ಗಾಂಧಿ ಜತೆ ಮೋದಿ ಹೋಲಿಕೆ ಪೋಸ್ಟರ್: ವಿವಾದಕ್ಕೀಡಾದ ಬಿಜೆಪಿ ನಾಯಕ

ನವದೆಹಲಿ: ಬಿಜೆಪಿ ನಾಯಕರೊಬ್ಬರು ಮಹಾತ್ಮ ಗಾಂಧೀಜಿಗೆ ಪ್ರಧಾನಿ ನರೇಂದ್ರ ಮೋದಿಯವರನ್ನು ಹೋಲಿಕೆ ಮಾಡಿದ ಪೋಸ್ಟರ್ ಒಂದನ್ನು ಪ್ರಕಟಿಸುವ ಮೂಲಕ ವಿವಾದಕ್ಕೀಡಾಗಿದ್ದು, ವಿರೋಧ ಪಕ್ಷಗಳ ಕೆಂಣ್ಣಿಗೆ ಗುರಿಯಾಗಿದ್ದಾರೆ.

ಬಿಜೆಪಿ ನಾಯಕ ವಿಜಯ್ ಗೋಯಲ್ ತನ್ನ ನಿವಾಸದ ಬಳಿ ಈ ಪೋಸ್ಟರ್ ಹಾಕಿಸಿದ್ದು, ಪ್ರಧಾನಿ ಮೋದಿಯವರು ಸಬರ್ ಮತಿಯಿಂದ ಬಂದ ಸಂತ ಎಂದು ಪೋಸ್ಟರ್ ನಲ್ಲಿ ಪ್ರಕಟವಾಗಿದೆ. ಆದರೆ, ಗೋಯಲ್ ಅವರ ಈ ನಡೆಗೆ ಎಲ್ಲೆಡೆ ಟೀಕೆ ವ್ಯಕ್ತವಾಗುತ್ತಿದೆ.

ಈ ಬಗ್ಗೆ ಸಮರ್ಥನೆ ನೀಡಿರುವ ಗೋಯಲ್, ಗಾಂಧೀಜಿ ಏನು ಮಾಡಿದ್ದಾರೆ? ಮತ್ತು ಮೋದೀಜಿಯವರು ಏನು ಮಾಡಿದ್ದಾರೆ? ಎಂಬುದನ್ನು ನಾನು ತಿಳಿಸಿದ್ದೇನೆ. ಇಬ್ಬರೂ ಸಬರ್ ಮತಿಯಿಂದ ಬಂದವರಾಗಿದ್ದಾರೆ. ಇಷ್ಟೇ ಅಲ್ಲದೇ, ಮೋದಿ ಅವರು ಗಾಂಧಿ ತೋರಿದ ಮಾರ್ಗದಲ್ಲಿ ನಡೆಯುತ್ತಿದ್ದಾರೆ. ಹಾಗಾಗಿ, ಮೋದಿ ಮಾಡಿರುವ ಕೆಲಸಗಳ ಬಗ್ಗೆ ಹೇಳಿದ್ದೇವೆ ಎಂದು ಹೇಳಿದ್ದಾರೆ.