಹೇಳಿದ್ದಾರೆಂದು ಹೇಳಿದ್ದಾರೆ.