ಆದಾಯಕ್ಕಿಂತ ಹೆಚ್ಚಿನ ಆಸ್ತಿ ಪ್ರಕರಣ: ಜಯಾಲಲಿತಾ ಕೇಸ್ ಮಾರ್ಚ್ 10ಕ್ಕೆ ಮುಂದೂಡಿಕೆ

ನವದೆಹಲಿ: ತಮಿಳುನಾಡು ಮುಖ್ಯಮಂತ್ರಿ ಜಯಲಲಿತಾ ಅಕ್ರಮ ಆಸ್ತಿ ಪ್ರಕರಣ ಖುಲಾಸೆ ಸಂಬಂಧ ರಾಜ್ಯ ಸರ್ಕಾರ ಸಲ್ಲಿಸಿರುವ ಮೇಲ್ಮನವಿವಿಚಾರಣೆಯನ್ನು ಸುಪ್ರೀಂ ಕೋರ್ಟ್ ಮಾರ್ಚ್ 10ಕ್ಕೆ ಮುಂದೂಡಿದೆ.

ಜತೆಗೆ ಸಮರ್ಪಕ ಆಧಾರಗಳನ್ನು ಹಾಜರು ಪಡಿಸಬೇಕು ಎಂದು ತಿಳಿಸಿದೆ. ಇಂದು ರಾಜ್ಯ ಸರ್ಕಾರ ಕೆಲ ಸಾಕ್ಷಿಗಳನ್ನು ನ್ಯಾಯಾಲಯದ ಮುಂದೆ ಹಾಜರು ಪಡಿಸಲಿದೆ ಎಂದು ಹೇಳಲಾಗಿತ್ತು. ಜಯಲಲಿತಾರ ಪೋಸ್ ಗಾರ್ಡನ್ ನಿವಾಸದಲ್ಲಿ ವಾಸವಿದ್ದ ಇತರರು ಅಂದರೆ ಶಶಿಕಲಾ, ಇಳವರಸಿ ಮತ್ತು ವಿ ಸುಧಾಕರನ್ ಬಹುಮೌಲ್ಯದ ಹಣವನ್ನು ಬ್ಯಾಂಕ್ ನಲ್ಲಿ ಡಿಪಾಸಿಟ್ ಮಾಡಿದ್ದರು ಎಂದು ರಾಜ್ಯ ಸರ್ಕಾರದ ನ್ಯಾಯವಾದಿ ದುಶ್ಯಂತ ದಾವೆ ವಾದ ಮಂಡಿಸಿದರು.

ಜಯಲಲಿತಾ ಜನ್ಮದಿನ ಆಚರಿಸಿಕೊಂಡಿರಬಹುದು, ಆದರೆ ಜನ್ಮದಿನಕ್ಕೆ ಖರ್ಚು ಮಾಡಿದ ಹಣ ಕಾನೂನು ಬದ್ಧವಾಗಿ ಬಂದದ್ದಲ್ಲ ಎಂದು ವಕೀಲ ದಾವೆ ಹೇಳಿದ್ದರು. ಪ್ರಕರಣವನ್ನು ಯಾವ ಆಧಾರದಲ್ಲಿ ವಿಚಾರಣೆ ನಡೆಸಲಾಯಿತು ಎಂಬ ಬಗ್ಗೆಯೇ ಸ್ಪಷ್ಟನೆಗಳಿಲ್ಲ. ಇದನ್ನು ಮೊದಲು ಭ್ರಷ್ಟಾಚಾರದ ಪ್ರಕರಣ ಎಂದು ಪರಿಗಣಿಸಬೇಕು ಎಂದು ದಾವೆ ವಾದ ಮಾಡಿದ್ದರು. .