ಉನಾದಲ್ಲಿ ಹಸುಗಳನ್ನು ಕೊಂದಿದ್ದು ಸಿಂಹಗಳು, ದಲಿತರಲ್ಲ : ಗುಜರಾತ್ ಸಿಐಡಿ ವರದಿ
ಗುಜರಾತ್ ನ ಗಿರ್ ಸೋಮನಾಥ್ ಜಿಲ್ಲೆಯ ಉನಾ ಪಟ್ಟಣದಲ್ಲಿ ದಲಿತರ ಮೇಲೆ ಹಸುವಿನ ರಕ್ಷಕರು ದೌರ್ಜನ್ಯ ನಡೆಸಿದ ಘಟನೆ ಬಗ್ಗೆ ತನಿಖೆ...
Published On :
ಅಹಮದಾಬಾದ್: ಗುಜರಾತ್ ನ ಗಿರ್ ಸೋಮನಾಥ್ ಜಿಲ್ಲೆಯ ಉನಾ ಪಟ್ಟಣದಲ್ಲಿ ದಲಿತರ ಮೇಲೆ ಹಸುವಿನ ರಕ್ಷಕರು ದೌರ್ಜನ್ಯ ನಡೆಸಿದ ಘಟನೆ ಬಗ್ಗೆ ತನಿಖೆ ನಡೆಸುತ್ತಿರುವ ಸಿಐಡಿ ಪೊಲೀಸರು, ಹಸುಗಳನ್ನು ಸಿಂಹಗಳು ಕೊಂದುಹಾಕಿವೆ ಎಂದು ಹೇಳಿದ್ದಾರೆ.
ಉನಾ ತಾಲ್ಲೂಕಿನ ಮೊಟ ಸಮಾದಿಯಾಲ ಗ್ರಾಮದಲ್ಲಿ ದಲಿ ತರನ್ನು ಗೋ ರಕ್ಷಕರು ಥಳಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿರುವ ಸಿಐಡಿ ಅಪರಾಧ ಪೊಲೀಸರು, ಹಸುಗಳನ್ನು ಜುಲೈ 10 ಮತ್ತು 11ರಂದು ಸಿಂಹಗಳು ಕೊಂದುಹಾಕಿವೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ ಎಂದು ಹೇಳಿದ್ದಾರೆ.
ತನಿಖೆಯ ಮೇಲ್ವಿಚಾರಣೆ ನಡೆಸುತ್ತಿರುವ ಸಿಐಡಿ ಮಹಾ ನಿರ್ದೇಶಕ ಎಸ್.ಎಸ್.ತ್ರಿವೇದಿ, ಸಿಂಹಗಳು ನಾಲ್ಕು ಹಸುಗಳನ್ನು ಕೊಂದು ಹಾಕಿವೆ ಎಂದು ತಿಳಿಸಿದ್ದಾರೆ.
ನಮ್ಮ ತನಿಖೆ ಸಂದರ್ಭದಲ್ಲಿ, ಸಿಂಹಗಳು ಮೊಟ ಸಮದಿಯಾಲಾ ಹತ್ತಿರ ಬೆಡಿಯಾ ಗ್ರಾಮದಲ್ಲಿ ಹಸುವೊಂದನ್ನು ಕೊಂದು ಹಾಕಿವೆ. ಅದರ ಸುತ್ತಮುತ್ತಲ ಗ್ರಾಮದಲ್ಲಿ ಮತ್ತೆ ಮೂರು ಹಸುಗಳನ್ನು ಕೊಂದಿವೆ. ಬೆಳಗ್ಗೆ ವಿಷಯ ಗಮನಕ್ಕೆ ಬಂದಾಗ ದಲಿತರಲ್ಲಿ ಹಸುಗಳ ಅವಶೇಷಗಳನ್ನು ಮಣ್ಣು ಮಾಡಲು ಹೇಳಲಾಯಿತು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿರುವುದಾಗಿ ತಿಳಿದುಬಂದಿದೆ ಎಂದು ತ್ರಿವೇದಿ ತಿಳಿಸಿದ್ದಾರೆ.
ಸಿಂಹಗಳು ಕೊಂದುಹಾಕಿದ ಹಸುಗಳ ಚರ್ಮ ಸುಲಿಯುತ್ತಿರುವಾಗ ಗೋ ರಕ್ಷಕರನ್ನು ಸ್ಥಳಕ್ಕೆ ಯಾರು ಕರೆದರು ಮತ್ತು ಅವರಿಗೆ ತಪ್ಪು ಮಾಹಿತಿ ಯಾರು ಏಕೆ ಕೊಟ್ಟರು ಎಂಬುದನ್ನು ತಿಳಿದುಕೊಳ್ಳಬೇಕಾಗಿದೆ ಎನ್ನುತ್ತಾರೆ ಸಿಐಡಿ ಪೊಲೀಸರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.