ಸ್ವರ್ಣಮಂದಿರದಲ್ಲಿ ಮುಖ್ಯಮಂತ್ರಿ ಬಾದಲ್‌ಗೆ ಗೌರವ ಸಲ್ಲಿ ಸಲು ನಿರಾಕರಣೆ; ಅರ್ಚಕ ಎತ್ತಂಗಡಿ
ಸಿಕ್ಖರ ಪವಿತ್ರ ಸ್ವರ್ಣ ಮಂದಿರ ಅಮೃತಸರದ ಗರ್ಭಗುಡಿಯಲ್ಲಿ ಪಂಜಾಬ್ ಮುಖ್ಯಮಂತ್ರಿ ಪ್ರಕಾಶ್ ಸಿಂಗ್ ಬಾದಲ್ ಅವರಿಗೆ...
ಅಮೃತಸರ: ಸಿಕ್ಖರ ಪವಿತ್ರ ಸ್ವರ್ಣ ಮಂದಿರ ಅಮೃತಸರದ ಗರ್ಭಗುಡಿಯಲ್ಲಿ ಪಂಜಾಬ್ ಮುಖ್ಯಮಂತ್ರಿ ಪ್ರಕಾಶ್ ಸಿಂಗ್ ಬಾದಲ್ ಅವರಿಗೆ ಸಾಂಪ್ರದಾಯಿಕ ಗೌರವ ಶಿರೋವಸ್ತ್ರ ಸಿರ್ಪೋರಾ ಪ್ರದಾನ ಮಾಡಲು ನಿರಾಕರಿಸಿದ ಪ್ರಾರ್ಥನ ಪಠನಕಾರ (ಅರ್ದಾಸಿಯಾ) ಬಲ್ಬಿರ್ ಸಿಂಗ್ ಅವರನ್ನು ಎತ್ತಂಗಡಿ ಮಾಡಲಾಗಿದೆ.
ಸಿಕ್ಖರ ಪವಿತ್ರ ಧರ್ಮ ಗ್ರಂಥವಾಗಿರುವ ಗುರುಗ್ರಂಥ ಸಾಹಿಬ್‌ ಅನ್ನು ಕಳೆದ ವರ್ಷ ಅಪವಿತ್ರಗೊಳಿಸಲಾದ ಹಲವಾರು ಪ್ರಕರಣಗಳಲ್ಲಿ ಸರಕಾರ ನಿಷ್ಕ್ರಿಯತೆ ತೋರಿರುವುದಕ್ಕೆ ಪ್ರತಿಭಟನೆಯಾಗಿ ತಾನು ಮುಖ್ಯಮಂತ್ರಿ ಪ್ರಕಾಶ್ ಸಿಂಗ್ ಬಾದಲ್‌ಗೆ ಸರ್‌ಪೋರಾ ಗೌರವ ವಸ್ತ್ರ ನೀಡಲಿಲ್ಲ ಎಂದು ಪ್ರಾರ್ಥನ ಪಠನಕಾರ ಬಲ್ಬಿರ್ ಸಿಂಗ್ ತಮ್ಮನ್ನು ಸಮರ್ಥಿಸಿಕೊಂಡಿದ್ದಾರೆ.
ಮುಖ್ಯಮಂತ್ರಿ ಪ್ರಕಾಶ್ ಸಿಂಗ್ ಬಾದಲ್ ಅವರು ಶಿರೋಮಣಿ ಗುರುದ್ವಾರ ಪ್ರಬಂಧಕ ಸಮಿತಿ (ಎಸ್‌ಜಿಪಿಸಿ)ಯ ಹಿರಿಯ ಅಧಿಕಾರಿಗಳೊಂದಿಗೆ ಸ್ವರ್ಣ ಮಂದಿರಕ್ಕೆ ಪ್ರಾರ್ಥನೆ ಸಲ್ಲಿಸಲು ಹೋಗಿದ್ದರು. ಆಗ ಅವರಿಗೆ ಬಲ್ಬಿರ್ ಸಿಂಗ್ ಸಿರ್ಪೋರಾ ನೀಡಲು ನಿರಾಕರಿಸಿದ್ದರು.
ವಿಶೇಷವೆಂಬಂತೆ ಈ ವರ್ಷ ಜನವರಿ 20ರಂದು ಸ್ವರ್ಣ ಮಂದಿರಕ್ಕೆ ಭೇಟಿ ನೀಡಿದ್ದ ಉಪ ಮುಖ್ಯಮಂತ್ರಿ ಸುಖಬೀರ್‌ ಸಿಂಗ್ ಬಾದಲ್ ಅವರಿಗೂ ಇದೇ ಬಲ್ಬಿರ್ ಸಿಂಗ್ ಅವರು ಸಿರ್ಪೋರಾ ನೀಡಲು ನಿರಾಕರಿಸಿದ್ದರು.
ಸ್ವರ್ಣ ಮಂದಿರದಲ್ಲಿ ಅರ್ದಾಸಿಯಾ (ಪ್ರಾರ್ಥನ ಪಠನಕಾರ) ಆಗಿರುವವರು ಎಸ್‌ಜಿಪಿಸಿಯ ನೌಕರರಾಗಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.