ನೀವು ಟೀಕಿಸಿದರೆ ಅದು ವಾಕ್ ಸ್ವಾತಂತ್ರ್ಯ, ನಾವು ಟೀಕಿಸಿದರೆ ಅಸಹಿಷ್ಣುತೆ: ಯೆಚೂರಿಗೆ ಅರುಣ್ ಜೇಟ್ಲಿ ತರಾಟೆ

ನವದೆಹಲಿ: ರಾಜ್ಯಸಭೆಯಲ್ಲಿ ಆಧಾರ್ ಮಸೂದೆ ಮೇಲಿನ ಚರ್ಚೆ ಅಸಹಿಷ್ಣುತೆ ಹಾಗೂ ವಾಕ್ ಸ್ವಾತಂತ್ರ್ಯ ವಿಷಯಗಳ ಪ್ರಸ್ತಾಪಕ್ಕೂ ಸಾಕ್ಷಿಯಾಯಿತು.

ಆಧಾರ್ ಮಸೂದೆ ಬಗ್ಗೆ ಮಾತನಾಡುತ್ತಿದ್ದ ಸಚಿವ ಅರುಣ್ ಜೇಟ್ಲಿ, ಸಿಪಿಐ(ಎಂ) ಪಕ್ಷದ ಮುಖಂಡ ಸೀತಾರಾಮ್ ಯೆಚೂರಿ ಅವರನ್ನು ಟೀಕಿಸಿದ್ದು, ನೀವು ನನ್ನನ್ನು ಟೀಕಿಸಿದರೆ ಅದು ಅಭಿವ್ಯಕ್ತಿ ಸ್ವಾತಂತ್ರ್ಯ, ವಾಕ್ ಸ್ವಾತಂತ್ರ್ಯವಾಗುತ್ತದೆ. ಆದರೆ ನಾನು ನಿಮ್ಮನ್ನು ಟೀಕಿಸಿದರೆ ಅದು ನನ್ನ ಅಸಹಿಷ್ಣುತೆ ಆಗುತ್ತದೆ ಎಂದು ಹೇಳಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಅಸಹಿಷ್ಣುತೆ ವಿಷಯವನ್ನು ಮುಂದಿಟ್ಟುಕೊಂಡು ಕೇಂದ್ರ ಸರ್ಕಾರದ ಮೇಲೆ ವಾಗ್ದಾಳಿ ನಡೆಸುತ್ತಿವೆ. ಈಗ ಅಸಹಿಷ್ಣುತೆ ವಿಷಯವನ್ನು ಪ್ರಸ್ತಾಪಿಸಿರುವ ಅರುಣ್ ಜೇಟ್ಲಿ ವಿಪಕ್ಷಗ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.  ಅಸಹಿಷ್ಣುತೆ ಖಂಡಿಸಿ ಪ್ರಶಸ್ತಿ ವಾಪಸಾತಿ ಚಳುವಳಿಯನ್ನು ಅರುಣ್ ಜೇಟ್ಲಿ ಪೂರ್ವ ಯೋಜಿತವೆಂದು ಆರೋಪಿಸಿದ್ದರು.