1945ರ ನಂತರವೂ ನೇತಾಜಿ ಬದುಕಿದ್ದರು ಎಂಬುದು ಕಡತಗಳಿಂದ ಬಹಿರಂಗ: ಮಮತಾ

ಕೋಲ್ಕತಾ: ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರು 1945ರ ನಂತರವೂ ಬದುಕಿದ್ದರು ಎಂಬುದುಕ್ಕೆ ರಾಜ್ಯ ಸರ್ಕಾರ ಬಿಡುಗಡೆ ಮಾಡಿರುವ ಕಡತಗಳಲ್ಲಿರುವ ಅಂಶಗಳು ಪುಷ್ಟಿ ನೀಡುತ್ತಿವೆ ಮತ್ತು ಇದಕ್ಕಾಗಿಯೇ ಅವರ ಕುಟುಂಬದ ಮೇಲೆ ಬೇಹುಗಾರಿಕೆ ನಡೆಸಲಾಗಿದೆ ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಶುಕ್ರವಾರ ಹೇಳಿದ್ದಾರೆ.

'ನಾನು ದಾಖಲೆಗಳನ್ನು ಪರಿಶೀಲಿಸಿದ್ದೇನೆ. ನೇತಾಜಿ ಕುಟುಂಬದ ವಿರುದ್ಧ ಬೇಹುಗಾರಿಕೆ ನಡೆಸಿರುವುದು ಸ್ಪಷ್ಟವಾಗಿ ತಿಳಿದುಬರುತ್ತದೆ' ಎಂದು ಮಮತಾ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಸ್ವಾತಂತ್ರ್ಯ ನಂತರ ನೇತಾಜಿ ಅವರಿಗೆ ಸೂಕ್ತ ಗೌರವ ಸಿಗದಿರುವುದು ಮತ್ತು ಅವರ ಕುಟುಂಬದ ವಿರುದ್ಧವೇ ಬೇಹುಗಾರಿಗೆ ನಡೆಸಿರುವುದು 'ದುರದೃಷ್ಟಕರ' ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಹೇಳಿದ್ದಾರೆ.

'1945ರ ವಿಮಾನ ದುರಂತದ ನಂತರವೂ ನೇತಾಜಿ ಅವರು ಬದುಕಿದ್ದರು ಎಂದು ಕೆಲವು ಪತ್ರಗಳು ಹೇಳುತ್ತವೆ' ಎಂದಿದ್ದಾರೆ.