ಮೋದಿ ದತ್ತು ಪಡೆದ ಗ್ರಾಮಕ್ಕೆ ಬಂತು 'ಅಚ್ಚೇ ದಿನ್'

ನವದೆಹಲಿ: ಸಂಸದ್ ಆದರ್ಶ್ ಗ್ರಾಮ ಯೋಜನೆಯಡಿಯಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ದತ್ತು ಪಡೆದುಕೊಂಡಿದ್ದ ಗ್ರಾಮಗಳಿಗೆ ಇದೀಗ ಅಚ್ಚೇ ದಿನ್ ಬಂದಿದ್ದು, ಶೀಘ್ರದಲ್ಲೇ ಗ್ರಾಮಕ್ಕೆ ಉಚಿತ ವಿದ್ಯುತ್ ಸಿಗಲಿದೆ ಎಂದು ಹೇಳಲಾಗುತ್ತಿದೆ.

ಈ ಹಿಂದೆ ಮೋದಿಯವರು ವಾರಣಾಸಿಯ ಜಯಪುರ ಗ್ರಾಮವನ್ನು ಸಂಸದ್ ಆದರ್ಶ್ ಗ್ರಾಮ ಯೋಜನೆಯಡಿಯಲ್ಲಿ ದತ್ತು ಪಡೆದಕೊಂಡಿದ್ದು, ಗ್ರಾಮದಲ್ಲಿ ಒಟ್ಟು 810 ಕುಟುಂಬಗಳು ವಾಸವಿದ್ದು, ಈ ಎಲ್ಲಾ ಕುಟುಂಬಗಳು ಶೀಘ್ರದಲ್ಲೇ ಉಚಿತ್ ವಿದ್ಯುತ್ ಪಡೆಯಲಿದೆ ಎಂದು ತಿಳಿದುಬಂದಿದೆ.

ಗ್ರಾಮದಲ್ಲಿ ಗ್ರೀನ್ ಸೋಲಾರ್ ಎನರ್ಜಿ ಲಿಮಿಟೆಡ್'ನ್ನು ಸ್ಥಾಪಿಸಲು ಈಗಾಗಲೇ ಯೋಜನೆ ರೂಪಿಸಲಾಗಿದ್ದು, ಈ ಮೂಲಕ ಉಚಿತ ಸೋಲಾರ್ ವಿದ್ಯುತ್ ಸೌಲಭ್ಯವನ್ನು ಗ್ರಾಮದ ಜನತೆ ಪಡೆಯಲಿದೆ. ಈಗಾಗಲೇ ಗ್ರಾಮದಲ್ಲಿ 25 ಕೆಡಬ್ಲ್ಯೂ ಸಾಮರ್ಥ್ಯದ 2 ಪ್ಲಾಂಟ್ ಗಳನ್ನು ಸ್ಥಾಪಿಸಲಾಗಿದ್ದು, ಶೀಘ್ರದಲ್ಲೇ ಕಾರ್ಯ ಆರಂಭವಾಲಗಿದೆ ಎನ್ನಲಾಗುತ್ತಿದೆ.