ಗ್ಯಾಸ್ ಸಬ್ಸಿಡಿಗೆ ಮಾಜಿ ಸಚಿವ ಫಾರೂಕ್ ಅರ್ಜಿ

ಶ್ರೀನಗರ: ಶ್ರೀಮಂತರು, ಸಂಸತ್ ಸದಸ್ಯರು, ಸಚಿವರು ಅಡುಗೆ ಅನಿಲ ಸಬ್ಸಿಡಿ ತ್ಯಾಗ ಮಾಡಿ ಎಂದು ಪ್ರಧಾನಿ ಮೋದಿ ಸಲಹೆ ಮಾಡಿದ್ದಾರೆ. ಆದರೆ ಕೇಂದ್ರದ ಮಾಜಿ ಸಚಿವ ಫಾರೂಕ್ ಅಬ್ದುಲ್ಲಾ ತನಗೆ ಅಡುಗೆ ಅನಿಲ ಸಬ್ಸಿಡಿ ಬೇಕು ಎಂದು ಮನವಿ ಮಾಡಿದ್ದಾರೆ.

ಶ್ರೀನಗರದ ದುರ್ಗಾನಾಗ್ ಎಂಬಲ್ಲಿ ಎಚ್‍ಪಿ ಕಂಪನಿಗೆ ಅರ್ಜಿ ನೀಡಿದ್ದಾರೆ. ಅಂದ ಹಾಗೆ ಈ ಬೆಳವಣಿಗೆ ನಡೆದದ್ದು ಆ.14ರಂದು. ಈ ಬಗ್ಗೆ ಅಬ್ದುಲ್ಲಾರ ಪ್ರತಿಕ್ರಿಯೆ ಕೇಳಲು ಬಯಸಿದಾಗ ಆಪ್ತ ಕಾರ್ಯದರ್ಶಿ 'ಸಾಹೇಬರು ಮೀಟಿಂಗ್ ನಲ್ಲಿದ್ದಾರೆ'' ಎಂದು ಹಲವು ಮಾಧ್ಯಮಗಳು ವರದಿ ಮಾಡಿವೆ.

ಕಳೆದ ಲೋಕಸಭೆ ಚುನಾವಣೆ ವೇಳೆ ಜಮ್ಮು-ಕಾಶ್ಮೀರದ ಮಾಜಿ ಸಿಎಂ ರು.10 ಕೋಟಿ ಆದಾಯ ಇದೆ. ರು.13 ಕೋಟಿ ಮೌಲ್ಯದ ಆಸ್ತಿ ಇದೆ ಎಂದು ಘೋಷಿಸಿಕೊಂಡಿದ್ದರು.